27 myńnan astam aýyl turǵyny «Jumyspen qamtý jol kartasy - 2020» jáne «Órleý» jobasyna qatyspaq
««Jumyspen qamtý jol kartasy-2020» baǵdarlamasyn túsindirý jónindegi QR Densaýlyq saqtaý jáne áleýmettik damý mınıstrliginiń jumyldyrý toptary jumysynyń nátıjesi boıynsha aǵymdaǵy jylǵy 16 naýryz jáne 22 shildearalyǵynda 27 myń 108 adam «JQJK 2020» baǵdarlamasyna jáne «Órleý» jobasyna qatysýǵa nıet bildirdi («JQJK 2020» - 20myń 984 adam, «Órleý» - 6 myń124)», delingen habarlamada.
Aǵymdaǵy jyldyń 1-22 shilde aralyǵynda mobıldik toptar 620 aýyldyq eldi mekende turatyn jumyssyz jáne ózdiginen ónimsiz eńbekpen shuǵyldanǵan 93,6 myńnan astam turǵyndy qamtydy. Olardyń 34,5 myńy jumyssyz, 59,1 myńy - ózdiginen jumyspen qamtylǵandar. Eń kóp qamtylǵan aýyldyq eldi mekender kelesi óńirlerde baıqalady: Ońtústik Qazaqstan oblysy - 141, Soltústik Qazaqstan oblysy - 121, Almaty oblysy - 90. Eń joǵary kórsetkishter kelesi óńirlerde baıqalady: Ońtústik Qazaqstan oblysynda - 4 myń 852 myń adam, Qyzylorda oblysynda - 1 myń 256 adam, Qaraǵandy oblysynda - 1 myń 203 adam «JQJK 2020» baǵdarlamasyna qatysýǵa nıet bildirdi. Buryn habarlanǵandaı, jalpy Qazaqstan boıynsha quramynda 441 qyzmetker bar 178 jumyldyrý top qurylǵan bolatyn. Bastapqyda jumyssyzdyqtyń deńgeıi joǵary, az qamtylǵan, ózdiginen jumyspen shuǵyldanatyn tulǵalar, sondaı-aq «JQJK 2020» baǵdarlamasyna qatysýy tómen bolǵan 181 aýdannyń 404 aýyl turǵynyn qamtý josparlanǵan bolatyn.
