27 qyrkúıek kúngi aýa raıy boljamy
NUR-SULTAN. QazAqparat - Qar teńizi aımaǵynan keletin soltústik tsıklon Qazaqstannyń basym bóligindegi aýa raıyna yqpalyn jalǵastyrady. Sonymen baılanysty qubylmaly kún raıy saqtalady. Keı óńirlerde túnde jaýyn-shashyn jaýady (kóbine jańbyr), kúndiz ońtústik-batysta jańbyr qatty jaýatyny kútiledi. Respýblıkanyń jekelegen aýmaqtaryn tuman basyp, 15-25 m/s ekpinde jel turady. Ońtústikte – shańdy daýyl, ońtústik-shyǵysta burshaq boljanady, dep habarlaıdy QazAqparat.
«Qazgıdromet» RMK málimetinshe, Qostanaı, Soltústik Qazaqstan, Aqmola, Pavlodar, Qaraǵandy, Shyǵys Qazaqstan oblystarynyń keı jerlerinde tuman kútiledi, jel 15-20 m/s kúsheıedi. Kúndiz Soltústik Qazaqstan oblysynda jeldiń ekpini 25 m/s artady.
Almaty oblysynyń keı jerlerinde jel 15-20 m/s kúsheıedi, burshaq jaýýy yqtımal.
Jambyl, kúndiz Mańǵystaý, Aqtóbe oblystarynyń keı jerlerinde jeldiń kúshi 15-20 m/s jetedi. Kúndiz Jambyl oblysynda onyń ekpini 23 m/s artady.
Túrkistan oblysynyń keı jerlerinde jel 15-20 m/s kúsheıedi, shańdy daýyl kútiledi.
Batys Qazaqstan, Atyraý oblystarynyń keı jerlerinde tuman boljanady.
Aqmola, Aqtóbe, Qostanaı, Soltústik Qazaqstan, Pavlodar, Qaraǵandy oblystarynyń túnde keı jerlerinde 1-3 gradýs úsik saqtalady.
Sondaı-aq Qyzylorda, Túrkistan oblystarynda, Jambyl oblysynyń batysynda, Karaǵandy oblysynyń ońtústik, ońtústik-shyǵysynda, Batys Qazaqstan oblysynyń ońtústiginde óte joǵary órt qaýpi saqtalady.
