27 qańtarda Qazaqstannyń qaı qalalarynda aýa sapasynyń nasharlaıtyny habarlandy

ASTANA. KAZINFORM — «Qazgıdromet» RMK elimizdegi aýa sapasyna qatysty boljamyn jarııalady.

«2026 jylǵy 27 qańtarda Petropavl, Kókshetaý, Pavlodar, Qaraǵandy, Temirtaý, Oral, Atyraý, Aqtóbe, Almaty qalalarynda, túnde Astana, Qostanaı qalalarynda aýanyń lastanýynyń qolaısyz meteorologııalyq jaǵdaılary kútiledi», delingen habarlamada.

Qolaısyz meteorologııalyq jaǵdaılar — atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.

Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.

Aıta keteıik, ekologtar Atyraý munaı óńdeý zaýytyna kúkirtsýtek deńgeıiniń artýyna baılanysty tekseris júrgizedi.