27 sáýir kúni Qazaqstanda kún ashyq bolady
NUR-SULTAN. QazAqparat - Sınoptıkter 27 sáýir kúni el aýmaǵynda aýa raıy qandaı bolatynyn aıtty, dep habarlaıdy QazAqparat «Qazgıdromet» RMK baspasóz qyzmetine silteme jasap.
Antıtsıklon áserinen Qazaqstannyń basym bóliginde jaýyn-shashyn jaýmaıdy, kún ashyq bolady.
Atmosferalyq fronttardyń yqpalyna baılanysty respýblıkanyń soltústik jartysynda keı jerlerde jańbyr jaýady, naızaǵaı soǵady.
Elimizdiń keı jerlerinde jel kúsheıedi, soltústikte tuman túsedi.
Qostanaı oblysynyń keı jerlerinde tuman bolady, jel qarqyny 15-20 m/s deıin kúsheıedi.
Aqmola, Jambyl, Qyzylorda, Mańǵystaý, Atyraý, Batys Qazaqstan, Aqtóbe, Soltústik Qazaqstan, Pavlodar, Qaraǵandy oblystarynyń keı jerlerinde jel jyldamdyǵy 15-20 m/s jetedi.
Mańǵystaý oblysynda shańdy daýyl soǵady.
Almaty oblysynyń Alakól aýmaǵynda jel ekpini - 15-20 m/s.
