27 aqpan kúngi aýa raıy boljamy
ASTANA. QazAqparat - 27 aqpan kúni atmosferalyq frontardyń ótýine baılanysty elimizdiń basym óńirinde qubylmaly kún raıy saqtalady. Keı jerlerde jaýyn-shashyn jaýady. Respýblıkanyń ońtústik-shyǵysynda ǵana sársenbi jaýyn-shashynsyz ótedi. Jekelegen jerlerde tuman, kóktaıǵaq, burqasyn, ekpindi jel boljanady, dep habarlaıdy QazAqparat.
«Qazgıdromet» RMK-nyń málimetine sáıkes, Shyǵys Qazaqstan, Qaraǵandy, Qostanaı oblystarynyń keı jerlerinde burqasyn, kóktaıǵaq, tuman kútiledi. Jeldiń ekpini 15-20 m/s kúsheıedi. Shyǵys Qaazaqstan oblysynyń Jarma aýdanynda jeldiń kúshi 25 m/s jetedi.
Túnde jáne tańerteń Almaty oblysynyń keı jerlerinde tuman bolady, Jalańashkól aýdanynda jeldiń kúshi 17-22, ekpini 25 m/s artýy yqtımal.
Aqmola, Soltústik Qazaqstan, Pavlodar oblystarynyń keı jerlerinde burqasyn bolady. Pavlodar oblysynda jeldiń ekpini 15-20 m/s kúsheıedi. Soltústik Qazaqstan oblysynyń keı jerlerinde tuman kútiledi.
Jambyl, Qyzylorda, Mańǵystaý, Atyraý, Batys Qazaqstan oblystarynyń keı jerlerinde tuman, kóktaıǵaq bolady. Jambyl oblysynda jeldiń kúshi 15-20 m/s kúsheıetini boljanady.
Túrkistan, Aqtóbe oblystarynyń keı jerlerinde tuman bolady.
