27 myńnan astam adam tamyz UBT-syn tapsyrdy
ASTANA. KAZINFORM – 27 myńnan astam adam tamyz aıyndaǵy UBT-ny tapsyrdy. Shekti baldy 53% talapker jınady. Bes pán boıynsha ortasha ball – 55 ball. Eń joǵary ball – 136.
Ǵylym jáne joǵary bilim mınıstrligi málimetinshe, tamyz UBT-syna 98 erekshe bilim berý qajettilikteri bar talapker qatysty.
UBT ótkizý barysynda 66 ereje buzýshylyq anyqtalǵan. Onyń ishinde 30 talapker smartfon, shpargalka jáne basqa da tyıym salynǵan zattardy alyp ótý áreketi saldarynan test tapsyrý múmkindiginen aıyryldy. Testileý kezinde erejelerdi buzǵany úshin aýdıtorııadan 36 adam shyǵaryldy. Bógde tulǵalar anyqtalǵan joq.
2026 jylǵy UBT aıaqtalǵannan keıin kúntizbelik jyldyń 31 qazanyna deıin beınejazbalarǵa taldaý júrgiziledi. Tyıym salynǵan zattardy paıdalaný nemese erejelerdi buzý faktileri anyqtalǵan jaǵdaıda UBT nátıjeleri joıylady.
Óz mamandyǵy boıynsha joǵary oqý ornynda aqyly negizde bilimin jalǵastyrýdy josparlaǵan kolledj túlekteri áńgimelesý nátıjeleri boıynsha oqýǵa túse alady. Bul jaǵdaıda qabyldaýdy joǵary oqý oryndarynyń qabyldaý komıssııalary júzege asyrady.
ІІM vedomstvolyq oqý oryndaryna talapkerlerdi qabyldaý tártibine qatysty túsinikteme bergenin jazǵan edik.
Talapkerlerdiń 76%-y shekti ball jınap, granttar konkýrsyna qatysý quqyǵyna ıe boldy.
