27 qarashada eldiń qaı óńirlerinde jol jabyldy
ALMATY. KAZINFORM – «QazAvtoJol» ulttyq kompanııasy eldegi joldardyń qazirgi ahýaly týraly habarlady.
Ulttyq kompanııanyń málimetinshe, joldarda jańa shekteýler engizilmegen, úsh oblysta buryn belgilengen qozǵalys shekteýleri áli de kúshinde.
Pavlodar oblysy
«Astana – Shiderti – Pavlodar – Ýspenka – RF shekarasy» avtojolynda (Qalqaman eldi mekenine kireberis pen Astanaǵa shyǵatyn baǵyt) kóliktiń barlyq túri úshin qozǵalysqa ýaqytsha shekteý engizildi.
Qalqaman eldi mekeninen Astanaǵa qozǵalys Bereke «Qalqaman – Aqsý» kólik aıryǵy arqyly (uzaqtyǵy 6 shaqyrym) jáne Pavlodar qalasynan Qalqaman eldi mekenine qozǵalys «Baıanaýyl» kólik aıryǵy arqyly júzege asyrylady.
Soltústik Qazaqstan oblysy
«Tımırıazevo – Sarykól – oblys shekarasy» avtojolynyń 0-30-shaqyrymynda (Qostanaı oblysy shekarasy – Tımırıazevo aýyly) kóliktiń barlyq túri úshin shekteý bar.
Shyǵys Qazaqstan oblysy
Tirkemesi bar jáne jartylaı tirkemeli júk kólikteriniń qozǵalysy Osınov asýynda ýaqytsha shekteldi. Shekteý «Óskemen – Altaı – Katonqaraǵaı – Rahman qaınary» avtojolynyń 46-66-shaqyrymyndaǵy (Severnoe aýyly – Serebrıansk qalasy) ýchaskesinde saqtalady.
Eske salaıyq, buǵan deıin «Qazgıdromet» RMK 27 qarasha kúngi aýa raıy boljamyn jarııalaǵan edi. Eldiń keı óńirinde burqasyn soǵyp, kóktaıǵaq bolsa, endi bir óńirlerde tuman túsedi.
