27 qańtar. Týǵan kún ıeleri
ASTANA. QazAqparat - Búgin, ıaǵnı 27 qańtar kúni tulǵalardan kimder dúnıege kelgen? QazAqparat oqyrmandaryna esimder kúntizbesin usynady.
ESІMDER
54 jyl buryn (1965) Qazaqstan Respýblıkasynan Eýrazııa ekonomıkalyq komıssııa alqasynyń múshesi Marat Ápsemetuly QUSAIYNOV dúnıege keldi.
Ońtústik Qazaqstan oblysynda týǵan. 1988 jyly Almaty halyq sharýashylyǵy ınstıtýtyn «Ónerkásipti josparlaý» mamandyǵy boıynsha, 1997 jyly Qazaqstan Respýblıkasy Prezıdentiniń janyndaǵy Memlekettik basqarý Ulttyq joǵary mektebin «Memlekettik basqarý» mamandyǵy boıynsha oqyp bitirdi.
Eńbek jolyn 1988 jyly Qyzylorda qalalyq atqarý komıtetiniń apparatynda bólim nusqaýshysy bolyp bastady. 1997 jylǵy shildeden bastap Qazaqstan Respýblıkasy Premer-Mınıstri Keńsesinde aqparattandyrý bóliminde makroekonomıkalyq taldaý jáne aqparat sektorynyń konsýltanty, odan keıin jınaqtaý taldamalyq bóliminiń konsýltanty boldy. 2000 jyldyń tamyzynan bastap Qazaqstan Respýblıkasy Strategııalyq josparlaý agenttiginiń Áleýmettik-ekonomıkalyq taldaý departamenti dırektorynyń orynbasary, dırektory laýazymdaryn atqardy. Qazaqstan Respýblıkasy Ekonomıka jáne bıýdjettik josparlaý mınıstrliginiń apparatynda 2002 jyldyń jeltoqsanynan bastap Departament dırektory laýazymynda qyzmet isteı bastady. 2006 jyldyń aqpanynda Qazaqstan Respýblıkasy Ekonomıka jáne bıýdjettik josparlaý vıtse-mınıstri bolyp taǵaıyndaldy. 2010 jyldyń naýryzynda Qazaqstan Respýblıkasy Ekonomıkalyq damý jáne saýda vıtse-mınıstri bolyp taǵaıyndaldy.
Qazirgi qyzmetinde - 2017 jyldyń sáýirinen.
«Qurmet» ordenimen, «Eren eńbegi úshin, «Konstıtýtsııanyń 10 jyldyǵy», «Astananyń 10 jyldyǵy» medaldarymen marapattalǵan.
35 jyl buryn (1984) «Qazkontent» AQ basqarma tóraǵasy Dýman Qaıyrlyuly QOJAHMETOV dúnıege keldi.
Petropavl qalasynda týǵan. L.N.Gýmılev atyndaǵy Eýrazııa ulttyq ýnıversıtetin «qoǵammen baılanys», M.V.Lomonosov atyndaǵy Máskeý memlekettik ýnıversıtetin «ekonomıka jáne BAQ menedjmenti» mamandyǵy boıynsha támamdaǵan.
Eńbek joly: «QazMunaıGaz» Barlaý Óndirý» AQ qyzmetkeri, QR Bas prokýrorynyń aǵa kómekshisi, jeke medıakompanııalarda basshylyq qyzmetterde jumys istegen.
Qazirgi qyzmetinde - 2018 jyldyń qyrkúıeginen.
