2,7 myń bulaq esepke alyndy: Qazaqstan jer asty sý qoryn túgendep jatyr
ASTANA. KAZINFORM — Qazaqstanda jer asty sý qoryn túgendeý jumystary kúsheıtildi. Mamandar 2,7 myńnan astam bulaqty biryńǵaı bazaǵa engizip, qosymsha 711 áleýetti sý kózin anyqtady. Bul týraly Sý resýrstary jáne ırrıgatsııa mınıstrligi málim etti.
Memleket basshysynyń tapsyrmasyna sáıkes Sý resýrstary jáne ırrıgatsııa mınıstrliginiń janynan «Qazgıdrogeologııa» ulttyq gıdrogeologııalyq qyzmeti qaıta quryldy. Qazirgi tańda mamandar bulaqtardy túgendeý jumystaryn júrgizip, biryńǵaı derekter bazasyn qalyptastyrýda. Arhıvtik materıaldar negizinde 2,7 myńnan astam bulaqtyń ornalasqan jeri bazaǵa engizildi, sondaı-aq qosymsha 711 áleýetti sý kózi anyqtaldy.
Jerústi jáne jerasty sýlary týraly málimetterdi biriktirý úshin Water Base aqparattyq júıesi quryldy. Sonymen qatar 2027–2040 jyldarǵa arnalǵan jer asty sýlaryn keshendi paıdalaný jáne basqarý tujyrymdamasy ázirlenýde. Qujat olardy ıgerý, eldi mekender men ekonomıka salalaryn sýmen jabdyqtaý úshin paıdalaný, sondaı-aq qorlardy saqtaý tásilderin aıqyndaýǵa tıis.
Aıta keteıik, «Móldir bulaq» aktsııasy aıasynda 94 bulaq pen 62 sý nysany tazartyldy.
