27 qazanda Qazaqstannyń basym bóliginde daýyldy eskertý jarııalandy

ASTANA. KAZINFORM — «Qazgıdromet» 27 qazan kúnine arnalǵan daýyldy eskertý jarııalap, elimizdiń 15 óńirinde qolaısyz aýa raıy bolady.

Astanada túnde jáne tańerteń tuman túsedi.

Aqmola oblysynda túnde jáne tańerteń oblystyń batysynda, soltústiginde, shyǵysynda tuman bolady. Ońtústik-batysta órt qaýpi saqtalady.

Abaı oblysynda soltústiginde, shyǵysynda jáne ortalyǵynda tuman túsedi. Túnde oblystyń ońtústik-batysynda jeldiń ekpini 15–18 m/s. 

Aqtóbe oblysynda jel kúsheıedi, kúndiz batysynda, ońtústiginde jáne ortalyǵynda ekpini 15–18 m/s bolady. Ońtústiginde jáne shyǵysynda joǵary órt qaýpi, al batysynda, soltústik-shyǵysynda jáne ortalyǵynda erekshe joǵary órt qaýpi saqtalady.

Almaty oblysynda jel soltústik-batysqa aýysady, ońtústiginde ekpini 15–20 m/s bolady.

Atyraý oblysynda kúndiz batysy men soltústiginde jańbyr jaýady. Ońtústigi men shyǵysynda erekshe joǵary, al soltústik-shyǵysy men ońtústik-shyǵysynda joǵary órt qaýpi bar. Atyraý qalasynda da erekshe órt qaýpi saqtalady.

Shyǵys Qazaqstan oblysynda batysynda, soltústiginde jáne shyǵysynda tuman bolady. Jel soltústik-batysqa aýysady, túnde ońtústik-shyǵysynda ekpini 15–18 m/s.

Batys Qazaqstan oblysynda batysy men soltústiginde jańbyr, soltústigi men shyǵysynda tuman kútiledi. Kúndiz shyǵysynda jeldiń ekpini 15–20 m/s. Oralda túnde jáne tańerteń tuman bolady.

Jambyl oblysynda jel kúsheıip, taýly aýdandarda ekpini 15–20 m/s jetedi. Batysy men soltústiginde erekshe joǵary, ortalyǵy men ońtústiginde joǵary órt qaýpi saqtalady. Tarazda da joǵary órt qaýpi bar.

Qaraǵandy oblysynda túnde jáne tańerteń soltústiginde jáne shyǵysynda tuman túsedi. Batysynda joǵary órt qaýpi bar. Qaraǵandy qalasynda túnde jáne tańerteń tuman bolady.

Qostanaı oblysynda túnde jáne tańerteń soltústiginde jáne shyǵysynda tuman bolady. Ońtústiginde erekshe joǵary, ońtústik-batysynda joǵary órt qaýpi saqtalady.

Qyzylorda oblysynda erekshe joǵary órt qaýpi, al soltústigi men ortalyǵynda joǵary órt qaýpi saqtalady. Qyzylorda qalasynda da joǵary órt qaýpi bar.

Mańǵystaý oblysynda túnde batysynda, soltústiginde jáne shyǵysynda nóser jaýyn men naızaǵaı bolady. Jeldiń ekpini 15–20 m/s jetedi. Aqtaýda túnde jańbyr men naızaǵaı, jeldiń ekpini 15–20 m/s bolady.

Pavlodar oblysynda batysynda, ońtústiginde jáne shyǵysynda tuman túsedi. Pavlodarda da tuman bolady.

Soltústik Qazaqstan oblysynda túnde jáne tańerteń soltústiginde jáne ońtústiginde tuman bolady. Petropavlda da túnde jáne tańerteń tuman bolady.

Ulytaý oblysynda joǵary, al ońtústiginde erekshe joǵary órt qaýpi saqtalady. Jezqazǵanda joǵary órt qaýpi kútiledi.