27 qyrkúıek. Kazinform kúntizbesi. Tulǵalar týǵan kún

Muhtar TІNІKEEV, Qazaqstan Respýblıkasy Kásipodaqtar federatsııasy tóraǵasynyń birinshi orynbasary

1963 jyly Qaraǵandy qalasynda dúnıege kelgen. Qaraǵandy memlekettik polıtehnıkalyq ınstıtýtyn taý-ken qurylysshy-ınjeneri mamandyǵy boıynsha, E.A.Bóketov atyndaǵy Qaraǵandy memlekettik ýnıversıtetin zańger mamandyǵy boıynsha bitirgen.

Eńbek joly: 1995-1996 jyldary Qazaqstannyń nashaqorlyqpen kúres qaýymdastyǵynyń vıtse-prezıdenti bolyp taǵaıyndaldy. 1996-1999 jyldary Qazaqstan Respýblıkasy Eńbek jáne halyqty áleýmettik qorǵaý mınıstrliginiń jumyspen qamtý departamentiniń, Jumyspen qamtýǵa járdemdesý qorynyń, eńbekti qorǵaý memlekettik ınspektsııasynyń bas mamany boldy. 1999-2002 jyldary «Arıf kontrol» JShS qaýipsizdik qyzmetiniń bastyǵy, 2002-2003 jyldary Qazaqstan Respýblıkasy Parlamenti Senatynyń Áleýmettik-mádenı damý komıtetiniń konsýltanty, 2002-2016 jyldary Qazaqstan Respýblıkasy Parlamenti Májilisiniń II-VI shaqyrylymynyń depýtaty boldy, Eýrazııalyq ekonomıkalyq odaqtyń Parlamentaralyq assambleıasynyń quqyqtyq máseleler jónindegi turaqty komıssııasynyń tóraǵasy qyzmetin atqardy. 2017-2020 jyldary Qazaqstan Respýblıkasy Kásipodaqtar federatsııasy tóraǵasynyń orynbasary bolyp taǵaıyndaldy.

Qazirgi qyzmetin 2020 jyldan bastap atqaryp keledi.

Aınur SATAEVA, Halyqty áleýmettik qorǵaý salasyndaǵy retteý jáne baqylaý komıtetiniń Ulytaý oblysy boıynsha Departamentiniń basshysy

1966 jyly Soltústik Qazaqstan oblysynda dúnıege kelgen. 2002 jyly Almaty ekonomıka jáne statıstıka ınstıtýtyn «Býhgalterlik esep jáne aýdıt» mamandyǵy boıynsha bitirgen.

Eńbek jolyn 1986-1987 jyldary «Qostanaıelevatormelstroı» tresiniń Komsomol PMK-202-sinde tehnık-zerthanashy bolyp bastaǵan. 1987-1997 jyldary Ýrıtsk tehnıkalyq túgendeý bıýrosynda túgendeý qyzmetiniń ólsheýshisi, tehnık-túgendeýshi, 1997-2001 jyldary Qostanaı oblystyq eńbek jáne halyqty áleýmettik qorǵaý basqarmasynyń jetekshi mamany boldy. 2001-2010 jyldary Qazaqstan Respýblıkasy Eńbek jáne halyqty áleýmettik qorǵaý mınıstrliginiń Qostanaı oblysy boıynsha departamentinde bas maman, bólim bastyǵy, basqarma bastyǵy qyzmetin atqardy. 2010-2017 jyldary Qostanaı oblysy boıynsha baqylaý jáne áleýmettik qorǵaý departamenti basshysynyń áleýmettik máseleler jónindegi orynbasary, 2017-2025 jyldary Qostanaı oblysynyń eńbek jáne halyqty áleýmettik qorǵaý departamenti basshysynyń orynbasary mindetin atqardy.

Qazirgi qyzmetin 2025 jylǵy shildeden bastap atqaryp keledi.

Asqar MUSTABEKOV, Qazaqstan Respýblıkasy Qorǵanys mınıstriniń orynbasary

1969 jyly Taldyqorǵan oblysynyń Jetisý kentinde dúnıege kelgen. Nıjegorod joǵary zenıttik zymyran komandalyq áýe shabýylyna qarsy qorǵanys ýchılışesin, Qazaq qatynas joldary ýnıversıtetin bitirgen. Qazaqstan Respýblıkasy Ulttyq qorǵanys ýnıversıtetiniń doktorantýrasyn aıaqtaǵan.

Eńbek jolyn 1980-1990 jyldary 28042 áskerı bólimi S-300 zenıttik zymyran dıvızıondary toby radıolokatsııalyq barlaý bólimshesiniń eseptobynyń bastyǵy, 44813 áskerı bóliminiń zenıttik-zymyrandyq dıvızıonynyń komandıri bolyp bastaǵan. Keıingi jyldary Áýe shabýylyna qarsy qorǵanys áskerleriniń basqarý organdarynda basshylyq qyzmetter atqardy. 2010-2022 jyldary komandalyq jáne basshylyq laýazymdarda, áskerı bólim shtabynyń bastyǵy, Radıoelektronıka jáne baılanys áskerı-ınjenerlik ınstıtýty bastyǵynyń orynbasary, ınstıtýt bastyǵy qyzmetterin atqardy. 2022-2023 jyldary Qazaqstan Respýblıkasy Qorǵanys mınıstrliginiń Tájikstan Respýblıkasyndaǵy áskerı attashesi mindetin ýaqytsha atqardy. 2023-2026 jyldary Qazaqstan Respýblıkasy Ulttyq qorǵanys ýnıversıtetiniń oqý-ádistemelik basqarmasynyń bastyǵy, bastyqtyń birinshi orynbasary jáne ýnıversıtet bastyǵy qyzmetterin atqardy.

Qazirgi qyzmetin 2026 jylǵy qańtardan bastap atqaryp keledi.

Marat MUHAMEDSALIEV, qazaqstandyq jýrnalıst, telejúrgizýshi jáne redaktor

1973 jyly Shymkent qalasynda dúnıege kelgen. 1997 jyly Ál-Farabı atyndaǵy Qazaq ulttyq ýnıversıtetin «Jýrnalıstıka» mamandyǵy boıynsha bitirgen.

Eńbek jolyn 1996 jyly «Habar», «Qazaqstan», «AstanaTV» telearnalarynda telejýrnalıst, avtorlyq baǵdarlamalardyń júrgizýshisi bolyp bastaǵan. 2000 jyly «KazakhOil» UMK baspasóz qyzmeti basshysynyń orynbasary, 2003 jyly «QazMunaıTeńiz» AQ, 2004-2005 jyldarda «QazMunaıGaz» Barlaý jáne óndirý» AQ Qoǵammen baılanys departamentiniń dırektory qyzmetterin atqardy. 2007-2013 jyldary «KEGOC» AQ baspasóz hatshysy, 2013-2018 jyldary «Samuryq-Energo» AQ baspasóz hatshysy boldy. 2018-2020 jyldary «Halyqaralyq jasyl tehnologııalar jáne ınvestıtsııalyq jobalar ortalyǵy» KEAQ baspasóz hatshysy, 01.2020-04.2021 jyldary «Ǵylym qory» AQ qoǵammen baılanys salasynda qyzmet atqardy. 04.2021-07.2023 - «Samuryq-Qazyna» AQ Ulttyq ál-aýqat qorynyń qoǵammen baılanys jáne marketıngtik kommýnıkatsııalar departamentiniń dırektory, 2023-2024 - Qazaqstan Respýblıkasy Joǵarǵy Sotynyń baspasóz qyzmetiniń jetekshisi boldy.

«Qazaqstan halqyna» qaıyrymdylyq qorynyń resmı ókili.

Janat MEKEEVA, «Ádilet» partııasy Shyǵys Qazaqstan oblystyq fılıalynyń basshysy

1979 jyly Shyǵys Qazaqstan oblysy, Samar aýdanynyń Samar aýylynda dúnıege kelgen. 2003 jyly Shyǵys Qazaqstan memlekettik ýnıversıtetin qazaq tili jáne ádebıeti pániniń muǵalimi mamandyǵy boıynsha, 2009 jyly S.Amanjolov atyndaǵy ShQÝ-dy ıýrısprýdentsııa bakalavry biliktiligi boıynsha bitirgen.

Eńbek joly: 2016-2022 jyldary densaýlyq saqtaý, bilim berý basqarmalarynda, Shyǵys Qazaqstan oblysy ákiminiń apparatynda qyzmet atqardy. Shyǵys Qazaqstan oblysynyń «Іshki saıasat basqarmasy» memlekettik mekemesi basshysynyń orynbasary boldy. 2022-2023 jyldary Shyǵys Qazaqstan oblysynyń «Іshki saıasat basqarmasy» memlekettik mekemesiniń basshysy, 2023-2024 jyldary Shyǵys Qazaqstan oblysy ákiminiń keńesshisi qyzmetin atqardy. 2024 jyly Shyǵys Qazaqstan oblysynyń din isteri basqarmasynyń basshysy boldy.

Qazirgi qyzmetin 2026 jylǵy shildeden bastap atqaryp keledi.

Polymbet HASANOV, Atyraý oblysynyń jumyspen qamtýdy úılestirý jáne áleýmettik baǵdarlamalar basqarmasynyń basshysy

1980 jyly Inder aýdanynyń Inder kentinde dúnıege kelgen. Qazirgi zamanǵy gýmanıtarlyq ýnıversıtetinde «Zańger» mamandyǵyn támámdaǵan. H.Dosmuhamedov atyndaǵy Atyraý ýnıversıtetiniń ekonomıka jáne basqarýdaǵy bıznes-analıtıka mamandyǵy boıynsha magıstr dárejesin alǵan.

Eńbek joly: 2002-2005 jyldary Atyraý oblysy ishki ister departamentiniń júıesinde qyzmet atqardy. 2005-2006 jyldary Kásipkerlik jáne ónerkásip departamentiniń bas mamany, 2006-2010 jyldary Atyraý oblysy ákiminiń bas mamany, bas ınspektory boldy. 2010-2014 jyldary aýdan ákimi apparatynyń basshysy, Maqat aýdany ákiminiń orynbasary, 2014 jyly Atyraý oblysynyń jumyspen qamtýdy úılestirý jáne áleýmettik baǵdarlamalar basqarmasy basshysynyń orynbasary, 2014-2019 jyldary ákim apparatynyń basshysy, Atyraý qalasy ákiminiń orynbasary qyzmetine taǵaıyndaldy. 2019-2021 jyldary Atyraý oblysy ákiminiń apparat basshysynyń orynbasary, 03.2021-11.2023 jyldary Atyraý oblysy Isataı aýdanynyń ákimi boldy. 11.2023-12.2024 jyldary Atyraý oblysynyń kásipkerlik jáne ónerkásip basqarmasynyń basshysy qyzmetin atqardy.

Qazirgi qyzmetin 2024 jylǵy jeltoqsannan bastap atqaryp keldei.

Qazbek TAShIMOV, Aýyl sharýashylyǵy mınıstrliginiń Veterınarııalyq baqylaý jáne qadaǵalaý komıtetiniń tóraǵasy

1980 jyly Batys Qazaqstan oblysy, Tasqala aýdanynyń Kamenka aýylynda dúnıege kelgen. 2001 jyly Batys Qazaqstan memlekettik ýnıversıtetin «Veterınarııalyq sanıtarııa» mamandyǵy boıynsha bitirgen. 2005 jyly sol ýnıversıtette «Quqyqtaný» mamandyǵy boıynsha ekinshi joǵary bilim alǵan.

Eńbek jolyn 2002-2005 jyldary Batys Qazaqstan oblysy Tasqala aýylynda ornalasqan Qazaqstan Respýblıkasy Aýyl sharýashylyǵy mınıstrliginiń Tasqala aýdandyq aýmaqtyq basqarmasynyń jetekshi mamany bolyp bastady.

2005 jyly Tasqala aýdany ákiminiń kómekshisi, 2005-2007 jyldary Batys Qazaqstan oblysy Tasqala aýdany ákimi apparatynyń bas mamany boldy. 2007-2008 jyldary Tasqala aýdany ákimi apparatynyń bas maman-zańgeri, 2008 jyly Batys Qazaqstan oblysy boıynsha «Memlekettik zeınetaqy tólemderi ortalyǵy» Tasqala aýdandyq bólimshesiniń bastyǵy qyzmetine taǵaıyndaldy. 2008-2010 jyldary Tasqala aýdany ákimi apparatynyń uıymdastyrý, baqylaý jáne kadrlar bóliminiń meńgerýshisi, 2010-2011jyldary Tasqala aýdanynyń veterınarııa bóliminiń meńgerýshisi, 2011 jyly Tasqala aýdanynyń kásipkerlik, aýyl sharýashylyǵy jáne veterınarııa bóliminiń bas mamany boldy. 2011-2015 jyldary Batys Qazaqstan oblysy aýyl sharýashylyǵy basqarmasynyń veterınarııa bóliminiń basshysy, 2015-2017 jyldary Batys Qazaqstan oblysynyń veterınarııa basqarmasynyń basshysy, 2017 jyly Batys Qazaqstan oblysynyń veterınarııa basqarmasynyń ákimshilik bóliminiń basshysy, 2017-2021 jyldary Batys Qazaqstan oblysynyń veterınarııa basqarmasy basshysynyń orynbasary, 2021-2024 jyldary Mańǵystaý oblysynyń aýyl sharýashylyǵy basqarmasynyń basshysy qyzmetine taǵaıyndaldy. 2024 jyly Qazaqstan Respýblıkasy Aýyl sharýashylyǵy mınıstrliginiń Veterınarııalyq baqylaý jáne qadaǵalaý komıteti tóraǵasynyń orynbasary boldy.

Qazirgi qyzmetin 2024 jylǵy qarashadan bastap atqaryp keledi.

Dınara ŞEGLOVA, Ǵylym jáne joǵary bilim vıtse-mınıstri

1982 jyly Semeı qalasynda dúnıege kelgen. 2004 jyly L.N.Gýmılev atyndaǵy Eýrazııa ulttyq ýnıversıtetin «Halyqaralyq quqyq» mamandyǵy boıynsha, 2007 jyly Qazaq ekonomıkalyq ýnıversıtetin «Menedjment» mamandyǵy boıynsha, 2011 jyly Qazaq ekonomıka, qarjy jáne halyqaralyq saýda ýnıversıtetin «Aqparattyq júıeler» mamandyǵy boıynsha támamdaǵan.

Eńbek joly: 2001-2004 jyldary «IT Research Center» JShS jobalar menedjeri, 2004-2006 jyldary Qazaqstan Respýblıkasy Aqparattandyrý jáne baılanys agenttiginiń aqparattandyrý departamentiniń bas mamany, 2006-2008 jyldary «Futurtech halyqaralyq aqparattyq tehnologııalar ınstıtýty» JShS bas dırektorynyń orynbasary boldy. 2008-2011 jyldary IBM kompanııasynyń Qazaqstandaǵy ókildiginiń satý bóliminiń basshysy qyzmetin atqardy. 2011-2017 jyldary «Zerde» ulttyq ınfokommýnıkatsııalyq holdıngi» AQ ınfraqurylymdyq jobalardy monıtorıngteý departamentiniń bas menedjeri, aqparattandyrýdyń servıstik modeli departamentiniń dırektory, 2017-2018 «Zerde» ulttyq ınfokommýnıkatsııalyq holdıngi» AQ basqarýshy dırektory qyzmetine taǵaıyndaldy. 2018 jyly «Zerde» ulttyq ınfokommýnıkatsııalyq holdıngi» AQ basqarma tóraǵasynyń orynbasary, basqarma múshesi, 2018-2019 jyldary Qazaqstan Respýblıkasynyń Aqparat jáne kommýnıkatsııalar vıtse-mınıstri boldy. 2019-2020 jyldary Qazaqstan Respýblıkasy Premer-Mınıstriniń keńesshisi, 2020-2023 jyldary Qazaqstan Respýblıkasynyń Indýstrııa jáne ınfraqurylymdyq damý vıtse-mınıstri qyzmetin atqardy.

Qazirgi qyzmetin 2023 jylǵy qarashadan bastap atqaryp keledi.