27 naýryz kúngi aýa raıy boljamy
NUR-SULTAN. QazAqparat – 27 naýryz kúni elimizdiń basym bóliginde qubylmaly aýa raıy saqtalyp, jaýyn-shashyn (jańbyr, qar) kútiledi. Ońtústik jáne ońtústik-shyǵys óńirlerde jańbyr, ońtústiktiń taýly aýdanynda qatty jańbyr jaýady. Respýblıkanyń keı jerlerinde tuman, kóktaıǵaq, jeldiń kúsheıýi boljanady. Soltústikte, soltústik-batysta, ortalyq pen shyǵysta sondaı-aq jaıaý burqasyn soǵyp, ońtústik-batysta shańdy daýyl turady. QazAqparat bul týraly «Qazgıdromet» RMK-ǵa silteme jasap habarlaıdy.
Atap aıtqanda, Aqmola, Qostanaı oblystarynyń keı jerlerinde tuman, kóktaıǵaq, jaıaý burqasyn kútiledi. Aqmola, kúndiz Qostanaı oblystarynyń keı jerlerinde jel 15-20 m/s kúsheıedi.
Jambyl oblysynyń keı jerlerin tuman basyp, jeldiń kúshi 15-20 m/s artady.
Qyzylorda oblysynyń keı jerlerinde tuman kútiledi, kúndiz jeldiń ekpini 15-20 m/s artady.
Atyraý, Batys Qazaqstan, Aqtóbe oblystarynyń keı jerlerinde tuman, kóktaıǵaq boljanady. Túnde Atyraý, kúndiz Aqtóbe oblystarynyń ońtústiginde jeldiń jyldamdyǵy 15-20 m/s kúsheıedi.
Kúndiz Almaty, Mańǵystaý, tańerteń jáne kúndiz Túrkistan oblystarynyń keı jerlerinde jeldiń kúshi 15-20 m/s jetedi. Kúndiz Mańǵystaý oblysynyń keı jerlerinde shańdy daýyl turady.
Soltústik Qazaqstan, Pavlodar oblystarynyń keı jerlerinde tuman, kóktaıǵaq boljanady. Kúndiz Pavlodar oblysynda 15-20 m/s ekpinde jel soǵady.
Qaraǵandy oblysynyń keı jerlerinde tuman, kóktaıǵaq, jaıaý burqasyn kútiledi, jeldiń ekpini 23-28 m/s kúsheıýi yqtımal.
Shyǵys Qazaqstan oblysynyń keı jerlerinde tuman, jaıaý burqasyn bolady. Kúndiz jeldiń jyldamdyǵy 23-28 m/s artady.
