27 shilde kúngi aýa raıy boljamy
NUR-SULTAN. QazAqparat - Qazaqstannyń basym bóliginde frontaldy bólikterdiń ótýine baılanysty 27 shilde kúni qubylmaly kún raıy saqtalady. Respýblıka boıynsha keı jerlerde naızaǵaı oınap, jańbyr jaýady. Respýblıkanyń tek ońtústigi men soltústiginde senbi jaýyn-shashynsyz ótedi. Keı jerlerde jel kúsheıip, daýyl turady, burshaq jaýýy múmkin. Soltústikte jekelegen aýmaqtarda tuman kútiledi, dep habarlaıdy QazAqparat.
«Qazgıdromet» RMK málimetinshe, Atyraý, Batys Qazaqstan oblystarynyń keı jerlerinde daýyl, burshaq kútiledi, jel 15-20 m/s kúsheıedi.
Shyǵys Qazaqstan oblysynda daýyl turyp, túnde jáne tańerteń keı jerlerdi tuman basady. Kúndiz jekelegen aýmaqtarda burshaq jaýyp, jel 15-20 m/s artady.
Qaraǵandy, Pavlodar, túnde jáne tańerteń Soltústik Qazaqstan, Aqmola oblystarynyń keı jerlerinde tuman boljanady. Pavlodar oblysynyń keı jerlerinde jel 15-20 m/s kúsheıedi.
Almaty, Qyzylorda, Mańǵystaý, Aqtóbe oblystarynda, kúndiz Jambylskoı oblystarynyń keı jerlerinde jeldiń kúshi 15-20 m/s artady. Qyzylorda oblysynda daýyl turýy yqtımal.
Kúndiz Almaty, Jambyl, Qyzylorda oblystarynda qatty ystyq kútiledi.
Sondaı-aq Qyzylorda, Túrkistan, Jambyl, Aqtóbe, Almaty oblystarynda, Atyraý, Qaraǵandy, Shyǵys Qazaqstan, Qostanaı, Aqmola oblystarnyń keı jerlerinde óte joǵary órt qaýpi saqtalady.
