27 sáýir kúni elordada ótetin mańyzdy sharalar ańdatpasy
ASTANA. QazAqparat - «QazAqparat» halyqaralyq aqparat agenttigi 27 sáýir kúni Astanada ótetin mádenı jáne qoǵamdyq mańyzdy sharalar ańdatpasyn usynady.
10:00-de Astana Hub halyqaralyq tehnoparkinde qazaq-túrik bıznes IT-forýmy ótedi. Onyń aıasynda B2B halyqaralyq kezdesýleri josparlanǵan.
11.00-de Beıbitshilik jáne kelisim saraıynda Memleket basshysy Qasym-Jomart Toqaevtyń qatysýymen Qazaqstan halqy Assambleıasynyń XXXII sessııasy bastalady.
11:00-de Astana qalasynyń kommýnıkatsııalyq qyzmetinde «M. Gorkıı atyndaǵy memlekettik akademııalyq orys drama teatrynyń qyzmeti týraly» onlaın brıfıng uıymdastyrylady. https://www.facebook.com/rsk.astana01
12.00-de QR Prezıdenti janyndaǵy Ortalyq kommýnıkatsııalar qyzmetinde «Halyqty sýmen jabdyqtaý qyzmetterimen qamtamasyz etý» týraly baspasóz máslıhaty ótedi. https://www.youtube.com/user/ortcomkz, https://ru-ru.facebook.com/ortcomkz
14.00-de «Talan Towers» bıznes ortalyǵynda Qazaqstan shahmat federatsııasynyń prezıdenti Tımýr Týrlov Grekııanyń Rodos qalasynda 13-23 sáýirde ótken shahmattan oqýshylardyń álemdik chempıonatynyń jeńimpazdarymen kezdesedi. Chempıonatta qazaqstandyq eki oqýshy – Alanna Berikqyzy – 9 jasqa deıingi, Amına Qaıyrbekova 17 jasqa deıingi sanatta altyn medal ıelendi.
15.00-de QR Parlamenti Senatynyń jalpy otyrysy bastalady.
16:00-de Ádilet mınıstrligi ǵımaratynda atalǵan vedomstvo basshysy Azamat Esqaraevtyń tóraǵalyǵymen zań jobalaý máseleleri boıynsha vedomstvoaralyq komıssııa otyrysy ótedi.
17.00-de QR Ulttyq kitaphanasynyń akt zalynda aty ańyzǵa aınalǵan «Ovoşı&Frýkty» tobynyń kontserti usynylady.
19.00-de Astana Opera teatrynda «Sham oty mazdap turǵanda» klassıkalyq kontserti bastalady.
