27 shildede elimizdiń basym bóliginde aptap ystyq bolady, jańbyr jaýady – Qazgıdromet

ASTANA. KAZINFORM — Sınoptıkter 27 shildede aýa raıyna baılanysty birqatar óńirde eskertý jarııalady.

Qazgıdromet sınoptıkteriniń boljamy boıynsha, elimizde aptap ystyq bolady, naızaǵaı oınap, jańbyr jaýady, tuman túsedi.

Astanada kún kúrkirep, burshaq jaýýy múmkin, daýyl soǵady. Soltústik-shyǵystan soǵatyn jel ońtústik-batysqa aýysady, kúndiz ekpini 15-20 m/s.

Aqmola oblysynda kúndiz batysta, soltústikte jáne ońtústikte jańbyr, burshaq jaýýy múmkin, daýyl soǵady. Túnde batysta, soltústikte, ońtústikte, kúndiz naızaǵaı oınaıdy. Soltústik-shyǵystan soǵatyn jeldiń ekpini 15-20 m/s, keı jerlerde 23-28 m/s jetedi. Ortalyqta joǵary órt qaýpi saqtalady. Kókshetaýda naızaǵaı oınaıdy, jańbyr, burshaq jaýady.

Soltústik Qazaqstan oblysynda naızaǵaı oınaıdy, ońtústikte, soltústikte, shyǵysta burshaq jaýady. Túnde jáne tańerteń ońtústikte, soltústikte, shyǵysta tuman túsedi. Petropavlda túnde jáne tańerteń kún kúrkirep, burshaq jaýady, tuman túsedi.

Qostanaı oblysynda batysta, ońtústikte, shyǵysta tańerteń jáne kúndiz naızaǵaı oınaıdy, keı jerlerde jańbyr, burshaq jaýady, daýyl soǵady. Soltústik-shyǵystan soǵatyn jeldiń ekpini batysta, ońtústikte, shyǵysta 15-20 m/s jetedi. Ońtústikte órt qaýpi tótenshe, batys pen shyǵysta joǵary bolady. Qostanaıda tańerteń jáne kúndiz naızaǵaı oınaıdy.

Pavlodar oblysynda naızaǵaı oınap, burshaq jaýady, daýyl soǵady. Ońtústik-shyǵystan jel soǵady, kúndiz ekpini 15-20, keı jerlerde 23-28 m/s jetedi. Kúndiz +35 ystyq bolady. Batysta, ońtústikte, shyǵysta órt qaýpi joǵary. Pavlodarda naızaǵaı oınap, burshaq jaýady, daýyl soǵady, jel 15-20 m/s, joǵary órt qaýpi bar.

Qaraǵandy oblysynda batysta, soltústikte, shyǵysta naızaǵaı oınaıdy, kúndiz burshaq jaýady, daýyl, shańdy daýyl soǵady. Ońtústik, ońtústik-batystan soǵatyn jeldiń ekpini 15-20 m/s jetedi, kúndiz oblys aýmaǵynda 15-20 m/s, soltústikte, shyǵysta keı jerlerde 23-28 m/s jetedi. Ońtústikte kúndiz +36 ystyq bolady. Tótenshe órt qaýpi saqtalady. Qaraǵandyda kúndiz naızaǵaı oınap, shańdy daýyl, 20 m/s jel soǵady, órt qaýpi óte joǵary.

Ulytaý oblysynda kúndiz soltústikte jańbyr, burshaq jaýady. Soltústikte, shyǵysta, ortalyqta naızaǵaı oınaıdy, kúndiz daýyl, shańdy daýyl soǵady. Ońtústik-batystan, batystan jel soǵady: túnde batysta, shyǵysta ekpini 15-20 m/s, kúndiz 15-20 m/s, soltústikte, shyǵysta, ortalyqta keı jerlerde 23-28 m/s jetedi. Ońtústikte jáne shyǵysta tótenshe órt qaýpi bar. Jezqazǵanda naızaǵaı oınaıdy, shańdy daýyl soǵyp, jel 23 m/s kúsheıedi, órt qaýpi bar.

Shyǵys Qazaqstan oblysynda kúndiz batysta, soltústikte, shyǵysta naızaǵaı oınap, burshaq jaýady. Ońtústik-shyǵystan soǵatyn jel ońtústik-batysqa aýysady, ekpini 15-20 m/s, kúndiz keı jerlerde 23 m/s jetedi. Kúndiz +35...+38 gradýs ystyq. Óńirde órt qaýpi joǵary, ońtústikte óte joǵary. Óskemende naızaǵaı oınap, jel 18 m/s kúsheıedi, aptap ystyq +36...+38, órt qaýpi joǵary.

Abaı oblysynda túnde soltústikte naızaǵaı oınaıdy, kúndiz batysta, soltústikte, ortalyqta naızaǵaı oınaıdy, burshaq jaýýy múmkin. Ońtústik-shyǵystan soǵatyn jel ońtústik-batysqa aýysady: túnde soltústikte – 15-20, kúndiz batysta, soltústikte, ortalyqta ekpini 15-20 m/s, keı jerlerde 23 m/s jetedi. +35...+38 ystyq bolady. Aımaqta joǵary órt qaýpi bar, soltústik-batysta, ońtústikte jáne ortalyqta órt qaýpi óte joǵary. Semeıde naızaǵaı oınap, jel 18 m/s kúsheıedi, +36...+38 aptap ystyq bolady, órt qaýpi joǵary.

Almaty oblysynda kúndiz taýly aımaqtarda naızaǵaı oınaıdy. Ońtústik-shyǵystan soǵatyn jel ońtústik-batysqa aýysady, kúndiz soltústikte jáne ońtústikte ekpini 15-20 m/s. Qonaevta jeldiń ekpini 20 m/s jetedi.

Jetisý oblysynda batystan jel soǵady, kúndiz batysta, ortalyqta, taýly aımaqtarda ekpini 15-20 m/s jetedi. Taldyqorǵanda jeldiń ekpini 20 m/s bolady.

Jambyl oblysynda kúndiz taýly aımaqtarda naızaǵaı oınaıdy. Ońtústik-batystan soǵatyn jel soltústik-batysqa aýysady, kúndiz ońtústik-batysta, soltústik-shyǵysta, taýlarda ekpini 15-20 m/s. Tarazda tótenshe órt qaýpi bar.

Túrkistan oblysynda soltústik-batystan jel soǵady, kúndiz soltústik jáne batysta ekpini 15-20 m/s jetedi. Tótenshe órt qaýpi saqtalady. Shymkentte tótenshe órt qaýpi bar. Túrkistan qalasynda jel 20 m/s kúsheıedi, órt qaýpi bar.

Qyzylorda oblysynda túnde batysta naızaǵaı oınaıdy, kúndiz ortalyqta shańdy daýyl soǵady. Ortalyqta batystan soǵatyn jeldiń ekpini 15-20 m/s. Tótenshe órt qaýpi saqtalady. Qyzylordada shańdy daýyl soǵady, jel 17 m/s kúsheıedi, órt qaýpi bar.

Aqtóbe oblysynda qatty jańbyr, túnde shyǵysta burshaq jaýady. Soltústikte, túnde shyǵysta, kúndiz soltústik-shyǵysta naızaǵaı oınaıdy. Shyǵystan soltústik-batystan soǵatyn jeldiń ekpini 15-20 m/s jetedi. Ońtústikte jáne shyǵysta tótenshe órt qaýpi bar.

Atyraý oblysynda kúndiz batysta naızaǵaı oınaıdy. Jeldiń ekpini 15-20 m/s jetedi. Shyǵysta jáne ortalyqta óte joǵary órt qaýpi bar, batysta jáne ońtústikte joǵary órt qaýpi bar. Atyraýda órt qaýpi joǵary.

Batys Qazaqstan oblysynda kún kúrkirep, batysta burshaq jaýady. Soltústik-batystan jel soǵady, kúndiz shyǵysta ekpini 15-20 m/s jetedi.

Mańǵystaý oblysynda batysta, soltústikte jáne ortalyqta naızaǵaı oınaıdy. Soltústik-batystan, batystan jel soǵady, kúndiz ońtústikte jáne ortalyqta ekpini 15-20 m/s bolady. Ońtústik-shyǵysta joǵary órt qaýpi bar, soltústikte, batysta jáne ońtústikte tótenshe órt qaýpi bar. Aqtaýda naızaǵaı oınap, joǵary órt qaýpi saqtalady.

Aıta keteıik, 2025 jylǵy 25 shildede Túrkııada jańa temperatýralyq rekord tirkeldi.