27 qazanda aýa raıy kúrt buzylady: jeldiń ekpini 28 m/s-qa jetedi
ASTANA. KAZINFORM — 27 qazanda Qazaqstannyń 14 oblysynda, sondaı-aq Astana, Almaty jáne Shymkent qalalarynda daýyldy eskertý jarııalandy. Sınoptıkter úsik, qatty jel, tuman, kóktaıǵaq jáne shańdy daýyl bolatynyn boljaıdy. Birqatar óńirde órt shyǵý qaýpi joǵary jáne tótenshe deńgeıde saqtalady. Bul týraly «Qazgıdromet» habarlady.
Túrkistan oblysy
Taýly jáne taý bókterindegi aýdandarda soltústik-shyǵystan soǵatyn jeldiń jyldamdyǵy sekýndyna 15–20 metrge jetedi. Túnde oblystyń soltústigi men batysynda 3 gradýsqa deıin úsik júredi.
Oblystyń soltústiginde, batysynda, ortalyǵynda jáne taý bókterindegi aýdandarda órt shyǵý qaýpi joǵary. Túrkistan qalasynda da órt qaýpiniń joǵary deńgeıi saqtalady.
Qyzylorda oblysy
Kúndiz oblystyń shyǵysy men ortalyǵynda shańdy daýyl turady. Soltústik-shyǵystan soǵatyn jeldiń ekpini sekýndyna 15–20 metrge jetedi. Túnde oblystyń soltústigi men ortalyǵynda 3 gradýsqa deıin úsik júredi.
Óńirdiń basym bóliginde órt shyǵý qaýpi tótenshe deńgeıde, al soltústiginde joǵary deńgeıde saqtalady. Qyzylorda qalasynda da shańdy daýyl soǵyp, jeldiń ekpini sekýndyna 15–20 metrge deıin jetedi.
Soltústik Qazaqstan oblysy
Oblystyń batysynda, soltústiginde jáne ońtústiginde tuman túsedi. Petropavl qalasynda túnde jáne tańerteń kóriný qashyqtyǵy nasharlaıdy.
Pavlodar oblysy
Túnde oblystyń batysy men ońtústiginde jańbyr men qar túrinde azdaǵan jaýyn-shashyn túsip, kóktaıǵaq bolady. Batysynda, soltústiginde jáne ortalyǵynda tuman kútiledi. Pavlodar qalasynda da tuman túsedi.
Jetisý oblysy
Túnde jáne tańerteń taýly aýdandarda tuman bolady. Alakól kólderi aýdanynda soltústik-shyǵystan soǵatyn jeldiń ekpini sekýndyna 15–20 metrge, keı ýaqytta 23–28 metrge deıin jetedi.
Túnde oblysta 2–7 gradýs, ortalyq bóliginde 11 gradýsqa deıin úsik júredi. Taldyqorǵan qalasynda aýa temperatýrasy túnde 9–11 gradýsqa deıin tómendeıdi.
Oblystyń shyǵysynda órt shyǵý qaýpi tótenshe deńgeıde, ońtústiginde joǵary deńgeıde saqtalady.
Almaty oblysy
Taýly aýdandarda soltústik-shyǵystan soǵatyn jeldiń ekpini sekýndyna 15–20 metrge jetedi. Túnde oblys aýmaǵynda 1–6 gradýs úsik júredi.
Óńirdiń batysynda, ońtústiginde jáne shyǵysynda órt shyǵý qaýpi joǵary. Qonaev qalasynda túnde 2–4 gradýs úsik kútiledi. Qalada órt qaýpiniń joǵary deńgeıi de saqtalady.
Aqtóbe oblysy
Túnde jáne tańerteń oblystyń soltústiginde tuman túsedi. Shyǵysynda órt shyǵý qaýpi joǵary, al batysynda, ońtústiginde jáne ortalyǵynda tótenshe deńgeıde bolady.
Atyraý oblysy
Oblystyń búkil aýmaǵynda órt shyǵý qaýpi tótenshe deńgeıde saqtalady. Mundaı eskertý Atyraý qalasyna da qatysty.
Mańǵystaý oblysy
Oblystyń ortalyǵynda shyǵystan soǵatyn jeldiń ekpini sekýndyna 15–20 metrge jetedi. Óńirde órt shyǵý qaýpi joǵary, al ortalyq aýdandarda tótenshe deńgeıde saqtalady. Aqtaý qalasynda da órt qaýpi joǵary.
Qaraǵandy oblysy
Túnde jáne tańerteń oblystyń soltústigi men shyǵysynda tuman túsedi. Batysynda órt shyǵý qaýpi tótenshe deńgeıde saqtalady.
Ulytaý oblysy
Oblystyń batysy men ortalyǵynda órt shyǵý qaýpi tótenshe deńgeıde bolady. Mundaı eskertý Jezqazǵan qalasynda da jarııalandy.
Jambyl oblysy
Taýly aýdandarda tuman túsip, soltústik-shyǵystan soǵatyn jeldiń jyldamdyǵy sekýndyna 15–20 metrge jetedi. Túnde oblys aýmaǵynda 3–8 gradýs úsik júredi.
Taraz qalasynda túnde 5–7 gradýs úsik kútiledi. Oblystyń soltústiginde, ońtústiginde jáne shyǵysynda órt shyǵý qaýpi joǵary deńgeıde saqtalady.
Aqmola oblysy
Túnde jáne tańerteń oblystyń soltústiginde, shyǵysynda jáne ońtústiginde tuman túsedi.
Batys Qazaqstan oblysy
Oblystyń soltústik-batysynda, batysynda, ońtústiginde jáne shyǵysynda órt shyǵý qaýpi joǵary deńgeıde saqtalady.
Astana qalasy
27 qazanda túnde jáne tańerteń tuman túsedi.
Almaty qalasy
27 qazanǵa qaraǵan túni aýa temperatýrasy 1–3 gradýsqa deıin tómendep, úsik júredi. Qalada órt shyǵý qaýpi joǵary deńgeıde saqtalady.
Shymkent qalasy
27 qazanda qalada órt shyǵý qaýpi joǵary deńgeıde bolady.
