27 naýryzda Qazaqstannyń kóp aımaqtarynda turaqsyz aýa raıy saqtalady - Qazgıdromet
ASTANA. QazAqparat - Respýblıkanyń basym bóliginde frontaldy aýa aǵymynyń ótýine baılanysty turaqsyz aýa raıy saqtalady, keı jerlerde jaýyn-shashyn, burqasyn, kóktaıǵaq bolyp, jeldiń kúsheıýi kútiledi. Ońtústikte, ońtústik-batys pen ońtústik-shyǵysta keı aýdandarda jaýyn-shashyn bolmaıdy, dep habarlaıdy «Qazgıdromet» RMK.
Keı jerlerde tuman túsedi.
Aqmola, Batys Qazaqstan oblystarynyń keı jerlerinde tuman, kóktaıǵaq bolyp, jeldiń 15-20 m/s deıin kúsheıýi kútiledi. Jambyl, Ońtústik Qazaqstan, Qaraǵandy oblystarynyń keı jerlerinde tuman túsip, jeldiń ekpini 15-20 m/s kúsheıedi. Atyraý, Soltústik Qazaqstan oblystarynyń keı jerlerinde tuman kútiledi. Qostanaı oblysynyń keı jerlerinde tuman, jeldiń ekpini 18 m/s deıin jetedi. Pavlodar oblysynda keı jerlerde kóktaıǵaq bolyp, jeldiń kúshi 15-20 m/s jetedi, jaıaý burqasyn soǵady.
