27 áskerı qaza bolǵan ushaq apaty: Oqıǵa ornyna memorıaldy taqta ornatyldy

TÚRKІSTAN. QazAqparat – Osydan 8 jyl buryn 25 jeltoqsan kúni Túrkistan oblysynda ushaq apatynan 27 áskerı qyzmetshi qaza bolǵan edi. Búgin QR Ulttyq qaýipsizdik komıteti Shekara qyzmetiniń barlyq aýmaqtyq bólimshelerinde áriptesterin eske alýǵa arnalǵan sharalar ótti, dep habarlaıdy QazAqparat.

UQK Shekara qyzmeti Túrkistan oblysy boıynsha departamenti qyzmetkerleriniń bastamasymen ushaq apaty bolǵan orynǵa memorıaldy taqta ornatyldy.

Memorıal basynda marqum bolǵan áriptesterdiń qurmetine duǵa-tilekter baǵyshtalyp, gúl shoqtary qoıyldy.

«2012 jyldyń 25 jeltoqsany kúni memleketimizde qaraly kún jarııalanǵan edi. Qystyń qytymyr kúninde el astanasynan Shymkent qalasyna bet alǵan QR UQK Shekara qyzmetiniń AN-72 áskerı ushaǵy apatqa ushyrady.

Saıram aýdany Tassaı eldi mekeni mańynda oryn alǵan ushaq apatynan 27 adam qaza tapty. Bul táýelsiz el tarıhynda bolǵan eń iri qaıǵyly oqıǵa edi», - dedi QR UQK Shekara qyzmetinen.