27 tamyz kúngi aýa raıy boljamy
NUR-SULTAN. QazAqparat – 27 tamyz kúni Qazaqstan aýmaǵynyń ońtústiginde, ońtústik-shyǵysynda, shyǵysynda jáne soltústik-shyǵysynda qubylmaly aýa raıy saqtalady. Atmosferalyq frontaldy bólikterdiń ótýine baılanysty jańbyrmen birge naızaǵaı kútiledi. Ońtústik pen ońtústik-shyǵysta qatty jańbyr jaýady. Respýblıkanyń batysynda jáne soltústik-batysynda aýa raıy jaýyn-shashynsyz bolady. Jekelegen óńirlerde tuman, jeldiń kúsheıýi, daýyl, burshaq boljanady, dep habarlaıdy QazAqparat «Qazgıdromet» RMK-ǵa silteme jasap.
Atap aıtqanda, Almaty oblysynyń keı jerlerinde jeldiń ekpini 25 m/s kúsheıedi, keı jerlerde burshaq jaýýy yqtımal.
Jambyl oblysynda naızaǵaı oınap, jel 15-20 m/s artady. Keı jerlerde tuman, burshaq kútiledi.
Túrkistan oblysynyń keı jerlerinde daýyl, 15-20 m/s ekpindegi jel, burshaq boljanady.
Túnde jáne tańerteń Qostanaı, Soltústik Qazaqstan, Shyǵys Qazaqstan oblystarynyń keı jerlerinde tuman kútiledi. Kúndiz Shyǵys Qazaqstan oblysynda jeldiń kúshi 15-20 m/s kúsheıedi.
Pavlodar, kúndiz Qaraǵandy oblystarynyń keı jerlerinde jel 15-20 m/s kúsheıedi. Qaraǵandy oblysynda burshaq jaýýy yqtımal.
Qyzylorda oblysynda, Túrkistan, Atyraý oblystarynyń keı jerlerinde, Jambyl oblysynyń batysynda, Batys Qazaqstannyń ońtústiginde, Qaraǵandy oblysynyń ońtústik-batysynda tótenshe órt qaýpi kútiledi.
