27 aqpan. Tulǵalar týǵan kún
Búgin, ıaǵnı 27 aqpan kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
ESІMDER
79 jyl buryn (1947 jyly) medıtsına ǵylymdarynyń doktory, akademık, «Ulttyq ǵylymı medıtsına ortalyǵy» AQ Basqarma tóraǵasy, Ortalyq Azııa pýlmanologtary qaýymdastyǵynyń prezıdenti, Eýrazııalyq respıratorlar qoǵamynyń atqarýshy dırektory, Eýropalyq Jaratylystaný ǵylymdary akademııasynyń tolyq múshesi, Dúnıejúzilik densaýlyq saqtaý uıymy komıteti tóralqasynyń múshesi Abaı Qabataıuly BAIGENJIN dúnıege keldi.
Soltústik Qazaqstan oblysynda týǵan. Almaty memlekettik medıtsına ınstıtýtyn bitirgennen keıin densaýlyq saqtaý salasynda ártúrli qyzmetterde boldy. 1978-1983 jyldary Almaty qalalyq klınıkalyq aýrýhanasy bas dárigeriniń orynbasary, 1983-1988 jyldary Qazaq KSR Densaýlyq saqtaý mınıstrligi 4-bas basqarmasynyń «Alataý» shıpajaıynyń bas dárigeri. 1988-1993 jyldary Almaty aımaqtyq dıagnostıkalyq ortalyǵynyń dırektory, 1993-1997 jyldary Memlekettik aeroǵarysh kompanııasynyń vıtse-prezıdenti, 1997-1998 jyldary QR Úkimeti janyndaǵy Medıtsınalyq saqtandyrý qory bas dırektorynyń orynbasary, 2000-2010 jyldary «Ulttyq ǵylymı medıtsına ortalyǵy» RMK bas dırektory,
Qazirgi laýazymyn 2010 jyldyń tamyz aıynan bastap atqaryp keledi.
QR eńbek sińirgen qaıratkeri, QR Prezıdentiniń Qurmet gramotasymen marapattalǵan, QR Ulttyq keńesiniń múshesi, «Nur Otan» HDP Saıası keńesiniń múshesi. «Parasat» ordeniniń, brıtandyq Vıktorııa patshaıym ordeniniń ıegeri, Robert Koh medalimen marapattalǵan.
64 jyl buryn (1962) Qazaqstan qarjygerler qaýymdastyǵy keńesiniń tóraǵasy Elena Leonıdovna BAHMÝTOVA dúnıege keldi.
Reseıde týǵan. Almaty halyq sharýashylyǵy ınstıtýtyn támamdaǵan, ekonomıst.
1983-1984 jyldary Almaty aýyl qurylys №7 tresiniń OAKK aǵa ınjeneri, 1984-1989 jyldary azaq KSR Memlekettik josparlaý komıteti janyndaǵy Josparlaý jáne normatıvter ekonomıkalyq ǵylymı-zertteý ınstıtýtynyń ekonomısi, 1989-1991 jyldary Qazaq KSR-i Áleýmettik qamsyzdandyrý mınıstrliginiń aǵa ekonomısi, 1991-1992 jyldary «Elim-Aı» kınosharýashylyq birlestiginiń ekonomısi, 1992-1998 jyldary QR Qarjy mınıstrligi Bıýdjet departamentiniń jetekshi, bas ekonomısi, bólim bastyǵy, áleýmettik sala departamenti bastyǵynyń orynbasary, dırektordyń orynbasary, 1998-2001 jyldary QR Qarjy mınıstrligi Bıýdjet departamentiniń dırektory, 2001-2002 jyldary QR eńbek jáne halyqty áleýmettik qorǵaý vıtse-mınıstri, 2002-2004 jyldary QR Ulttyq banki Qarjylyq qadaǵalaý departamentiniń dırektory, 2004-2008 jyldary QR Qarjy naryǵyn jáne qarjylyq uıymdardy retteý jáne qadaǵalaý agenttigi tóraǵasynyń orynbasary, 2008-2011 jyldary QR Qarjy naryǵyn jáne qarjylyq uıymdardy retteý jáne qadaǵalaý agenttigi tóraǵasy, 2012-2016 jyldary «Samuryk-Qazyna» AQ Basqarma tóraǵasynyń orynbasary, 2016 jyly «Samuryq-Qazyna» AQ qarjy jáne operatsıalar jónindegi atqarýshy dırektory, 2016-2018 jyldary «Áleýmettik medıtsınalyq saqtandyrý qory» KEAQ Basqarma tóraǵasy bolǵan.
2018 jyldyń tamyz aıynan bastap qazirgi qyzmetinde.
«Qurmet» ordenimen, «Qazaqstan Konstıtýtsııasyna 10 jyl» medalimen, «Astanaǵa 10 jyl» mereıtoılyq medalimen, Qazaqstan Respýblıkasy Prezıdentiniń Alǵys hatymen marapattalǵan.
60 jyl buryn (1966) Qazaqstan Respýblıkasy Konstıtýtsııalyq sotynyń sýdıasy Qanat Sergeıuly MÝSIN dúnıege kelgen.
Qazirgi Astana qalasynda týǵan. E.A. Bóketov atyndaǵy Qaraǵandy memlekettik ýnıversıtetin bitirgen. Zańger. Aǵa ádilet keńesshisi, qarjy polıtsııasynyń polkovnıgi.
1984-1986 jyldary Tselınograd (qazirgi Astana ) qalasynyń Lenın aýdandyq halyq sotynyń sot oryndaýshysy, sot otyrysynyń hatshysy, arhıvarıýsy, 1986-1989 jyldary «Tselınogradoblgaztop» óndiristik birlestiginiń aǵa ıýrıskonsýlty, 1989-1998 jyldary Tselınograd qalasynyń, Aqmola oblysynyń prokýratýra organdarynda qyzmet etken, Astana qalasy prokýrorynyń orynbasary bolyp jumys istegen. 1998-2001 jyldary Soltústik Qazaqstan oblysy prokýrorynyń orynbasary, Jambyl oblysy prokýrorynyń birinshi orynbasary qyzmetinde boldy. 2001-2007 jyldary qarjy polıtsııasy organdarynda qyzmet etken, Batys Qazaqstan oblysy, Almaty qalasy Ekonomıkalyq qylmys jáne sybaılas jemqorlyqqa qarsy kúres departamenti basshysynyń orynbasary qyzmetin atqardy. 2007-2010 jyldary QR Qaýipsizdik Keńesi apparatynda jumys istegen: bas sarapshy, bas ınspektory, Qaýipsizdik Keńesi Hatshylyǵy meńgerýshisiniń orynbasary. 2010-2012 jyldary Soltústik Qazaqstan oblysy prokýrorynyń birinshi orynbasary, 2012-2016 jyldary Astana qalasynyń Ádilet departamentiniń basshysy, 2016-2021 jyldary QR Parlamenti Májilisi VIІ shaqyrylymynyń depýtaty, Zańnama jáne sot-quqyqtyq reforma komıtetiniń múshesi, 2021-2022 jyldary QR Joǵarǵy Sotynyń sýdıasy, QR Joǵarǵy Sotynyń Ákimshilik ister jónindegi sot alqasynyń tóraǵasy, 2022 jyly QR Ádilet mınıstri laýazymyn atqardy.
2023 jyldyń qańtarynan bastap qazirgi qyzmetinde.
«Eren eńbegi úshin», «Qazaqstan Respýblıkasynyń táýelsizdigine 20 jyl», «Astananyń 10 jyldyǵy» medaldarymen, quqyq qorǵaý organdarynyń vedomstvolyq nagradalarymen marapattalǵan.
58 jyl buryn (1968) QR Joǵarǵy Sotynyń sýdıasy Denıs Alekseevıch ShIPP dúnıege keldi.
Soltústik Qazaqstan oblysynda týǵan. Mýzykalyq orta mektepti fortepıano synyby boıynsha, Omby memlekettik ýnıversıtetiniń zań fakýltetin, akademık Korolev atyndaǵy Samara memlekettik aeroǵarysh ýnıversıtetin bitirgen.
Ár jyldary ol aǵylshyn tiliniń aýdarmashysy jáne salyq polıtsııasy ınspektory bolyp jumys istedi. Petropavl qalalyq sotynyń jáne Almaty qalasynyń mamandandyrylǵan qarjy sotynyń sýdıasy bolǵan.2011-2015 jyldary Almaty qalasynyń mamandandyrylǵan qarjy sotynyń tóraǵasy, 2015-2021 jyldary QR Joǵarǵy Sotynyń sýdıasy, 2021-2024 jyldary QR Joǵarǵy sot keńesiniń tóraǵasy bolyp qyzmet etti.
Qazirgi laýazymyn 2024 jyldyń qazan aıynan beri atqaryp keledi.
57 jyl buryn (1969) Aqmola oblysy Bulandy aýdanynyń ákimi Ardaq Dýlatuly SMAIYLOV dúnıege keldi.
Almaty qalasynda týǵan. Qazaq aýyl sharýashylyǵy ınstıtýtyn agronomııa mamandyǵy boıynsha (1993), Qazaq memlekettik basqarý akademııasy janyndaǵy Naryq ınstıtýtyn «Qarjy jáne nesıe» mamandyǵy boıynsha (1997), E.A.Bóketov atyndaǵy Qaraǵandy memlekettik ýnıversıtetin «Quqyqtaný» mamandyǵy boıynsha bitirgen (2004).
Eńbek joly: 1992 jyly «Sharbat» jeke kásipornynda ınspektor bolyp jumys istedi. 1994 jyly Astana kedeninde ártúrli qyzmet atqardy. 1999 jyly Astana kedeni Kedendik qorǵaý jáne rejım basqarmasynyń bas ınspektory, Astana qalasy Kedendik qorǵaý jáne rejım departamenti júkterdi kedendik qamtamasyz etý bóliminiń bastyǵy, 2003 jyly QR Keden komıtetiniń Qostanaı oblysy boıynsha Keden basqarmasy Keden energetıkalyq postynyń bastyǵy, 2004 jyly Astana qalasy boıynsha Kedendik baqylaý departamenti «Astana-Kedendik resimdeý ortalyǵy» keden beketiniń bastyǵy, 2015 jyly Almaty oblysy ákimi apparatynyń taldaý bóliminiń basshysy, Taldyqorǵan qalasy, 2017 jyly Almaty oblysy ákimi apparaty ákiminiń keńesshisi, Taldyqorǵan qalasy, 202o jyly Býrabaı aýdany ákimi apparatynyń basshysy, 2022-2023 jyldary Aqmola oblysy Bulandy aýdany ákiminiń orynbasary laýazymyn atqarǵan.
2023 jyldyń qarasha aıynan bastap qazirgi qyzmetinde.
54 jyl buryn (1972) «Ulttyq ǵylymı onkologııalyq ortalyq» JShS dırektorlar keńesiniń tóraǵasy Jandos Qonysuly BÚRKІTBAEV dúnıege keldi.
Jambyl oblysynda týǵan. S.D. Asfendııarov atyndaǵy Almaty memlekettik medıtsına ýnıversıtetin (1996), L.N. Gýmılev atyndaǵy Eýrazııa ulttyq ýnıversıtetin «memlekettik jáne jergilikti ózin-ózi basqarý» mamandyǵy boıynsha bitirgen (2003).
Eńbek joly: 1996-1998 jyldary Almaty qalalyq jedel medıtsınalyq kómek kórsetý klınıkalyq aýrýhanasynyń dárigeri, 1998-1999 jyldary Respýblıkalyq apattar medıtsınasy ortalyǵynyń dárigeri, Almaty, 1999-2000 jyldary QR Densaýlyq saqtaý, bilim jáne sport mınıstrligi Bilim jáne ǵylym departamentiniń bas mamany, 2000-2001 jyldary QR Densaýlyq saqtaý isteri agenttiginiń Dárilik saıasat, medıtsınalyq jáne farmatsevtıkalyq ónerkásipti damytý, uıymdastyrý-baqylaý jumysy bóliminiń bas mamany, 2001-2002 jyldary QR Densaýlyq saqtaý mınıstrligi Farmatsevtıka jáne medıtsına ónerkásibi jáne aqparattyq-taldaý qamtamasyz etý basqarmasynyń bastyǵy, 2002-2004 jyldary QR Densaýlyq saqtaý mınıstrligi Farmatsevtıka jáne medıtsına ónerkásibi jáne dárilik saıasat basqarmasynyń bastyǵy, 2005-2007 jyldary «Aqtóberentgen» AQ keńesshisi, 2007-2008 jyldary QR Parlamenti Májilisiniń Áleýmettik-mádenı damý komıtetiniń qyzmetin qamtamasyz etý bólimi meńgerýshisiniń orynbasary, 2008-2011 jyldary Astana qalasy Densaýlyq saqtaý basqarmasynyń «Qan ortalyǵy» ShJQ MKQK dırektory, 2011-2019 jyldary QR Densaýlyq saqtaý mınıstrliginiń «Transfýzıologııa ǵylymı-óndiristik ortalyǵy» ShJQ respýblıkalyq memlekettik kásipornynyń dırektory, 2019-2021 jyldary QR Densaýlyq saqtaý mınıstrligi «Ulttyq ǵylymı onkologııalyq ortalyq» JShS basqarma tóraǵasy bolyp qyzmet atqarǵan.
2024 jyldyń qyrkúıek aıynan bastap qazirgi qyzmetinde.
«Shapaǵat» (2014), «Qazaqstan Respýblıkasynyń Táýelsizdigine 25 jyl» (2016), «Astanaǵa 20 jyl» (2018) medaldarymen marapattalǵan; «Densaýlyq saqtaý isiniń úzdigi» (2003), «Densaýlyq saqtaý isine qosqan úlesi úshin» (2012) tósbelgileri.
42 jyl buryn (1984) Atyraý oblysy máslıhatynyń tóraǵasy Musa Qarashauly HAIRÝLLIEV dúnıege keldi.
Atyraý qalasynda týǵan. Atyraý munaı jáne gaz ınstıtýtyn «Munaı jáne gaz uńǵymalaryn burǵylaý» mamandyǵy, Ýfa memlekettik munaı-tehnologııalyq ýnıversıtetin «Qurylys menedjeri, taý-ken ınjener-munaıshy-ınjeneri» mamandyǵy, Atyraý munaı jáne gaz ınstıtýtyn «Qyzmet kórsetý salasyndaǵy bakalavr» biliktiligi, H.Dosmuhamedov atyndaǵy Atyraý memlekettik ýnıversıtetin ekonomıka ǵylymdarynyń magıstri biliktiligi boıynsha bitirgen.
Eńbek joly: 2010 jyly «Atyraý Gen Plan» JShS dırektory, 2014-2016 jyldary «Zergo» RMK Atyraý fılıaly dırektorynyń orynbasary, 2016 jyly «Azamattarǵa arnalǵan úkimet» memlekettik mekemesiniń Atyraý oblysy boıynsha jer kadastry jáne jyljymaıtyn múlikti tehnıkalyq tekserý departamenti dırektorynyń orynbasary, 2016-2018 jyldary «Azamattarǵa arnalǵan úkimet» memlekettik mekemesiniń Mańǵystaý oblysy boıynsha jer kadastry jáne jyljymaıtyn múlikti tehnıkalyq tekserý departamentiniń dırektory, 2018-2023 jyldary «Azamattarǵa arnalǵan úkimet» KEAQ Atyraý oblystyq fılıalynyń dırektory bolyp qyzmet atqardy.
2023 jyldyń naýryz aıynan bastap qazirgi qyzmetinde.
34 jyl buryn (1992) VIII saılanǵan Qazaqstan Respýblıkasy Parlamenti Májilisiniń depýtaty, Ekonomıkalyq reforma jáne óńirlik damý komıtetiniń múshesi Nıkıta Sergeevıch ShATALOV dúnıege keldi.
Qaraǵandy oblysynyń Shahtınsk qalasynda týǵan. E.A. Bóketov atyndaǵy Qaraǵandy memlekettik ýnıversıtetin bitirgen, fılolog (2014).
Eńbek joly:2014-2016 jyldary «KazMedia Project» kompanııalar tobynyń korrektory, aqparattyq betteriniń redaktory, 2016-2017 jyldary «Information Resource» JShS SMM menedjeri, 2017-2019 jyldary Informburo.kz bas redaktory, 2019 jyly «TALAP» Qoǵamdyq qorynda medıa-menedjer, 2019-2020 jyldary «Astana» halyqaralyq qarjy ortalyǵynyń medıa sheshimderi zerthanasynyń aǵa menedjeri, 2020-2021 jyldary Ortalyq kommýnıkatsııalar qyzmeti dırektorynyń orynbasary, 2021-2022 jyldary Eýrazııalyq ıntegratsııa ınstıtýtynyń bas sarapshysy, 2022 jyly Qazaqstan strategııalyq zertteýler ınstıtýtynyń bas sarapshysy, 2022-2023 jyldary Almaty qalasy Qoǵamdyq damý departamentiniń «Monıtorıng jáne taldaý ortalyǵy» RMK janyndaǵy MKQK dırektory laýazymyn atqardy.
2023 jyldyń naýryz aıynan bastap qazirgi qyzmetinde.