27 sáýirde el aýmaǵynyń basyp bóliginde jańbyr jaýady
ASTANA. QazAqparat - Atmosferalyq aǵyndardyń ótýine baılanysty respýblıkanyń basym bóliginde jańbyr jaýady, tek ońtústik jáne ońtústik-batysta kún ashyq. Keı jerlerde naızaǵaı, tuman, jeldiń kúsheıýi, soltústik-batysta burshaq jaýýy múmkin, dep habarlaıdy Qazgıdromet.
Qostanaı, Aqmola oblystarynda keı jerlerinde naızaǵaı, tuman, túnde keı jerlerinde, kúndiz basym bóliginde jel 15-20 m/s kúsheıedi, jeldiń ekpini 25 m/s. Qostanaı oblysynda burshaq bolýy yqtımal.
Kúndiz Soltústik Qazaqstan, Pavlodar oblystarynda, túnde Batys Qazaqstan oblystarynyń keı jerlerinde naızaǵaı jarqyldap, jel 15-20 m/s kúsheıedi, Soltústik Qazaqstan oblysynda jeldiń ekpini 25 m/s jetedi. Pavlodar jáne Batys Qazaqstan oblystarynda túnde tuman túsedi.
Aqtóbe, túnde Ońtústik Qazaqstan oblystarynyń keı jerlerinde jel 15-20 m/s kúsheıedi, Aqtóbe oblysynda naızaǵaı oınaıdy.
Qaraǵandy, Shyǵys Qazaqstan, Mańǵystaý, túnde Almaty, Jambyl oblystarynyń keı jerlerinde tuman túsýi yqtımal.
