27 sáýir kúni respýblıkanyń birqatar óńirlerinde jańbyr jaýady
ASTANA. QazAqparat - 27 sáýir kúni Qazaqstan aýmaǵynyń basym bóliginde atmosferalyq frontaldy bólikterdiń ótýine baılanysty keı jerlerinde jaýyn-shashyn saqtalady (kóbinese jańbyr túrinde), ońtústikte jańbyr, naızaǵaı, jeldiń kúsheıýi, batysta shańdy daýyl, tuman kútiledi, tek soltústik-batysta aýa raıy jaýyn-shashynsyz bolady.
QR ІІM TJK habarlaǵandaı, respýblıkanyń soltústiginde, ortalyq jáne shyǵysynda úsik júrýi saqtalady. Kúndiz Batys Qazaqstan oblysynyń keı jerlerinde shańdy daýylmen soqqan jeldiń kúshi 15-20 m/s bolady. Kúndiz Aqtóbe, túnde Atyraý oblystarynyń keı jerlerinde jel 15-20 m/s kúsheıedi. Aqmola, Mańǵystaý, Soltústik Qazaqstan, Pavlodar, Qaraǵandy, Shyǵys Qazaqstan oblystarynyń keı jerlerinde tuman kútiledi. Aqmola, Soltústik Qazaqstan, Pavlodar, Qaraǵandy, Shyǵys Qazaqstan, Qostanaı oblystarynyń keı keı jerlerinde 3 gradýsqa deıin úsik kútiledi. Aqtóbe oblysynyń keı jerlerinde óte joǵary órt qaýipi saqtalady.
