27 memleket Ulybrıtanııanyń EO-dan shyǵý kelisimin qabyldady

BRıÝSSELЬ. QazAqparat – Beısenbi kúni Brıýsselde ótken sammıtte Eýropalyq odaqqa múshe 27 memlekettiń kóshbasshylary Ulybrıtanııany Eýropalyq odaqtan shyǵarý jónindegi kelisimdi qabyldady. Kelisimge osydan birneshe saǵat buryn qol jetkizilgen bolatyn, dep habarlaıdy «QazAqparat» HAA menshikti tilshisi.

«Eýropalyq keńes Ulybrıtanııa jáne Soltústik Irlandııa Birikken Koroldiginiń Eýropalyq odaqtan jáne Atom energııasy jónindegi Eýropalyq qoǵamdastyqtan shyǵý týraly Kelisimdi qabyldaıdy», - delingen Eýropalyq odaqtyń 17-18 qazan kúnderi Brıýsselde ótip jatqan sammıtiniń málimdemesinde.

Bul rette, memleketter kóshbasshylary «Eýrokomıssııaǵa, Eýropalyq parlamentke jáne Eýropalyq odaq Keńesine ret-retimen shyǵýdy qamtamasyz etý úshin kelisimniń 2019 jyldyń 1 qarashasynan bastap kúshine enýine qajetti sharalar qabyldaýdy usyndy».

Endi kelisim Eýropalyq jáne Brıtandyq parlamenttiń maquldaýynan ótedi.

Ulybrıtanııanyń zań shyǵarýshylary otyrysqa senbi kúni jınalatyn bolady.

Sondaı-aq Ulybrıtanııanyń EO-dan shyǵýy 21-25 qazan kúnderi Strasbýrgte ótetin Eýropalyq parlamenttiń plenarlyq otyrysynda daýys berýge shyǵarylýy múmkin.