27 maýsym. Kazinform kúntizbesi. Tulǵalar týǵan kún

68 jyl buryn (1958) mýzykant, ánshi, Qazaqstan Respýblıkasynyń eńbek sińirgen qaıratkeri Baıǵalı Ermekuly SERKEBAEV dúnıege keldi.

Almatyda týǵan. Qurmanǵazy atyndaǵy Almaty konservatorııasyn bitirgen.

«Araı» toby ujymynda belgili qazaq ánshisi Roza Rymbaevany súıemeldeýshi boldy. 1982 jyly «Araıdyń» barlyq mýzykanttary tarap ketti. Al, Roza Baıǵalıǵa jańa top jasaqtaýdy jáne ony basqarýdy usyndy. Jańa top ta burynǵy «Araı» ataýynda qaldy, keıinnen «Almaty-Stýdıo», odan ári «A’Studio» ataldy. Qazirgi kezde óz ujymynda, «A’Studio» tobynda jáne basqalarynda prodıýserlikpen aınalysady.

Aıta ketsek, 90-jyldardyń basynda rejısser Alekseı Berkovıchpen «A-Stýdıo» týraly «Djýlııa» mýzykalyq fılmi túsirildi. Oǵan mýzykanttardyń ózderi qatysty.

59 jyl buryn (1967) Abaı oblysynan Qazaqstan Respýblıkasy Parlamenti Senatynyń depýtaty Qaırat Qulbaıuly TASTEKEEV dúnıege keldi.

Semeı oblysy Aqsýat aýdany Aqsýat aýylynda týǵan. 1993 jyly Semeı maldárigerlik ınstıtýtyn veterınarııa mamandyǵy boıynsha, 2000 jyly Qazaq akademııalyq ýnıversıtetin quqyqtaný mamandyǵy boıynsha, 2014 jyly Qazaq ınnovatsııalyq-gýmanıtarlyq zań ýnıversıtetin qarjy mamandyǵy boıynsha, 2018 jyly Qazaqstan ınjenerli-pedagogıkalyq halyqtar dostyǵy ýnıversıtetin qurylys mamandyǵy boıynsha támamdaǵan. Zań ǵylymdarynyń kandıdaty.

1993-1998 jyldary «Meıramhan» AQ-nyń menedjeri, 1999 jyly Almaty qalasy Túrksib aýdandyq sotynyń sot kýreri, 1999-2000 jyldary Almaty qalasy sotynyń sot prıstavy, 2001-2010 jyldary Qazaq ınnovatsııalyq-gýmanıtarlyq zań ýnıversıtetiniń oqytýshysy, aǵa oqytýshysy, 2010-2017 jyldary Qazaq ınnovatsııalyq-gýmanıtarlyq zań ýnıversıtetiniń Memlekettik-quqyqtyq pánder kafedrasynyń meńgerýshisi, 2017-2023 jyldary Semeı qalasy Qurylys kolledjiniń dırektory qyzmetin atqarǵan.

2023 jyly QR Parlamenti Senatynyń depýtaty bolyp saılandy, QR Parlamenti Senatynyń Konstıtýtsııalyq zańnama, sot júıesi jáne quqyq qorǵaý organdary komıtetiniń múshesi.

Ybyraı Altynsarın medalimen (2016), «Halyq alǵysy» medalimen (2021), Qazaqstan Respýblıkasy Prezıdentiniń alǵys hatymen (2021, 2022) marapattalǵan.

50 jyl buryn (1976) Qazaqstan Respýblıkasy Іshki ister mınıstrligi Krımınaldyq polıtsııa departamentiniń bastyǵy Qanat Bazarbaıuly NURMAǴAMBETOV dúnıege keldi.

Kókshetaý oblysy Býrabaı aýdany Şors aýylynda týǵan. 1997 jyly QR ІІM Qaraǵandy joǵary mektebin, 2007 jyly QR ІІM Qaraǵandy akademııasynyń profıldi magıstratýrasyn támamdaǵan.

Qyzmette jetken jetistikteri úshin ІІM basshylyǵymen birneshe ret marapattalǵan. «Sambo» kúresi boıynsha sport sheberine úmitker.

Eńbek joly: 1997 jyly QR ІІM Qaraǵandy joǵary mektebin aıaqtaǵan soń, ishki ister organdaryndaǵy qyzmetin Kókshetaý qalasy boıynsha MTKB tergeýshi laýazymynan bastaǵan.

Ár jyldary Kókshetaý qalasynyń ІІB krımınaldyq polıtsııa bólimshesinde jedel ýákil, Aqmola oblysy QІІB UQQKB bólim bastyǵy, Aqmola oblysy ІІD Esirtkige qarsy kúres basqarmasy (EQKB) bastyǵynyń orynbasary laýazymdaryn atqardy.

2006-2007 jyldary QR ІІM Qaraǵandy akademııasynyń magıstranty, 2009 jyly Aqmola oblysy ІІD Esirtkige qarsy kúres basqarmasynyń (EQKB) bastyǵy, 2011 jyly Aqmola oblysy ІІD Uıymdasqan qylmysqa qasry kúres basqarmasynyń (UQQKB) bastyǵy, 2014 jyly Aqmola oblysy ІІD Býrabaı aýdany ishki ister bóliminiń bastyǵy, 2015 jyly Aqmola oblysy ІІD Stepnogorsk qalasy Іshki ister basqarmasynyń bastyǵy, 2017 jyly Aqmola oblysy ІІD Kókshetaý qalasy Іshki ister basqarmasynyń bastyǵy, 2019 jyly Aqtóbe oblysy Polıtsııa departamenti bastyǵynyń birinshi orynbasary (jedel jumys jónindegi) qyzmetinde boldy. 2020 jyly QR ІІM Krımınaldyq polıtsııa departamenti bastyǵynyń orynbasary, 2022 jyly QR ІІM Uıymdasqan qylmysqa qarsy kúres departamentiniń bastyǵy laýazymyn atqarǵan.

Qazirgi qyzmetin 2024 jylǵy qańtar aıynan bastap atqaryp keledi.

49 jyl buryn (1977) Qazaqstan Respýblıkasy Іshki ister mınıstrligi Kóliktegi polıtsııa departamentiniń bastyǵy Abzal Ǵabdollauly JUMATAEV dúnıege keldi.

2001 jyly QR ІІM Qaraǵandy joǵary mektebin, 2010 jyly T.Rysqulov atyndaǵy Qazaq ekonomıkalyq ýnıversıtetin, 2020 jyly B.Beısenov atyndaǵy QR ІІM Qaraǵandy akademııasyn támamdaǵan.

Іshki ister organdaryndaǵy qyzmetin 1997 jyly Qaraǵandy oblysy Qarajal qalalyq ishki ister bóliminiń jedel-izdestirý tobynyń jedel ýákili laýazymynan bastaǵan.

1998-2019 jyldary ishki ister organdarynda jáne qarjy polıtsııasynda ártúrli orta jáne aǵa basshylyq quram laýazymdarynda qyzmet atqarǵan. 2019-2022 jyldary Kóliktegi polıtsııa departamenti bastyǵynyń orynbasary, 2022-2024 jyldary QR Qarjylyq monıtorıng agenttiginiń Aqtóbe oblysy boıynsha Ekonomıkalyq tergeý departamentiniń basshysy, 2024-2025 jyldary QR ІІM Tyl departamentiniń bastyǵy, 2025-2026 jyldary QR Ulttyq ulany Bas qolbasshysynyń orynbasary qyzmetin atqarǵan.

Qazirgi laýazymyn 2026 jylǵy sáýirden bastap atqaryp keledi.

43 jyl buryn (1983) Qazaqstan Respýblıkasy Parlamenti Májilisiniń VIII shaqyrylym depýtaty Danabek Erjanuly ISABEKOV dúnıege keldi.

Ózbekstan Respýblıkasy Jızaq oblysynda týǵan. 2004 jyly Qazaqstan Gýmanıtarlyq Zań ýnıversıtetin «zańtaný» mamandyǵy boıynsha, 2008 jyly M.Áýezov atyndaǵy Ońtústik Qazaqstan memlekettik ýnıversıtetin «qarjy» mamandyǵy boıynsha jáne 2020 jyly M.Áýezov atyndaǵy Ońtústik Qazaqstan memlekettik ýnıversıtetin «jerge ornalastyrý» mamandyǵy boıynsha bitirgen.

Eńbek jolyn 2004 jyly Shymkent qalalyq Qazynashylyq departamentinde jetekshi zańger bolyp bastady. 2006-2007 jyldary Shymkent qalasy boıynsha salyq komıtetiniń operatory, muraǵatshysy bolyp jumys istegen. 2007-2009 jyldary Shymkent qalasy «MAD LTD ı K» JShS-niń dırektory, 2009-2014 jyldary Shymkent qalalyq OQO FRMK «Halyqqa qyzmet kórsetý ortalyǵy» dırektorynyń orynbasary, 2014 jyly Jambyl oblysy boıynsha Jyljymaıtyn múlik ortalyǵy RMQK-niń dırektorynyń orynbasary, 2014-2015 jyldary «QR Ádilet Mınıstrligi Tirkeý qyzmeti jáne quqyqtyq kómek kórsetý komıtetiniń OQO boıynsha jyljymaıtyn múlik jónindegi ortalyǵy» RMQK-niń dırektory, 2015-2016 jyldary QR Ádilet Mınıstrligi «Jyljymaıtyn múlik ortalyǵy» sharýashylyq júrgizý quqyǵyndaǵy RMK-niń OQO boıynsha fılıal dırektory qyzmetin atqarǵan.

2016 jyly «Azamattarǵa arnalǵan úkimet» memlekettik korporatsııasy» KE AQ OQO boıynsha fılıaly «Jyljymaıtyn múlik ortalyǵy» Departamentiniń dırektory, 2016-2018 jyldary «Azamattarǵa arnalǵan úkimet» memlekettik korporatsııasy» KE AQ OQO boıynsha fılıaly Jer kadastry jáne jyljymaıtyn múlikti tehnıkalyq tekserý Departamentiniń dırektory, 2018-2019 jyldary aralyǵynda «Azamattarǵa arnalǵan úkimet» memlekettik korporatsııasy» KE AQ OQO boıynsha fılıal dırektorynyń orynbasary boldy. 2020-2023 jyldary Shymkent qalasy máslıhatynyń jetinshi shaqyrylymynyń depýtaty, Zańdylyq, quqyq tártibi jáne jergilikti ózin-ózi basqarý jónindegi turaqty komıssııasynyń tóraǵasy bolǵan.

Qazirgi laýazymyn 2023 jyldyń naýryz aıynan beri atqaryp keledi.

40 jyl buryn (1986) Qazaqstan Respýblıkasy Prezıdenti Ákimshiligi Іshki saıasat bóliminiń meńgerýshisi Elnur Sabyrjanuly BEISENBAEV dúnıege keldi.

Kentaý qalasynda týǵan. Ál-Farabı atyndaǵy Qazaq ulttyq ýnıversıtetiniń túlegi. Saıasattanýshy, áleýmettik ǵylymdar magıstri.

Eńbek jolyn «Jastar úni» Jastar qoǵamdyq uıymynda maman retinde bastap, keıinnen 2009 jyly tóraǵa bolyp taǵaıyndaldy. 2012-2015 jyldary tarıh pániniń muǵalimi, Qazaqstan kommýnıstik halyq partııasynyń Almaty qalalyq fılıalynda ıdeologııa jáne nasıhat jónindegi hatshy qyzmetterin qosa atqardy. 2016-2017 jyldary Almaty qalasy ákimdiginiń jastar jobalary jáne uıymdastyrý jumystary bóliminiń basshysy, jastar saıasaty máseleleri basqarmasynyń basshysy laýazymdarynda eńbek etti. 2017-2018 jyldary Abaı atyndaǵy Qazaq ulttyq pedagogıkalyq ýnıversıtetinde tárbıe jumysy departamentiniń dırektory bolyp jumys atqardy. 2019 jyly Nur-Sultan qalasy ákiminiń áleýmettik máseleler jónindegi keńesshisi boldy. 2020 jyly «Nur Otan» partııasy janyndaǵy «Jas Otan» Jastar qanatynyń tóraǵasy bolyp saılandy. 2023-2026 jyldary QR Parlamenti Májilisiniń VІІІ shaqyrylym depýtaty, Áleýmettik-mádenı damý komıtetiniń múshesiboldy.

Qazirgi qyzmetin 2026 jyldyń aqpanynan beri atqaryp keledi.

«Qazaqstan Respýblıkasynyń táýelsizdigine 25 jyl» medalimen marapattalǵan.