Munaı baǵasy tómendedi
ALMATY. KAZINFORM – 27 shilde Iran men AQSh arasyndaǵy qaqtyǵystyń báseńdeýine baılanysty álemdik munaı baǵasy aıtarlyqtaı tústi.
Oilprice portalynyń derekterine súıensek, Brent markaly munaıdyń barreli 92,48 dollar bolyp, aldyńǵy saýda sessııasynyń deńgeıimen salystyrǵanda 4,44%-ǵa arzandady.
AQSh-tyń WTI markaly munaıynyń baǵasy 4,77%-ǵa tómendep, barreline 85,07 dollar boldy. Sonymen qatar reseılik Urals markaly munaı kerisinshe 4,37%-ǵa qymbattap, barreli 84,26 dollar deńgeıinde saýdalanady.
Baǵanyń tómendeýine Iran tarapynyń AQSh atysty toqtatý rejımin saqtaǵan jaǵdaıda, soqqy berýdi ýaqytsha toqtatýǵa daıyn ekendigi týraly málimdemesi sebep boldy.
Buǵan deıin álemdik buqaralyq aqparat quraldary AQSh Prezıdenti Donald Tramptyń Iranǵa jasalatyn shabýyldardy kúsheıtý josparyn keıinge qaldyrǵanyn habarlaǵan edi. Keıinnen Amerıka tarapy Iran terrıtorııasyna shabýyldy toqtatqan soń, Tegerannyń da Parsy shyǵanaǵyndaǵy elderge soqqy berýdi doǵarǵany belgili boldy.
Eske salaıyq, Qazaqstanda benzın, dızel jáne avtogaz baǵasy qansha ekenin jazǵanbyz.
