27 qazaqstandyq kompanııanyń shyǵyny 1,5 trln teńge - senator
NUR-SULTAN. QazAqparat - Ótken jyly Qazaqstandaǵy 27 aktsıonerlik qoǵamnyń shyǵyndary 1,5 trln teńgeni qurady. Bul týraly Parlament Senaty Qarjy jáne bıýdjet komıtetiniń keńeıtilgen otyrysynda depýtat Olga Perepechına málim etti, dep habarlaıdy QazAqparat tilshisi.
Aıta keteıik, otyrys barysynda 2018 jylǵy respýblıkalyq bıýdjettiń atqarylýy qaralyp, Úkimet pen Esep komıteti ókilderiniń baıandamalary tyńdaldy.
«27 aktsıonerlik qoǵam jyldy 1,5 trln teńgege jýyq shyǵynmen aıaqtady. Onyń ishinde beseýine jarty mıllıard teńgege tarta tıesili. Nege osylaı boldy? Nege osyndaı ahýal aktsıonerlik qoǵamdarda oryn alyp otyr?», - dedi senator QR Ulttyq ekonomıka mınıstrliginiń ókiline qarata aıtqan sózinde.
Óz kezeginde Ulttyq ekonomıka vıtse-mınıstri Mádı Tákıev osy másele boıynsha aldaǵy kúnderi egjeı-tegjeıli jaýapty berýge ýáde ótti.
«Búginde bizde 2 aktsıonerlik qoǵam tabysty túrde jumys isteýde. Qalǵandarynyń jumysynda shyǵyndar baıqalýda. Ózderiniń qyzmetterin ýaqytsha toqtatyp qoıǵandary bar, sonymen qatar keıbiri memlekettik qarjyny kútip júr. Sondyqtan biz bul máseleni talqylap, naqty aqparatty berýdi surap otyrmyz. Bul turǵyda aktsıonerlik qoǵamdardyń taǵdyry boıynsha ulttyq ekonomıka mınıstrliginiń qarastyryp otyrǵan qadamdary kerek», - dedi senator.
