27 aqpanǵa arnalǵan aýa raıy
ASTANA. 26 aqpan. QazAqparat - 27 aqpan kúni QR-nyń batysynda, soltústik, shyǵys jáne ońtústik-shyǵysynda aýa raıynyń turaqsyz sıpaty shamalanýda, keıbir jerlerde jaýyn-shashyndar ótip, tuman, kóktaıǵaq, jeldiń kúsheıýi kútiledi, respýblıkanyń soltústigi men shyǵysynda burqasyn bolady, eldiń ońtústik-batysynda ǵana jaýyn-shashynsyz aýa raıy kútilýde.
Bul týraly Qazgıdrometke silteme jasaǵan TJM-niń baspasóz qyzmetinen habarlaıdy.
Almaty, Jambyl oblystarynyń keıbir jerlerinde tuman, kóktaıǵaq bolady dep kútilýde.
Ońtústik Qazaqstan oblysynyń keı jerlerinde tuman, kóktaıǵaq, jeldiń 15-20 m/s deıin kúsheıýi yqtımal.
Qostanaı, Aqmola oblystarynyń birqatar jerlerinde burqasyn, jeldiń 15-20 m/s deıin kúsheıýi kútiledi, jel ekpini 25 m/s deıin jetedi.
Batys Qazaqstan, Pavlodar oblystarynda kúndiz keı jerlerde burqasyn, jeldiń 15-20 m/s deıin kúsheıýi kútiledi.
Soltústik Qazaqstan, Qaraǵandy oblystarynyń keı aımaqtarynda jeldiń 15-20 m/s deıin kúsheıýi, burqasyn kútiledi.
Shyǵys Qazaqstan oblysynyń keıbir jerlerinde burqasyn, jeldiń 15-20 m/s jyldamdyqpen soǵýy yqtımal, Jarma aýdanynda kúndiz jel ekpini 25 m/s deıin jetedi.
Aqtóbe oblysynda túnde keı jerlerde tuman, kúndiz keıbir jerlerde burqasyndy jel soǵady.
Mańǵystaý oblysynyń birqatar aımaqtarynda jeldiń 15-20 m/s deıin kúsheıýi kútiledi.
Atyraý oblysynyń keıbir jerlerinde 18 m/s jyldamdyqpen jel soǵyp, tuman bolady dep kútilýde.
Aldaǵy táýlikte respýblıkanyń ońtústik jáne ońtústik-shyǵysynyń jekelegen ózenderinde muz qubylystarynyń álsireýi, sý deńgeıiniń aýytqýy kútiledi. Qazaqstannyń qalǵan sý nysandarynda gıdrologııalyq rejımde aıtarlyqtaı ózgerister kútilmeýde.
