27 qazan. Kazinform kúntizbesi. Tulǵalar týǵan kún
Búgin, 27 qazan kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
ıÝrıı ıAKÝShEV, Almaty qalasyndaǵy M.ıÝ.Lermontov atyndaǵy Memlekettik akademııalyq orys drama teatrynyń dırektory
1962 jyly Qaraǵandy oblysynyń Saran qalasynda dúnıege kelgen. 1988 jyly Almaty teatr-kórkemóner ınstıtýtyn, al 2007 jyly Halyqaralyq bıznes akademııasyn bitirip, iskerlik ákimshilendirý magıstri dárejesin alǵan.
Eńbek joly: 1988-1993 jyldary M.ıÝ.Lermontov atyndaǵy Memlekettik akademııalyq orys drama teatrynda akter, 1993-1999 jyldary kommertsııalyq uıymdardyń basshysy qyzmetin atqarǵan.
Teatr jumysyn uıymdastyrýda zamanaýı marketıng pen jarnama ádisterin qoldanady. Teatrdyń damý bólimin quryp, korporatıvtik stılin qalyptastyrǵan. Sondaı-aq teatrdyń resmı saıtynyń jumysyn jolǵa qoıǵan.
Qazirgi qyzmetin 1999 jyldyń aqpan aıynan beri atqaryp keledi.
Serik ERGEShOV, Qyzylorda oblysy Polıtsııa departamentiniń bastyǵy
1979 jyly Shymkent qalasynda dúnıege kelgen. M.Áýezov atyndaǵy Ońtústik Qazaqstan memlekettik ýnıversıtetin jáne QR ІІM akademııasyn bitirgen.
Eńbek joly: 2000 jyldan bastap ishki ister organdarynda qyzmet atqarǵan. Shymkent qalalyq ishki ister basqarmasy men Ońtústik Qazaqstan oblysy ІІD-de túrli basshylyq qyzmetterde jumys istegen. 2019-2025 jyldary Shymkent qalasy Polıtsııa departamenti bastyǵynyń orynbasary bolǵan.
Qazirgi qyzmetin 2025 jyldyń qańtar aıynan bastap atqaryp keledi.
Áset SULTANOV, Shyǵys Qazaqstan oblysynyń jolaýshylar kóligi jáne avtomobıl joldary basqarmasynyń basshysy
1985 jyly Shyǵys Qazaqstan oblysynda dúnıege kelgen. 2008 jyly D.Serikbaev atyndaǵy Shyǵys Qazaqstan tehnıkalyq ýnıversıtetin jol qozǵalysyn uıymdastyrý mamandyǵy boıynsha, 2011 jyly osy ýnıversıtetti quqyqtaný mamandyǵy boıynsha támamdaǵan.
Eńbek joly: 2010 jyly Jarma aýdanynyń turǵyn úı-kommýnaldyq sharýashylyq, jolaýshylar kóligi jáne avtomobıl joldary bóliminde ınspektor qyzmetin atqarǵan. Keıin «Óskemen-Tártip» MKK-de ınjener, Shyǵys Qazaqstan oblysynyń jolaýshylar kóligi jáne avtomobıl joldary basqarmasynda bas maman jáne bólim basshysy, basqarma basshysynyń orynbasary, «OblShyǵysJol» JShS dırektorynyń orynbasary, sondaı-aq basqarmanyń óndiristik-tehnıkalyq bóliminde bas maman bolyp jumys istegen.
Qazirgi qyzmetin 2026 jyldyń mamyr aıynan bastap atqaryp keledi.
Naǵı BAQYTBEKOV, Qazsport telearnasynyń dırektory
1987 jyly dúnıege kelgen. Bilimi joǵary.
Eńbek joly: 2005-2006 jyldary «Qazaqstan stýdentteriniń alıansy» respýblıkalyq qozǵalysynyń Qyzylorda oblystyq fılıalyn basqarǵan. 2006-2008 jyldary qozǵalystyń respýblıkalyq jetekshisi, 2008-2011 jyldary Qazaqstan KVN odaǵynyń atqarýshy dırektory qyzmetin atqarǵan. 2011-2015 jyldary «Astana qalasynyń kóńildi tapqyrlar teatry» MKQK-da ákimshi jáne prodıýser, 2015-2018 jyldary KazFootball aqparattyq fýtbol portalynyń dırektory, 2018-2020 jyldary Qazaqstan fýtbol federatsııasynyń marketıng departamenti men PR qyzmetiniń dırektory bolǵan.
Qazirgi qyzmetin 2020 jyldyń maýsym aıynan bastap atqaryp keledi.
Azamat KARIMOV, Qazaqstan Respýblıkasy Saýda jáne ıntegratsııa mınıstrliginiń apparat basshysy
1991 jyly dúnıege kelgen. 2014 jyly Qazaq memlekettik zań ýnıversıtetin halyqaralyq quqyq mamandyǵy boıynsha, 2022 jyly Reseı Federatsııasy Prezıdentiniń janyndaǵy Reseı halyq sharýashylyǵy jáne memlekettik qyzmet akademııasyn memlekettik aýdıt mamandyǵy boıynsha támamdaǵan.
Eńbek joly: 2014-2015 jyldary «Qazposhta» Poshtalyq qyzmet» AQ fılıalynyń Poshtalyq tólemder belgisi basqarmasynyń bas mamany retinde jumys jasady. 2019-2020 jyldary Nur-Sultan qalasynyń ınvestıtsııalar jáne kásipkerlikti damytý basqarmasynda bas maman, 2020-2021 jyldary QR Indýstrııa jáne ınfraqurylymdyq damý mınıstrliginiń Jer qoınaýyn paıdalaný departamentinde bas sarapshy, 2021-2023 jyldary osy departamenttiń basqarma basshysy bolǵan. 2023-2024 jyldary QR Úkimeti Apparatynyń Ekonomıkalyq bóliminde sektor meńgerýshisi qyzmetin atqarǵan.
Qazirgi qyzmetin 2024 jylǵy maýsymnan bastap atqaryp keledi.
2025 jylǵy 24 qazanda «Qurmet» ordenimen marapattalǵan.
