27 qazanda Qazaqstanda ótetin mańyzdy sharalar ańdatpasy

NUR-SULTAN

9.00-de Úkimet úıinde Úkimet otyrysy ótedi. Kún tártibinde eldimekenderdi sýmen jabdyqtaý jáne sý burý máseleleri, jumyspen qamtý jol kartasyn iske asyrý barysy jáne Úkimettiń zań jobalaý jumystarynyń 2021 jylǵa arnalǵan jospary qaralady.

Úkimet otyrysy PrimeMinister.kz saıtynda jáne áleýmettik jelilerdegi resmı akkaýnttarda onlaın kórsetiledi.

11.00-de Rixos President Astana qonaqúıinde Qazaqstan AÓK qaýymdastyqtarynyń alıansy jáne «Aýyl» halyqtyq-demokratııalyq patrıottyq partııasy «AÓK-ty damytýdyń jańa baǵdarlamasynyń tujyrymdamasy» taqyrybynda dóńgelek ústel ótkizedi.

12.30-da QR Prezıdenti janyndaǵy Ortalyq kommýnıkatsııalar qyzmetinde Qarjy mınıstrligi Memlekettik kirister komıtetiniń tóraǵasy Marat Sultanǵazıev salyqtyq jáne kedendik ákimshilendirý týraly baspasóz konferentsııasyn ótkizedi.

16.00-de «Otandastar qory» KeAQ janyndaǵy qoǵamdyq komıssııanyń kezekti otyrysy ótedi.

ALMATY

12.00-de QR Ulttyq kitaphanasynda «ZHERSU» ınvestıtsııalyq-ónerkásiptik korporatsııasynyń qoldaýymen ótetin «Altyn qalam 2020» ádebı baıqaýynyń bıylǵy jeńimpazdaryn marapattaý rásimi ótedi.