27 tamyzda keı óńirlerde burshaq jaýyp, shańdy daýyl turyp, jańbyr jaýady - Qazgıdromet
ASTANA. KAZINFORM - «Qazgıdromet» 27 tamyzǵa Qazaqstannyń birqatar óńirinde kún raıyna baılanysty eskertý jarııalady. Keı oblystarda qatty jańbyr, naızaǵaı, burshaq, kúshti jel, shańdy daýyl men tuman kútiledi.
Jeldiń jyldamdyǵy sekýndyna 25 metrge deıin jetýi múmkin. Shyǵys Qazaqstan oblysynyń taýly aýdandarynda jańbyr men qar jaýady, dep habarlaıdy Qazgıdromet.
Qostanaı oblysynda jańbyr jaýyp, naızaǵaı oınaıdy. Oblystyń soltústigi men batysynda keı ýaqytta qatty jańbyr jaýady. Kúndiz batysy men shyǵysynda burshaq jaýyp, shkval bolýy múmkin. Ońtústigi men shyǵysynda soltústik-batystan soǵatyn jeldiń ekpini 15-20 m/s-qa deıin kúsheıedi.
Soltústik Qazaqstan oblysynda túnde batysy, soltústigi men ońtústiginde jańbyr jaýyp, naızaǵaı oınaıdy. Kúndiz batysy men soltústiginde qatty jańbyr jaýyp, burshaq, shkval jáne shańdy daýyl bolýy yqtımal. Jeldiń ekpini keı jerlerde 25 m/s-qa deıin jetedi. Ońtústigi men shyǵysynda túnde jáne tańerteń tuman túsedi. Petropavlda kúndiz burshaq jaýyp, shkval bolýy múmkin.
Aqmola oblysynda kúndiz batysy, soltústigi men ońtústiginde jańbyr, naızaǵaı, burshaq, shkval jáne shańdy daýyl kútiledi. Ońtústik jáne ońtústik-batys jeliniń ekpini keı jerlerde 25 m/s-qa deıin jetedi. Kókshetaýda jańbyr jaýyp, naızaǵaı oınaıdy, jeldiń jyldamdyǵy 15-18 m/s bolady.
Shyǵys Qazaqstan oblysynda túnde soltústiginde jańbyr jaýyp, naızaǵaı oınaıdy. Shyǵysy men taýly aýdandarynda jańbyr men qar jaýady. Túnde jáne tańerteń oblystyń soltústigi men shyǵysynda tuman túsedi. Jel 15-18 m/s-qa deıin kúsheıedi.
Mańǵystaý oblysynda batysy, soltústigi men ortalyǵynda jańbyr jaýyp, naızaǵaı oınaıdy. Soltústik-shyǵystan soǵatyn jeldiń ekpini 15-20 m/s-qa deıin jetedi.
Qyzylorda oblysynyń soltústiginde túnde jańbyr jaýyp, naızaǵaı oınaıdy. Kúndiz sol aýmaqta shańdy daýyl soǵyp, jeldiń ekpini 15-20 m/s-qa deıin kúsheıedi.
Aqtóbe oblysynyń soltústiginde túnde, al soltústik-shyǵysynda kúndiz jańbyr jaýyp, naızaǵaı oınaıdy. Oblys ortalyǵynda túnde jáne tańerteń tuman túsýi múmkin.
Batys Qazaqstan oblysynyń soltústiginde kúndiz jańbyr jaýyp, naızaǵaı oınaıdy.
Pavlodar oblysynyń batysy men soltústiginde túnde jáne tańerteń tuman túsedi. Kúndiz soltústigi men shyǵysynda jel 15-20 m/s-qa deıin kúsheıedi.
Jambyl oblysynyń ońtústik-batysy, soltústik-shyǵysy men taýly aýdandarynda soltústik-shyǵystan soǵatyn jeldiń ekpini 15-20 m/s-qa deıin jetedi.
Almaty oblysynyń shyǵysynda kúndiz jeldiń ekpini 18 m/s-qa deıin kúsheıedi.
Jetisý oblysynyń taýly aýdandarynda túnde jáne tańerteń tuman túsedi. Shyǵysynda jel 15-20 m/s-qa deıin kúsheıedi.
Abaı oblysynyń soltústigi men ortalyǵynda túnde jáne tańerteń tuman kútiledi.
Sonymen qatar Jambyl, Atyraý, Qyzylorda oblystary men Ulytaý oblysynda, sondaı-aq Qostanaı, Aqtóbe, Qaraǵandy, Almaty, Jetisý, Abaı jáne Mańǵystaý oblystarynyń jekelegen aýdandarynda tótenshe órt qaýpi saqtalady.
Buǵan deıin Qazaqstannyń basym bóliginde 27-29 tamyz aralyǵynda jańbyr, naızaǵaı, burshaq jáne shkval kútiletini habarlanǵan bolatyn. Birqatar óńirde aýa temperatýrasy aıtarlyqtaı tómendeıdi. Al ońtústik jáne ońtústik-shyǵys óńirlerde aptap ystyq saqtalyp, aýa temperatýrasy +37 gradýsqa deıin kóteriledi.
Osyǵan deıin Túrkııanyń soltústik-batysynda orman órti órship turǵany týraly jazdyq.
