27 mamyr kúni elimizde ótetin mańyzdy sharalar ańdatpasy

NUR-SULTAN

10.00-de QR Parlamenti Senatynyń otyrysy bastalady.

10.00-de Májilistiń Áleýmettik-mádenı damý komıteti «Qaıta oqytý jáne qyzmetkerlerdiń daǵdylaryn turaqty jetildirý jónindegi jańa tásilder» taqyrybynda dóńgelek ústel ótkizedi.

Otyrys www.parlam.kz saıtynda jáne Youtube jelisindegi Senattyń resmı paraqshasynda kórsetiledi.

11.00-de QR Aqparat jáne qoǵamdyq damý mınıstri Aıda Balaevanyń tóraǵalyǵymen onlaın-formatta Aqparatqa qol jetkizý máseleleri jónindegi komıssııanyń otyrysy ótedi.

Otyrysta aqparatqa qol jetkizý salasynyń jaı-kúıi týraly jyl saıynǵy eseptiń jobasy talqylanady.

Otyrystyń tikeleı kórsetilimi Aqparat jáne qoǵamdyq damý mınıstrliginiń Facebook jelisindegi resmı paraqshasynda ótedi.

12.00-de Nursultan Nazarbaev qorynyń dırektory Darıǵa Nazarbaevanyń, elorda ákimi Altaı Kólginovtiń qatysýymen QR Tuńǵysh Prezıdenti – Elbasy mýzeıiniń janyndaǵy saıabaqta jańa sport alańdary men demalys aımaǵynyń ashylýy ótedi.

Munda mýzeı ǵımaratynyń janynda jańa zamanaýı oıyn alańdary, sahna alańy, Workout aımaǵy, strıtbolǵa arnalǵan 3 alań ornalasqan.

12.30-da QR Prezıdenti janyndaǵy ortalyq kommýnıkatsııalar qyzmetinde Almaty oblysynyń ákimi Amandyq Batalov óńirdiń áleýmettik-ekonomıkalyq damýy týraly baspasóz máslıhatyn ótkizedi.

Kórsetilim siltemeleri: Youtube Facebook

14.30-da QR Prezıdenti janyndaǵy ortalyq kommýnıkatsııalar qyzmetinde «Balalardyń jaz mezgilindegi qaýipsizdigi» týraly baspasóz máslıhaty ótedi.

Spıkerler: QR TJM Azamattyq qorǵanys jáne áskerı bólimder komıtetiniń tóraǵasy Baýyrjan Syzdyqov, QR ІІM ıÝvenaldy polıtsııa jáne áıelderdi zorlyq-zombylyqtan qorǵaý bastyǵynyń orynbasary Nurlan Jumanalın, QR BǴM Balalardyń quqyǵyn qorǵaý komıteti tóraǵasynyń orynbasary Dýlat Jekebaev.

Kórsetilim siltemeleri: Youtube Facebook

15.00-de ANTIKOR ORTALYGY alańynda Nur-Sultan qalasy boıynsha sybaılas jemqorlyqqa qarsy is-qımyl departamentiniń preventsııa jáne parasat basqarmasynyń basshysy Marat Haırýllın sybaılas jemqorlyq faktisi týraly habarlaǵan adamdardy marapattaý týraly brıfıng ótkizedi.

15.00-de «Quqyqtyq saıasatty zertteý ortalyǵy» qoǵamdyq qory «Qazaqstan Respýblıkasyndaǵy kóshi-qon protsesterine ártúrli faktorlardyń áseri» atty dóńgelek ústel ótkizedi.

Platformaǵa silteme: Zoom, kod: 555046.

16.00-de Nur-Sultan qalasy máslıhatynda «Energııany únemdeý jáne energııa tıimdiligin arttyrýdyń keshendi josparyn iske asyrý, ınnovatsııalyq tehnologııalardy engizý perspektıvalary» taqyrybynda qoǵamdyq tyńdaý ótedi.

Qoǵamdyq tyńdaý onlaın rejımde Facebook áleýmettik jelisindegi máslıhat akkaýntynda ótedi.

16.30-da QR Prezıdenti janyndaǵy Ortalyq kommýnıkatsııalar qyzmetinde «Qylmystyq protsestiń jańa formaty sheńberinde qylmystyq qýdalaý organdary men prokýrordyń jumysy týraly» baspasóz máslıhaty ótedi.

Spıker: QR Bas prokýratýrasynyń qylmystyq qýdalaý qyzmetiniń basshysy Serik Shalabaev.

Kórsetilim siltemeleri: Youtube Facebook

17.00-de QR Bilim jáne ǵylym mınıstri Ashat Aımaǵambetovtyń tóraǵalyǵymen Respýblıkalyq pedagogıkalyq keńes ótedi.

Pedagogıkalyq keńes YouTube jelisinde jáne QR BǴM-niń Facebook paraqshasynda onlaın formatta ótedi.

ALMATY

11.00-de Almaty óńirlik kommýnıkatsııalar qyzmetinde Almatydaǵy COVID-19-ǵa qatysty qazirgi jaǵdaı týraly onlaın baspasóz konferentsııasy ótedi.

Spıkerler: Almaty qalasy sanıtarlyq-epıdemıologııalyq baqylaý departamentiniń basshysy, qalanyń bas memlekettik sanıtar dárigeri Jandarbek Bekshın jáne Almaty qalasy qoǵamdyq densaýlyq basqarmasynyń basshysy Narıman Tabynbaev.