27 naýryzda Parlament palatalarynyń birlesken otyrysy ótedi

ASTANA. KAZINFORM — Májilis tóraǵasy Erlan Qoshanov Qazaqstan Respýblıkasy Parlament palatalarynyń birlesken otyrysyn shaqyrý týraly Ókimge qol qoıdy.

— Qazaqstan Respýblıkasy Konstıtýtsııasynyń 58-baby 4-tarmaǵynyń 2) tarmaqshasyna sáıkes Qazaqstan Respýblıkasy Parlamenti palatalarynyń birlesken otyrysy 2026 jylǵy 27 naýryzda saǵat 10.00-de Astana qalasynda shaqyrylsyn, — dep jazylǵan Ókim mátininde.

Osyǵan deıin habarlaǵanymyzdaı, búgin elordada Parlament palatalarynyń kezekti birlesken otyrysy ótti.

Otyrys barysynda Premer-mınıstrdiń orynbasary Qanat Bozymbaev Alataý qalasy «Digital by default» qaǵıdatyna negizdelip qurylatynyn aıtty.