27 naýryz. Týǵan kún ıeleri
ESІMDER
62 jyl buryn (1957) ál-Farabı atyndaǵy Qazaq ulttyq ýnıversıtetiniń rektory, tehnıka ǵylymdarynyń doktory, professor, akademık Ǵalymqaıyr Mutanuly MUTANOV dúnıege keldi. Semeı oblysynyń Jarma aýdany, Belterek aýylynyń týmasy. 1979 jyly Qazaq polıtehnıkalyq ınstıtýtyn "Avtomatıka jáne telemehanıka" mamandyǵy boıynsha támamdady. Eńbek qyzmetin Rýdnyı ındýstrııalyq ınstıtýtynda bastady. Máskeý bolat jáne qorytpalar ınstıtýtynyń «Tústi jáne sırek metaldardyń tehnologııalyq úderisterin avtomattandyrý» kafedrasynda eki jyldyq ǵylymı synaq merziminen ótti. Máskeý memlekettik ken ýnıversıtetiniń «Avtomattandyrylǵan basqarý júıeleri» kafedrasynda aspırantýra men doktorantýrada oqydy. Onyń kandıdattyq jáne doktorlyq dıssertatsııalary jasandy aqyl-parasat elementterin qoldanyp, tehnologııalyq úderisterdi avtomattandyryp basqarý teorııasy men praktıkasyna arnalǵan. 1995 jyly Soltústik Qazaqstan memlekettik ýnıversıtetiniń rektory bolyp taǵaıyndaldy. 2002 jyly Ǵ.Mutanov QR Bilim jáne ǵylym birinshi vıtse-mınıstri laýazymynda jumys istedi. 2003 jylǵy shilde aıynda - D.Serikbaev atyndaǵy Shyǵys Qazaqstan memlekettik tehnıkalyq ýnıversıtetiniń rektory bolyp taǵaıyndaldy.
Ǵ.Mutanov 10 halyqaralyq akademııalardyń akademıgi bolyp tabylady. Ol áleýmettik-ekonomıkalyq úderister aıasyndaǵy taqyryptarǵa jazylǵan 400-den artyq ǵylymı jarııalanymnyń, sonyń ishinde 10 monografııanyń, oqýlyqtardyń, oqý quraldarynyń, ádistemelik ázirlemelerdiń avtory. Sondaı-aq 35-ten astam patenttiń, ónertabystyń avtory.
Qazaqstan Respýblıkasynyń eńbek sińirgen ǵylym jáne tehnıka qaıratkeri, «Parasat» ordenimen, «Qazaqstan Respýblıkasynyń Táýelsizdigine 10 jyl», «Qazaqstan Parlamentine 10 jyl» merekelik medaldarymen , «QR Prezıdentiniń erekshe belgisi», «Qazaqstan Respýblıkasynyń halyqqa bilim berý úzdigi», «Qazaqstan Respýblıkasynyń qurmetti bilim berý qyzmetkeri», «QR-nyń qurmetti ınjeneri» tósbelgilerimen marapattalǵan.
2010 jyly 7 qazanda Memleket basshysynyń Ókimimen ál-Farabı atyndaǵy Qazaq ulttyq ýnıversıtetiniń rektory bolyp taǵaıyndaldy.
53 jyl buryn (1966) Qazaqstan Respýblıkasy Joǵarǵy Sotynyń sýdıasy Serik Ahashuly ÁBDІRAHMANOV dúnıege keldi. Senattyń 2014 jylǵy 30 mamyrdaǵy № 402- V SP qaýlysymen Qazaqstan Respýblıkasy Joǵarǵy Sotynyń sýdıasy bolyp saılandy. Sýdıa qyzmetindegi eńbek ótili 15 jyldan asady.
40 jyl buryn (1979) sport sheberi, aýyr atletıkadan Qazaqstannyń birneshe dúrkin chempıony Baqyt Beısenbekuly AHMETOV dúnıege keldi. Ońtústik Qazaqstan oblysynda týǵan. 2000-2003 jyldary Býsan qalasynda ótken HІV Azııa oıyndarynyń chempıony, Dúnıejúzilik ýnıversıada birinshiliginiń jeńimpazy, Máskeýde ótken halyqaralyq týrnırdiń qola júldegeri bolǵan. 2003 jyly julqa kóterýden Álem rekordyn jańartqan. 2004 jyly Afıny qalasyndaǵy, 2008 jyly Beıjińdegi Olımpıada oıyndaryna qatysqan.
39 jyl buryn (1980) «Báıterek development» AQ Basqarma tóraǵasynyń orynbasary Ádilbek Batyruly YSQAQ dúnıege keldi.
Qostanaı oblysynyń Arqalyq qalasynda ómirge kelgen.
1997 - 2002 jyldary Almaty tehnologııalyq ýnıversıtetinde, 2002 - 2004 jyldar Qazaqstannyń menedjment, ekonomıka jáne boljaý ınstıtýtynda bilim alǵan.
2004 - 2005 jyldar - QR Ekonomıka jáne bıýdjettik josparlaý mınıstrligi janyndaǵy «Marketıngtik-taldamalyq zertteýler ortalyǵy» AQ-nyń konsýltanty. 2005 jylǵy naýryzdan qyrkúıekke deıin - «Ordabasy Korporatsııasy» AQ marketıng jáne logıstıka basqarmasynyń menedjeri. 2005 - 2006 jyldar - QR Ekonomıka jáne bıýdjettik josparlaý mınıstrligi janyndaǵy «Marketıngtik-taldamalyq zertteýler ortalyq» AQ-nyń bas konsýltanty. 2006 - 2007 jyldar - QR Inýdstrııa jáne saýda mınıstrliginiń janyndaǵy «Saýda saıasatyn damytý ortalyǵy» AQ ekonomıkalyq taldaý departamentiniń dırektory, Korporatıvtik damý basqarmasynyń bastyǵy. 2007 - 2008 jyldar - QR Inýdstrııa jáne saýda mınıstrliginiń Saýda komıteti tóraǵasynyń orynbasary. 2008 - 2009 jyldar - «Qazaqstan Respýblıkasy Úkimeti jáne Ulttyq Banki janyndaǵy Ulttyq taldaý ortalyǵy» AQ-da jobalar menedjeri. 2009 - 2011 jyldar - «NurOtan» Halyqtyq-Demokratııalyq Partııasy QB Innovatsııalyq komıtet tóraǵasynyń orynbasary, ortalyq apparat. 2011 - 2014 jyldar - «TechConsultPlus» JShS dırektory. 2014 jylǵy maýsymnan beri - «Báıterek development» AQ Basqarýshy dırektory - Basqarma múshesi.
2015 jylǵy qańtardan beri - «Báıterek development» AQ Basqarma tóraǵasynyń orynbasary.