27 mamyr. QAZAQPARAT KÚNTІZBESІ: ATAÝLY KÚNDER, OQIǴALAR, ESІMDER

27 mamyr, JEKSENBІ

Jalpyreseılik kitaphana kúni. 1995 jyldan bastap jyl saıyp atap ótiledi.

Qyrǵyzstanda kitaphanalar kúni. Qyrǵyz Respýblıkasy Úkimetiniń qaýlysymen 1902 jyldyń 27 mamyrdaǵy Qyrǵyzstandaǵy birinshi jalpyǵa birdeı kitaphananyń ashylýyna arnalyp 2008 jyldyń 17 maýsymynda bekitilgen.

ESTE QALAR OQIǴALAR

20 jyl buryn (1992) Jambyl oblysynyń Shý aýdanyndaǵy Balýan Sholaq atyndaǵy aýylda aqyn, kompozıtor Balýan Sholaqtyń eskertkishi ashyldy.

7 jyl buryn (2005) Aqmola oblysy Stepnogorsk qalasyndaǵy Mádenıet úıiniń ataýy Dostyq jáne shyǵarmashylyq úıi bolyp ózgertildi. Osyǵan sáıkes qala ortalyǵynda ornalasqan kórkem ǵımarattyń qyzmet baǵyty da ózgertildi.

3 jyl buryn (2009) Qazaqstan Respýblıkasynyń Premer-mınıstri Kárim Másimovtiń qatysýymen Qaraǵandy oblysyndaǵy 500 kV-tyq «Aǵadyr» qosalqy stansasynda «Aǵadyr-OQMAES» ýchaskesi iske qosyldy.

3 jyl buryn (2009) saıası qýǵyn-súrgin qurbandaryn eske alý kúnine oraı jazýshy Qaıym Muhamedhanovtyń «Taǵdyr jáne Karlag» atty týyndysy oqyrmandar nazaryna usynyldy. Shara «Qaıym Muhamedhanov atyndaǵy bilim jáne mádenıet ortalyǵy» bastamasymen jáne Qazaqstan-Brıtan tehnıkalyq ýnıversıtettiń qoldaýymen ótkizildi.

Qaıym Muhamedhanov (1916-2004) - Muhtar Áýezovtyń ǵylymı tujyrymdamalarynyń shákirti jáne senimdi jalǵastyrýshysy, óz ómiriniń barlyǵyn Abaı ónerin zertteýge arnaǵan, uly oıshyldyń aqyndyq mektebin oqýdy tereńdetken. Ol qatal kezeńderde de ulttyq mádenıet ókilderi - Shákárim Qudaıberdiulynyń, Ahmet Baıtursynovtyń, Mirjaqyp Dýlatovtyń, Maǵjan Jumabaevtyń, Júsipbek Aımaýytovtardyń ónerlerin batyl nasıhattaǵan.

ESІMDER

69 jyl buryn (1943) fılologııa ǵylymynyń doktory, professor, Sh.Ýálıhanov atyndaǵy syılyqtyń laýreaty ÁShІMHANOVA Svetlana dúnıege keldi.

Almaty oblysynyń Raıymbek aýdanynda týǵan. Qazaq memlekettik ýnıversıtetin, M.Lomonosov atyndaǵy Máskeý memlekettik ýnıversıtetiniń aspırantýrasyn bitirgen. 1978 jyldan Qazaq memlekettik ýnıversıtetiniń aǵa oqytýshysy, dotsenti, kafedra meńgerýshisi, aǵa ǵylymı qyzmetkeri bolǵan. Ǵalymnyń negizgi ǵylymı eńbekteri ejelgi dáýirden 20-shy ǵasyrǵa deıingi Batys Eýropa ádebıetiniń qalyptasyp, damý aıasyn zertteýge arnalǵan. 40-tan astam ǵylymı eńbegi jaryq kórgen.

97 jyl buryn (1915-1993) akýsher-gınekolog, medıtsına ǵylymdarynyń doktory, professor, Qazaq KSR eńbek sińirgen dárigeri ÓTEGENOVA Kamıla Dosqyzy dúnıege keldi.

Reseı Federatsııasynyń Chelıabınsk oblysynda týǵan. Qazaq medıtsına ınstıtýtyn (S.D.Asfendııarov atyndaǵy Qazaq ulttyq medıtsınalyq ýnıversıteti) bitirgen.

Qazaq medıtsına ınstıtýty (S.D.Asfendııarov atyndaǵy Qazaq ulttyq medıtsınalyq ýnıversıteti) akýsherlik jáne gınekologııa kafedrasynyń klınıkalyq ordınatory, aǵa laboranty, assıstenti, dotsenti, kafedra meńgerýshisi, Qazaq KSR Densaýlyq saqtaý mınıstrliginiń bas akýsher-gınekology qyzmetterin atqarǵan.

«Qurmet Belgisi» ordenimen, medaldarmen marapattalǵan.

71 jyl buryn (1941) fılologııa ǵylymynyń doktory, professor, Sh.Ýálıhanov atyndaǵy syılyqtyń laýreaty, Qazaqstan Jazýshylar odaǵynyń múshesi SEIІTJANULY Zufar dúnıege keldi.

Shyǵys Túrkistannyń Tarbaǵataı aımaǵynda týǵan. Qazaq memlekettik ýnıversıtetin bitirgen. 1975-1991 jyldary aralyǵynda Qazaq KSR ǴA M.Áýezov atyndaǵy Ádebıet jáne óner ınstıtýtynda istegen. Qazir ál-Farabı atyndaǵy Qazaq ulttyq ýnıversıtetinde dáris beredi. «Raýan», «Tańsholpan», «Taý samal» óleń kitaptary jáne folklorlyq jeli negizinde jazylǵan «Epostyq batyrlar», «Salt-dástúr» atty balalarǵa arnalǵan kitaptary bar. Sonymen qatar «Tarıhı epos», «Shyńjań qazaq ádebıeti» monografııalary jaryq kórgen.

78 jyl buryn (1934) ánshi, Qazaqstannyń halyq ártisi QARAJІGІTOV Narıman Nurmuhameduly dúnıege keldi.

Batys Qazaqstan oblysynda týǵan. Almaty zooveterınarlyq ınstıtýtyn, Almaty konservatorııasyn professor B.Jylysbaevtyń synybynda bitirgen.  1963 jyldan Abaı atyndaǵy Qazaqtyń opera jáne balet teatrynyń ánshisi. 1968 jyldan - pedagog, 1979 jyldan Qurmanǵazy atyndaǵy Qazaq ulttyq konservatorııasynyń dotsenti.

Birjan («Birjan men Sara, M.Tólebaev), Áýbákir, Adaq, Aqan («Aısulý», «Jumbaq qyz» jáne «Aqan seri - Aqtoqty» S.Muhamedjanov), Aıdar («Abaı» A.Jubanov pen L.Hamıdı), Kebek (Eńlik-Kebek» Ǵ.Jubanova), Dona Ottavıo («Don Jýan» Motsart) partııalaryn oryndady. Ánshiniń repertýarynda - qazaqtyń halyq ánderi, orys romanstary, qazaq, orys jáne shetel kompozıtorlarynyń ánderi bar.

66 jyl buryn (1946) fılologııa ǵylymynyń doktory, professor YSQAQULY Dandaı dúnıege keldi.

Ońtústik Qazaqstan oblysynyń Otyrar aýdanynda týǵan. Qazaq memlekettik ýnıversıtetin, Qazaq KSR ǴA M.Áýezov atyndaǵy Ádebıet jáne óner ınstıtýtynyń aspırantýrasyn bitirip, osy ınstıtýttyń kishi ǵylymı qyzmetkeri, Qazaq memlekettik ýnıversıteti jýrnalıstıka fakýltetiniń aǵa oqytýshysy, dotsenti, fılologııa fakýltetiniń dotsenti qyzmetterin atqarǵan. Qazirgi L.Gýmılev atyndaǵy Eýrazııa ýnıversıtetinde qyzmet isteıdi. Onyń qazaq ádebı synynyń tarıhı, teorııasy máselelerine arnalǵan «Stıl syry», «Dástúr jáne jańashyldyq», «Ádebı-kórkem syn», «S.Muqanovtyń taǵlymy», «Qansonar», «Ádebıet órnekteri», «Janr», «Muhtar Áýezov álemi», «Syn shyn bolsyn», «Muhtar Áýezov: Talant pen taǵdyr» atty eńbekteri jaryq kórdi.

56 jyl buryn (1956) QR Parlamenti Májilisiniń Ekonomıkalyq reforma jáne óńirlik damý komıtetiniń múshesi NURǴISAEV Serikbaı Órikbaıuly dúnıege keldi.
Almaty oblysy, Іle aýdany, Jańa-Arna selosynda jumysshy otbasynda dúnıege keldi. 1974-1980jj. - Kırov atyndaǵy Qazaq memlekettik ýnıversıtetiniń stýdenti 1980-1982jj. - №20 kásiptik-tehnıkalyq ýchılışesiniń óndiristik oqytý masteri. 1982-1983jj. - №116 qalalyq kásiptik-tehnıkalyq ýchılışesiniń komsomol komıtetiniń hatshysy. 1983-1985jj. - Qazaqstan LKJO Almaty oblystyq komıtetiniń sektor meńgerýshisi. 1985-1989jj. - Qazaqstan LKJO Ortalyq Komıteti bólim meńgerýshisiniń orynbasary, jaýapty uıymdastyrýshy. 1989-1991jj. - Almaty polıtologııa jáne basqarý ınstıtýtynyń tyńdaýshysy. .1991j.-1991j. - Almaty qalalyq halyq depýtattary keńesi atqarý komıtetiniń ultaralyq qatynas jáne qoǵamdyq uıymdarmen baılanys bóliminiń meńgerýshisi. 1991-1992jj. - Alataý aýdandyq halyq depýtattary Keńesi atqarý komıteti tóraǵasynyń orynbasary. 1992-1993jj. - Almaty qalasynyń Alataý aýdandyq ákimshiligi basshysynyń birinshi orynbasary. 1993-1994jj. - Almaty qalasy Sovet aýdandyq ákimshiliginiń basshysy. 1994-1996jj. - «Globa Kazahstana» qarjy korporatsııasynyń prezıdenti. 1996-1999jj. - Qyzylorda oblysy Ákiminiń birinshi orynbasary. 1999-2004jj. - Qyzylorda oblysynyń Ákimi. 2004-2005jj. - Qazaqstan Respýblıkasy Prezıdentiniń Almaty qalasyndaǵy arnaıy ókili. 2005j.- 2005j. - «Nur Otan» Halyqtyq Demokratııalyq partııasy ortalyq apparatynyń jetekshisi. 2005j.-2008j. - Qazaqstan Respýblıkasy Prezıdenti Ákimshiligi Áleýmettik-saıası bóliminiń Bas ınspektory. 2008j.- 2012j. - Qazaqstan Respýblıkasy Memlekettik qyzmet isteri agenttiginiń Almaty oblysy boıynsha aýmaqtyq basqarmasy men Tártiptik keńesiniń basshysy. 2012 jyldyń qańtardan bastap Qazaqstan Respýblıkasy Parlamenti Májilisiniń depýtaty «Nur Otan» Halyqtyq Demokratııalyq partııasynyń múshesi, partııalyq tizim boıynsha saılanǵan.

«Qurmet» jáne «Parasat» ordenderimen marapattaldy. Mamandyǵy matematık; polıtolog; ekonomıst. Ǵylymı dárejesi - ekonomıka ǵylymdarynyń doktory, professor.

56 jyl  buryn (1956) QR Konstıtýtsııalyq Keńesiniń múshesi MALINOVSKII Vıktor Aleksandrovıch  dúnıege keldi.

Almaty qalasynda týǵan. S.M.Kırov atyndaǵy Qazaq memlekettik ýnıversıtetiniń zań fakýltetin bitirgen.

Eńbek jolyn S.M.Kırov atyndaǵy Qazaq memlekettik ýnıversıteti zań fakýltetiniń memlekettik quqyq jáne sovet qurylysy kafedrasynyń assıstenti, aǵa oqytýshysy, dekannyń orynbasary, Almaty saıasattaný ınstıtýtynyń memlekettik qurylys jáne quqyq kafedrasynyń dotsenti bolyp bastady. 

Qazaqstan Respýblıkasy Prezıdenti men Mınıstrler Kabıneti Apparatynyń Memlekettik-quqyq bóliminiń referenti, aǵa referenti, Respýblıka Konstıtýtsııalyq Sotynyń sýdıasy bolyp qyzmet atqardy.

1995 jyldan 2006 jylǵa deıin Zańgerlik akademııasy - «Ádilet» Joǵary quqyq mektebiniń prorektory bolyp jumys istedi. Sońǵy ýaqytta «Internıýs-Qazaqstan» mekemesinde zańger, Abaı atyndaǵy Qazaq ulttyq pedagogıka ýnıversıteti konstıtýtsııalyq quqyq kafedrasynyń meńgerýshisi bolyp jumys istedi.