27 naýryzdaǵy aýa raıy boljamy - Qazgıdromet
ASTANA. QazAqparat - Qazaqstannnyń batys jáne shyǵys bóligi antıtsıklon yqpalynda bolýymen baılanysty kún raıy ashyq bolady. Respýblıkanyń qalǵan aýmaǵynda atmosferalyq aǵyndar júrýimen keı jerlerde jaýyn-shashyndy bolyp, jel kúsheıedi, keı aýdandarda tuman túsip, kóktaıǵaq bolýy kútiledi, dep habarlady QR TJM baspasóz qyzmeti Qazgıdrometke silteme jasap.
Qostanaı oblysynda keı jerlerde tuman túsedi, kóktaıǵaq bolady, tańerteń jáne kúndiz jeldiń ekpini 15-20 m/s-qa deıin kúsheıedi. Soltústik Qazaqstan, kúndiz Qaraǵandy oblystarynda keı jerlerde tuman túsedi, kóktaıǵaq bolady, jeldiń kúshi 15-20 m/s. Aqmola oblysynda keı jerlerde tuman túsedi, jel 15-20 m/s-qa deıin kúsheıedi. Mańǵystaý oblysynda keı jerlerde tuman túsedi, shańdy daýyl aralasqan jeldiń kúshi 17-22 m/s-qa jetedi. Jambyl oblysynda keı jerlerde tuman túsýi, kúndiz keı jerlerde jeldiń 15-20 m/s-qa deıin kúsheıýi kútiledi. Aqtóbe oblysynda - túnde jáne tańerteń keı jerlerde tuman túsedi, kúndiz jeldiń 18 m/s-qa deıin kúsheıýi baıqalady. Pavlodar, túnde Ońtústik Qazaqstan oblystarynda keı jerlerde jeldiń ekpini 15-22 m/s-qa jetedi. Qyzylorda, Atyraý, Batys Qazaqstan, túnde jáne tańerteń Almaty, Shyǵys Qazaqstan oblystarynda keı jerlerde tuman túsýi kútiledi.
Taıaýdaǵy táýlikterde Batys Qazaqstan, Atyraý oblystarynyń ózenderinde, Aqtóbe, Qostanaı jáne Qaraǵandy oblystarynyń keıbir ózenderinde kóktemgi tasqyn sý toqlyndarynyń damýy kútiledi. Syrdarııa, Jaıyq ózenderinde, Almaty oblysynyń ózenderinde muz qabattarynyń odan ári álsireýi, sý deńgeıiniń qubylýy kútiledi. Shyǵys Qazaqstan oblysynyń ózenderinde aýa raıynyń joǵarylaýy men jaýyn-shashynǵa baılanysty muz qabaty buzylyp, seń júrýi, sý deńgeıiniń kóterilýi jalǵasady, keıbir eńis jerlerdi sý basýy yqtımal. Ońtústik Qazaqstan, Jambyl jáne Almaty oblystarynyń alasa taýly ózenderinde sýdyń kóbeıýi baıqalady.
