27 maýsym. QAZAQPARAT KÚNTІZBESІ: ATAÝLY KÚNDER, OQIǴALAR, ESІMDER

27 maýsym, SÁRSENBІ

Djıbýtı Respýblıkasynyń Ulttyq meıramy - Táýelsizdik kúni (1977). Djıbýtı - Afrıkanyń soltústik-shyǵysynda ornalasqan memleket. Shekarasy Efıopııamen, Somalımen jáne shyǵysynda Aden shyǵanaǵymen shektesedi. Ákimshilik jaǵynan 5 okrýgke bólinedi. Astanasy - Djıbýtı qalasy. Resmı tilderi - frantsýz jáne arab tilderi. Aqsha birligi - djıbýtı franki. Eldi Prezıdent basqarady. Zań shyǵarýshy organy bir palataly parlament - Depýtattar palatasy.

Búkilálemdik balyqshylar kúni. 1984 jyldyń shilde aıynan bastap Balyq aýlaýdy baqylaý jáne damytý jónindegi halyqaralyq konferentsııanyń sheshimi boıynsha jyl saıyn atap ótiledi.

Tájikstannyń ulttyq birligi kúni. Qazaqstan Respýblıkasy men Tájikstan arasyndaǵy dıplomatııalyq qarym-qatynas 1993 jylǵy 7-shi qańtarda ornatyldy. Tájikstannyń Qazaqstandaǵy Tótenshe jáne Ókiletti Elshisi - Akbarsho Iskandarov.

ESTE QALAR OQIǴALAR

6 jyl buryn (2006) Malaızııada Elbasynyń «Syndarly 10 jyl» kitabynyń malaı tilindegi aýdarmasynyń tanystyrylymy boldy.

6 jyl buryn (2006) Almatyda Qazaqstan men Reseı Prezıdentteriniń uıymdastyrýymen qurylǵan Eýropa damý banki óz jumysyn bastady.

7 jyl buryn (2005) Búkilálemdik keden uıymynyń Keden yntymaqtastyǵy keńesiniń 105-shi jáne 106-shy sessııasynda Qazaqstan Búkilálemdik keden uıymy Saıası komıssııasynyń múshesi bolyp saılandy.

Búkilálemdik keden uıymy Saıası komıssııasy 1978 jyly quryldy. Onyń quramyna 17-den asa Búkilálemdik keden uıymy belsendi múshe-memleketter aımaqtyq negiz retinde eki jyldyq merzimge saılanady. Bul uıym búkilálemdik keden júıesiniń qyzmeti men damý suraqtaryn qaraıdy: halyqaralyq konventsııalardy jańartý jáne engizý, keden isi salasyndaǵy basqa da quqyqtyq quraldaryn óńdeıdi.

5 jyl buryn (2007) Almatyda «Dombyra» dep atalatyn jańa jýrnal jaryq kórdi. Ol qazaq, orys jáne aǵylshyn tilderinde shyǵady. Mýzyka salasynda qazaq tilinde alǵash ret shyǵyp otyrǵan bul jýrnal ulttyq mýzyka ónerin, ádebıeti men tarıhyn, fılosofııasy men psıhologııasyn, pedagogıkasyn nasıhattaýmen qatar, olardyń rýhanı astarlary osy bir kıeli aspap únimen baılanysty ekenin aıtýdy kózdeıdi.

3 jyl buryn (2009) Parıjde Qazaqstan Respýblıkasy Prezıdenti janyndaǵy memlekettik basqarý akademııasy jáne Frantsııanyń Ulttyq ákimshilik mektebi arasynda memorandýmǵa qol qoıyldy.

Memorandýmnyń maqsaty ózara yntymaqtastyqta tájirıbe almasý, qaıta daıarlaý jáne memlekettik bılik, memlekettik basqarý jáne jergilikti ózin-ózi basqarýdyń organdarǵa arnalǵan kadrlarynyń biliktiligin joǵarylatýlarymen shuǵyldanatyn oqý oryndardyń oqý, ádistemelik, ǵylymı jáne kadrlyq qamtamasyz etý salasyn qaıta jańǵyrtý bolyp tabylady.

ESІMDER

64 jyl buryn (1948) tarıh ǵylymynyń kandıdaty, Qazaqstannyń Majarstandaǵy Tótenshe jáne Ókiletti Elshisi, Serbııa,, Makedonııa, Chernogorııa, Slovenııa memleketterindegi Tótenshe jáne Ókiletti Elshisi qyzmetin qosa atqarýshy IBRAEV Rashıd Turaruly dúnıege keldi.

Ońtústik Qazaqstan oblysynda týǵan. Tashkent polıtehnıkalyq ınstıtýtyn bitirgen. 1976-1978 jyldary - Qazaqstan Komsomol odaǵy Shymkent oblystyq komıtetiniń birinshi hatshysy. 1989-1991 jydldary - Shymkent oblystyq partııa komıtetiniń ıspektory, ekinshi hatshysy. 1995-1998 jyldary - Qazaqstannyń Úndistandaǵy Tótenshe jáne Ókiletti Elshisi. 1998-2002 jyldary -Qazaqstannyń Ázirbaıjandaǵy Tótenshe jáne Ókiletti elshisi. 1999-2002 jyldary -Qazaqstannyń Grýzııadaǵy Tótenshe jáne Ókiletti Elshisi qyzmetin qosa atqarýshy. 2002-2006 jyldary - Qazaqstannyń Lıtva Respýblıkasyndaǵy Tótenshe jáne Ókiletti Elshisi jáne Latvııadaǵy, Estonııadaǵy Tótenshe jáne Ókiletti Elshi qyzmetin qosa atqarýshy. 2006 jyldan bastap Qazaqstannyń Majarstandaǵy Tótenshe jáne Ókiletti Elshisi, 2007 jyldan bastap Qazaqstannyń Serbııa,, Makedonııa, Chernogorııa, Slovenııa memleketterindegi Tótenshe jáne Ókiletti Elshisi qyzmetin qosa atqarýshy bolyp isteıdi.

2-shi dárejeli «Dostyq» ordenimen, medaldarmen marapattalǵan.

93 jyl buryn (1919-1952) dombyrashy, kúıshi, kompozıtor, Qazaqstannyń eńbek sińirgen ártisi AHMETOV Temirbek dúnıege keldi.

Ol  1937-1952 jyldarda Qurmanǵazy atyndaǵy Qazaq halyq aspaptar orkestriniń solıst-dombyrashysy bolǵan. Onyń «Jetim bala», «Ekpin», «Terisqaqpaı», «Shernııaz» atty kúıleri bar. Kompozıtor kúıleriniń ereksheligi - kóbinese kvınta buraýynda (teris buraý) oryndalady.

89 jyl buryn (1925) jazýshy ShІLTERHANOV Ábdiham dúnıege keldi.

Ońtústik Qazaqstan oblysynyń Ordabasy aýdanynda týǵan. Almaty aýyl-sharýashylyq ınstıtýtyn (Qazaq ulttyq agrarlyq ýnıversıtet) bitirgen. Uly Otan soǵysyna qatysqan.

Báıdibek aýdany mektebiniń muǵalimi, aýdandyq partııa komıtetiniń nusqaýshysy, Krasnaıa Nıva ujymsharynyń tóraǵasy, Otyrar aýdanyndaǵy «Arys» ujymsharynyń dırektory, aýdanǵa turmystyq qajetti óteý kombınatynyń dırektory qyzmetterin atqarǵan.

«Úsh báıterek», «Aq jaldyń aqyry», «Ataly sózder», «Sattar Erýbaev» atty kitaptardyń avtory.

1-dárejeli Otan soǵysy ordenimen, medaldarmen marapattalǵan.

51 jyl buryn (1960) jazýshy ІZІMULY Maqsot dúnıege keldi.

Atyraý oblysynda týǵan. Ál-Farabı atyndaǵy Qazaq ulttyq ýnıversıtetin bitirgen.

Batys Qazaqstan oblysy «Oral óńiri» gazetiniń, respýblıkalyq «Zerde» jýrnalynyń, «Ana tili» gazetiniń tilshisi, bólim meńgerýshisi, «Temirjolshy - Jeleznedorojnık», «Arýana» gazetteriniń jáne «Jalyn» jýrnaly bas redaktorynyń orynbasary, bas redaktory, bólim redaktory, «Qazaq entsıklopedııasy» redaktsııasynyń bólim meńgerýshisi, «Arys» baspasynyń bas redaktory qyzmetterin atqarǵan. Qazirgi kezde «Amanat-TT» jaýapkershiligi shekteýli seriktestiginiń dırektory.

Alǵashqy óleńderi 1973 jyly respýblıkalyq «Qazaqstan pıoneri» gazetinde jarııalanǵan. «Aıaqtalmaıtyn áńgime» atty kitaptyń, «Bederindeı kesteniń» áńgime-povest jınaqtarynyń avtory.

51 jyl buryn (1961) Qazaqstan Respýblıkasy Prezıdenti Ákimshiliginiń memlekettik ınspektory ShELPEKOV Balabaı Aqberdiuly dúnıege keldi.

Túrkmenstanda týǵan. I.Gýbkın atyndaǵy Máskeý munaı-hımııa jáne gaz ónerkásibi ınstıtýtyn, Qazaqstan menedjment, ekonomıka jáne boljaý ınstıtýtyn bitirgen. «Ózenmunaı» munaı-gaz óndirisi basqarmasynda qyzmet istegen. 1988-1989 jyldary - Jańaózen qalalyq partııa komıtetiniń nusqaýshysy. 2002-2005 jyldary - «Qazaqstan Halyq banki» AQ Mańǵystaý oblystyq fılıaly dırektorynyń orynbasary. 2005-2006 jyldary - Jańaózen qalasy ákiminiń orynbasary, Qazaqstan Respýblıkasy Premer-mınıstri Kantselıarııasynyń bas sarapshysy. 2006-2008 jyldary - Mańǵystaý oblysy Túkqaraǵan aýdanynyń ákimi. 2007-2008 jyldary - «Tobyl Áleýmettik-kásipkerlik korporatsııasy» Ulttyq kompanııasy» AQ basqarma tóraǵasynyń orynbasary qyzmetterin atqarǵan. Qazirgi qyzmetinde 2008 jyldan bastap isteıdi.

41 jyl buryn (1971) Pavlodar oblysy Aqsý qalasynyń ákimi BAQAÝOV Bolat Jumabekuly dúnıege keldi.

Pavlodar oblysynyń Jelezın aýdanynda týǵan. Qazaq quqyqtaný jáne halyqaralyq qatynastar ınstıtýtyn, Halyqaralyq bıznes akademııasyn bitirgen. 1993-1996 jyldary - «Ádilet» shaǵyn kásipornynyń dırektory. 1996-1998 jyldary - «Baqaýov» ujymdyq sharýashylyǵynyń basshysy. 1998-2007 jyldary kásipkerlikpen shuǵyldanǵan. 2007-2008 jyldary - «Tolymbek» ujymdyq sharýashylyǵynyń dırektory qyzmetterin atqarǵan. 2003-2008 jyldary Pavlodar oblystyq maslıhatyna depýtat bolyp saılanǵan. 2008-2011 jyldary - Qashyr aýdanynyń ákimi. Qazirgi qyzmetinde 2011 jyldyń qazan aıynan beri.

Medalmen marapattalǵan.

54 jyl buryn (1958) mýzykant, oryndaýshy, «A'Studio» tobynyń jetekshisi  SERKEBAEV Baıǵalı dúnıege keldi.  

Qurmanǵazy atyndaǵy Almaty konservatorııasyn bitirgen. «Araı» toby ujymynda belgili qazaq ánshisi Roza Rymbaevany súıemeldeýshi boldy. 1982 jyly «Araıdyń» barlyq mýzkanttary tarap ketti, al Roza Baıǵalıǵa jańa top jasaqtaýdy jáne ony basarýdy usyndy. Jańa top ta burynǵy «Araı» ataýynda qaldy, keıinnen «Almaty-Stýdıo» dep ataldy, odan ári «A'Studio» ataldy. Qazirgi kezde óz ujymyna, «A'Studio»  tobyna jáne basqalaryna prodıýserlikpen aınalysady. 90-shy jyldardyń basynda rejısser Alekseı Berkovıchpen «A-Stýdıo» týraly «Djýlııa» mýzykalyq fılmi túsirildi, oǵan mýzykanttardyń ózderi qatysty.

Máskeýdegi Emporio Cafe klýb-meıramhana qojaıyndarynyń biri.