2,7 mln teńge jymqyrǵan: Qazseldenqorǵaý ShQO fılıalynyń basshysy sottaldy
ÓSKEMEN. KAZINFORM – «Tótenshe jaǵdaılar mınıstrliginiń Qazseldenqorǵaý» MM oblystyq fılıalynyń basshysy 3 jylǵa sottaldy. Bul týraly Antıkor málim etti.
— Shyǵys Qazaqstan oblysynda Óskemen qalasynyń № 2 sotymen «Tótenshe jaǵdaılar mınıstrliginiń Qazseldenqorǵaý» MM oblystyq fılıalynyń basshysy S. Stanbekovke qatysty úkim jarııalandy. Ol qala turǵynyn fılıalǵa jalǵan jumysqa ornalastyrý arqyly 2,7 mln teńge jymqyrǵany úshin kináli dep tanyldy, — delingen habarlamada.
Oǵan memlekettik qyzmette jáne kvazımemlekettik sektorda laýazymdardy atqarý quqyǵynan ómir boıyna aıyra otyryp, 3 jyl merzimge bas bostandyǵynan aıyrý túrindegi jaza taǵaıyndaldy.
Sot aktisi zańdy kúshine engen joq.
Buǵan deıin habarlanǵandaı, sybaılas jemqorlyqtan tárkilengen aqshaǵa 89 mektep salynyp jatyr.