27 maýsymda respýblıkanyń tórt oblysynda burshaq jaýýy múmkin
ASTANA. 26 maýsym. QazAqparat - Qazaqstannyń basym bóliginde tsıklon jáne sonymen baılanysty atmosferalyq aǵyndar óz yqpalyn saqtaıdy, sondyqtan aýa raıynyń turaqsyzdyǵy kútilýde, keı jerlerde ótkinshi jańbyr jaýyp, naızaǵaı jarqyldaıdy, burshaq jaýýy múmkin, uıytqyǵan jel soǵyp, keı jerlerde shań kóterilip, daýyl turady.
Tek eldiń batysy jaýyn-shashynsyz bolady, dep habarlaıdy Qazgıdrometke silteme jasap, QR TJM baspasóz qyzmetinen.
Aqmola, Soltústik Qazaqstan, Qaraǵandy, Qyzylorda oblystarynynń keı jerlerinde 15-20 m/s-qa deıin jel kóterilip, kúndiz keı jerlerde burshaq jaýýy múmkin, Qyzylorda oblysynyń keı jerlerinde shańdy daýyl turady.
Ońtústik Qazaqstan, kúndiz Almaty oblysynda keı jerlerde 15-20 m/s jel soǵady, shań kóterilip, daýyl turady. Qostanaı, Pavlodar, Shyǵys Qazaqstan, kúndiz Atyraý, Jambyl oblystarynda keı jerlerde 15-20 m/s jel soǵady dep kútilýde, Qostanaı oblysynda túnde keı jerlerde tuman túsedi.
Mańǵystaý oblysynda keı jerlerde tuman saqtalady. Almaty, Atyraý oblystarynda keı jerlerde qatty ystyq bolady dep kútilýde.
Respýblıkanyń batysynda, soltústik-shyǵysynda, soltústik-batysynda, ońtústiginde jáne ortalyǵynda keı jerlerde tótenshe joǵary órt qaýpi saqtalady.
Jaqyn táýlikterde Almaty oblysynyń jekelegen taýly ózenderinde sý shyǵynynyń kóterilýi kútilýde. Respýblıkanyń ońtústiginiń jáne shyǵysynyń jekelegen taýly ózenderinde sý deńgeıiniń turaqsyzdyǵy kútilýde. Qazaqstannyń basqa sýly nysandarynda gıdrologııalyq tártipte aıtarlyqtaı ózgerister kútilmeıdi.
