27 maýsym kúni astanada HQO-lar jumys istemeıdi

NUR-SULTAN. QazAqparat - Qalanyń bas sanıtar dárigeri Janna Pirálıevanyń qaýlysymen elordalyq HQO-lar 27 maýsym kúni óz jumysyn ýaqytsha toqtatady, dep habarlaıdy QazAqparat.

«Atalǵan kúnge jasalǵan bron - jaramsyz. Kezekti basqa kúnge qaıta brondaý kerektigin eskertemiz» dep málim etti «Azamattarǵa arnalǵan úkimet» AQ elorda fılıalynyń baspasóz qyzmeti.

Qyzmet alýshylar HQO-ǵa kezekti egov.kz portalyndaǵy arnaıy servıs, eGovKzBot2.0 telegram-boty jáne 1414 nómiri arqyly brondaı alady.

Nur-Sultan qalasyndaǵy HQO-lar qyzmet alýshylardy 23 maýsymnan bastap 09.00-den 17.00-ge deıin qabyldap jatqanyn eske sala keteıik.