27 qyrkúıekke arnalǵan aýa raıy boljamy
ASTANA. QazAqparat - Seısenbi kúni Qazaqstan aımaqtarynyń basym bóliginde jaýyn-shashynsyz aýa raıy saqtalady.
Bul týraly «Qazgıdrometten» málim etti.
Tek batysta jáne ońtústikte atmosferalyq frontaldy bólikterdiń ótýine baılanysty keı jerlerde jańbyr jaýyp, jel kúsheıedi. Túnde jáne tańerteń keı jerlerinde tuman kútiledi.
Soltústikte, shyǵysta jáne ortalyqta úsik kútiledi.
Batys Qazaqstan oblysynyń keı jerlerinde jel 15-20 m/s kúsheıedi, túnde jáne tańerteń tuman boljanady.
Qostanaı oblysynyń keı jerlerinde túnde tuman kútiledi, tańerteń jáne kúndiz jel 15-20 m/s kúsheıedi.
Pavlodar oblysynda, túnde jáne tańerteń Aqmola, Mańǵystaý, Atyraý, Soltústik Qazaqstan, Qaraǵandy, Shyǵys Qazaqstan oblystarynyń keı jerlerinde tuman bolady.
Jambyl, kúndiz Qyzylorda oblystarynyń keı jerlerinde jeldiń ekpini 15-20 m/s-ty quraıdy.
Aqmola, Pavlodar, Qaraǵandy, Shyǵys Qazaqstan oblystarynyń keı jerlerinde temperatýra baǵamy 1-3 gradýsqa deıin tómendep, úsik júretini boljanýda.
Ońtústik Qazaqstan oblysynda, Qaraǵandy, Jambyl, Almaty oblystarynyń basym bóliginde, Atyraý, Aqtóbe, Shyǵys Qazaqstan oblystarynyń keı jerlerinde joǵary órt qaýpi saqtalady.
