27 shildede respýblıkanyń basym bóliginde jańbyr jaýady
ASTANA. QazAqparat - Búgin Qazaqstanda naızaǵaı jarqyldap, ótkinshi jańbyrlar ótedi, ekpindi jel soǵyp, aýa temperatýrasynyń tómendeýi boljanýda.
Bul týraly Qazgıdromet habarlap otyr. Tańerteń soltústik oblystarda tuman túsýi yqtımal.
Respýblıkanyń ońtústigi men ońtústik-shyǵysynda aýa aǵyndarynyń áserimen ótkinshi jańbyrlar ótýi múmkin, taýly aımaqtarda shaǵyn jaýyn jaýady, odan keıin aýa temperatýrasynyń tómendeýi múmkin. Al Qazaqstannyń batysynda atmosferalyq qysymnyń áserimen jaýyn-shashynsyz kún raıy boljanyp, aýa temperatýrasynyń joǵarylaýy kútilýde.
