27 jastaǵy Aqtaý turǵyny sýǵa batyp ketti
AQTAÝ. QazAqparat - Mańǵystaýda 27 jastaǵy qala turǵyny teńizge batyp, mert boldy,-dep habarlaıdy Qazaqparat tilshisi Mańǵystaý oblystyq tótenshe jaǵdaılar departamentine silteme jasap.
Oqıǵa oblys ortalyǵynan 63 shaqyrym qashyqtyqta ornalasqan jaǵajaıda bolǵan. Qutqarýshylardyń pikirinshe, marqum bıik jartastan sekirgen.
«Saǵat 17.45-te Túpqaraǵan aýdany, «Golýbaıa býhta» dep atalatyn aýmaqta jigitterdiń sýǵa sekirip jatqany týraly habarlama keldi. Jedel qutqarý jasaǵy Aqtaýdan dereý shyqqan bolatyn. Ókinishke oraı, qutqarýshylar jetkenshe, bir jigit sýǵa batyp ketti»,-deıdi MO tótenshe jaǵdaılar departamentiniń ókili.
Jigittiń denesin sýdan janyndaǵy joldastary shyǵaryp alǵan. Olar bul oqıǵanyń qas-qaǵym sátte bolǵanyn aıtady.
Tótenshe jaǵdaılar salasynyń ókilderi bul jerdiń sýǵa túsýge eń qaýipti aımaq ekenin aıtady. Ol jerden tek mashyqtanǵan adamdar ǵana sekire alady.
Aıta keteıik, 25 mamyr kúni sýǵa shomylý maýsymy bastalǵaly demalýshylardyń teńizge batyp ketý jaǵdaıy tirkelmegen edi. Bul alǵashqy qaıǵyly jaǵdaı.
Qazir aýdan boıynshy qaıǵyly oqıǵanyń qaıtalanbaýy úshin aldyn alý sharalary júrip jatyr.
Qutqarýshylar sýǵa túsý kezinde abaı bolyp, qarapaıym qaýipsizdik sharalaryn saqtap, tyıym salynǵan aýmaqta sýǵa túspeýge shaqyrady.
