27 shildede Qazaqstannyń qaı óńirlerinde jańbyr jaýady
ASTANA. KAZINFORM — Sınoptıkter 27 shildede Qazaqstannyń qaı óńirlerinde jańbyr men naızaǵaı bolatynyn habarlady.
«Qazgıdromet» 2026 jylǵy 27 shildege arnalǵan Qazaqstan aýmaǵy boıynsha aýa raıynyń jalpy boljamyn jarııalady.
Sınoptıkterdiń málimetinshe, dúısenbi kúni elimizdiń batysynda, soltústik-shyǵysynda, shyǵysynda, ortalyǵynda, sondaı-aq ońtústik-shyǵystyń taýly aımaqtarynda jańbyr jaýyp, naızaǵaı oınaıdy. Keı jerlerde burshaq túsip, ekpindi jel soǵady. Al eldiń shyǵysynda nóser jańbyr kútiledi.
Al ońtústik-batysta, ońtústikte, soltústik-batysta jáne soltústikte jaýyn-shashynsyz aýa raıy saqtalady.
Sonymen qatar respýblıka boıynsha jeldiń kúsheıýi boljanýda. Batysta, ońtústik-batysta, soltústikte jáne ońtústikte shańdy daýyl turýy múmkin. Al eldiń soltústigi men shyǵysynda túngi jáne tańǵy ýaqytta tuman kútiledi.
Buǵan deıin «Qazgıdromet» eldiń batysynda 40 gradýsqa deıin aptap ystyq bolatynyn málimdegen edi.
