27 mamyrda 8 myńǵa jýyq jas sarbaz áskerı ant qabyldaıdy
ASTANA. 25 mamyr. QazAqparat - 27 mamyr kúni Qazaqstan Respýblıkasynyń Qarýly Kúshterinde kóktemgi shaqyrylymdaǵy jas sarbazdardyń ant qabyldaý rásimi ótedi.
Qorǵanys mınıstrliginiń baspasóz qyzmetinen málim etkendeı, QR Qarýly Kúshteriniń Aeromobıldi áskerleri, Qurlyqtaǵy áskerler men Áeý qorǵanys kúshteriniń áskerı bólimderinde bıylǵy kóktemde ásker qataryna shaqyrylǵan 8 myńǵa jýyq jas sarbaz Otanǵa adal bolýǵa, onyń Konstıtýtsııasyn qatań saqtaýǵa, áskerı jarǵylardyń talaptaryn, komandırler men basshylardyń buıryqtaryn oryndaýǵa, áskerı boryshty abyroımen atqarýǵa, halyq pen Otannyń bostandyǵy men táýelsizdigin erlikpen qorǵaýǵa saltanatty jaǵdaıda ant beretin bolady.
