27 aqpan. QAZAQPARAT KÚNTІZBESІ: ATAÝLY KÚNDER, OQIǴALAR, ESІMDER

27 AQPAN, BEISENBІ

Domınıkan Respýblıkasynyń Ulttyq merekesi - Táýelsizdik kúni (1863). Gaıtı aralynyń shyǵys bóligi men soǵan shektesip jatqan shaǵyn araldarda ornalasqan memleket. Astanasy - Santo-Domıngo qalasy. Resmı tili - ıspan tili. Aqsha birligi - peso. El aýmaǵy ákimshilik jaǵynan 29 provıntsııaǵa, 1 ulttyq okrýgke bólinedi. Eldi jáne atqarýshy úkimetti prezıdent basqarady. Zań shyǵarýshy organy - eki palatadan turatyn Ulttyq kongress. Negizgi saýda seriktesteri AQSh, Ońtústik Amerıka memleketteri. Sondaı-aq BUU, Amerıka memleketteri uıymyna, Latyn Amerıkasy ekonomıkalyq odaǵy, t.b. halyqaralyq uıymdarǵa múshe.

Halyqaralyq aq aıý kúni. Atalmysh tabıǵat merekesi týraly bastamany aq aıýlardy qorǵaýmen aınalysatyn halyqaralyq Polar Bears International (PBI) uıymy kótergen bolatyn. Bul merekeniń maqsaty - aq aıýlar týraly aqparatty buqaraǵa keńinen nasıhattap, olardy qorǵaýǵa qoǵamnyń nazaryn aýdarý bolyp tabylady. Ásirese, bul mereke aq aıýlar mekendeıtin Reseı, Norvegııa, Grenlandııa, AQSh jáne Kanada elderi úshin mańyzdy.

AQSh-taǵy ulttyq qulpynaı kúni. Jaz mezgilinde ósetin jıdekke arnalǵan bul merekeni nelikten qysta atap ótedi dep tań qalatyndar kóp. AQSh-ta 27 aqpan kóktem bolǵandyqtan, ony halyq «kóktem jemisi» dep ataıdy. Sebebi, bul jıdek birinshi bolyp pisedi.

ESTE QALAR OQIǴALAR

1 3 jyl buryn (2001) Dáýletkereı atyndaǵy Batys Qazaqstan oblystyq ult aspaptar orkestri óner ujymynyń tusaýkeser rásimi ótti. Orkestr Oral qalasyndaǵy Batys Qazaqstan oblystyq fılarmonııasy janynan quryldy. Quramynda 50-den astam arnaýly joǵary kásibı bilimdi mamandar bar. Orkestrdiń repertýarynda halyq kompozıtorlary Qurmanǵazy men Dınanyń, Túrkeshtiń, Dáýletkereıdiń kúıleri, N.Tilendıevtiń, K.Kúmisbekovtyń, A.Jaıymovtyń, E.Brýsılovskııdiń, S.Muhamedjanovtyń, t.b. shyǵarmalary, orys jáne Eýropa kompozıtorlarynyń týyndylary bar.

10 jyl buryn (2004) Qazaqstan Respýblıkasy Úkimetiniń qaýlysymen «Memlekettik áleýmettik saqtandyrý qory» aktsıonerlik qoǵamy quryldy.

8 jyl buryn (2006) Oral qalasynyń 30 kóshesi ataýlaryn ózgertti. Bul sheshim qalalyq máslıhatyń otyzynshy sessııasynda qabyldandy. Otyrys barysynda qalalyq ákimshilik janyndaǵy onomastıkalyq komıssııanyń usynysy qaraldy. Endi Oral qalasynyń ortalyq magıstraldy kósheleriniń tizimine kiretin Fýrmanov jáne Kýtıakov kóshelerine qazaqtyń uly kompozıtory Qurmanǵazynyń jáne kórnekti saıasat qaıratkeri Ábilqaıyr hannyń esimi berildi. Batys Qazaqstan oblysy ákimshilik ortalyǵynyń kartasynda aty ańyzǵa aınalǵan batyr qyzdarymyz Mánshúk Mámetova men Álııa Moldaǵulovanyń, akademık Asan Taımanovtyń, professor Mátjan Tileýjanovtyń jáne Vsevolod Ivanovtyń, ataqty dombyrashy Dına Nurpeıisovanyń, aqyn Ábýbákir Kerderiniń, Juban Moldaǵalıevtiń jáne Qasym Amanjolovtyń, jazýshy Nıkıta Savıchevtiń, oıshyl Ǵumar Qarashtyń jáne taǵy da basqa belgili tulǵalardyń esimderi berildi.

7 jyl buryn (2007) Almatyda Lıtvanyń Qurmetti konsýldyǵy ashyldy. Eki memleket arasynda dıplomatııalyq qarym-qatynasy 18 jyl boıy jalǵasyp keledi.

7 jyl buryn (2007) Oraldyq belgili qalamger, Qazaqstan Jazýshylar odaǵynyń múshesi Qaıyr Bekturǵanovtyń «At jaly» atty povester jınaǵy jaryq kórdi. Oral qalasyndaǵy «Dastan» baspasynan basylyp shyqqan bul kitap jazýshy shyǵarmalarynyń úshinshi tomy bolyp tabylady. Mundaǵy alty povestiń bári de orta jastaǵy balalar men jasóspirimderge arnalǵan.

7 jyl buryn (2007) Soltústik Qazaqstan oblysy Іshki ister departamentiniń ınternette jeke saıty ashyldy. Saıttyń 12 bóliminde ІІD qurylymy týraly aqparat, departament basshylyǵynyń azamattardy qabyldaý kestesi ornalastyrylǵan. Basqarmalardyń paraqtarynda jol apaty kezinde ózińdi qalaı ustaý qajettigin, qarýǵa ruqsatty qalaı rásimdeýge bolatynyn bilýge, Qazaqstan Respýblıkasy ІІM oqý oryndaryna túsý erejelerimen tanysýǵa bolady. «Keri baılanys» bóliminde soltústikqazaqstandyqtar ózderin tolǵandyratyn suraqtaryn qoıa alady, olardyń jaýaptary keıinnen saıtta ornalastyrylady. Veb-saıtta «Nazar aýdaryńyzdar! Іzdeý», ishki ister departamentiniń telefon anyqtamalyǵy, senim telefondary bar.

6 jyl buryn (2008) Almatyda Ustazdardyń quqyǵy men múddelerin qorǵaıtyn qoǵamdyq birlestik quryldy. Ustazdar men bılik arasynda kópir bolý mindetin atqaratyn birlestiktiń ustanǵan maqsaty - muǵalimderge quqyqtyq jaǵynan keńes berip, olardyń máselelerin sheshýge yqpal etý.

5 jyl buryn (2009) M.Áýezov atyndaǵy murajaı-úıde 2006-2008 jj. shyǵarylǵan ónertaný boıynsha 27 kitaptyń tusaý keser rásimi bolyp ótti. Bul eńbekter - «Mádenı mura» baǵdarlamasyna ǵylymı-zertteý jobasyna kirgen jáne memlekettik jáne halyqaralyq májilisterdiń málimetteri. Instıtýt ǵalymdary daıyndaǵan eńbekterdiń ishinde - 5 tomdyq «Qazaq mýzykasy», 3 tomdyq qazaq tilindegi «Qazaq óneriniń tarıhy» bar.

5 jyl buryn (2009) Almatyda úılerdi jalǵa berý jobasy tanystyryldy. Bundaǵy maqsat Astana men Almaty qalalaryndaǵy turǵyn úı naryǵyn turaqtandyrý. Qor birinshi baǵyt boıynsha ekinshi deńgeıli bankterdiń qatysýymen Almaty men Astanadaǵy turǵyn úılerdiń qurylysynyń aıaqtalýyn qamtamasyz etip, turǵyndarǵa satyp alý maqsatymen jalǵa beredi.

4 jyl buryn (2010) Astanada Mádenıet jáne aqparat mınıstrliginiń tapsyrysymen Almatynyń «Áriptes» úkimettik emes uıymdar konfederatsııasynyń elimizdegi kásipodaq uıymdary men Eńbek jáne halyqty áleýmettik qorǵaý mınıstrligimen birlesip daıyndaǵan «Áleýmettik áriptestik boıynsha úshjaqty kelisim» atty kitabynyń tusaýy kesildi.

9 5 jyl buryn (1919) Reseıde tuńǵysh radıohabar taratylyp, Morze álipbıimen birge efırde alǵash ret adam daýysy tyńdaldy. Radıohabar Tómengi Novgorod ónertapqyshy Mıhaıl Bonch-Brýevıchtiń zerthanasynan taratyldy.

2 jyl buryn (2012) amerıkalyq sýretshi Iv Sýssman kınematografııada óziniń jańa janrin oılap taýyp, Qazaqstan týraly fılm túsirdi.

1 jyl buryn (2013) Astana kollektsıonerlerge arnalǵan «Abaı» eksklıýzıvti kitabynyń tanystyrylymy ótti. Ol nebári 20 danamen shyǵarylǵan. Ár beti kúmisten ulttyq oıýlarmen órnektelip, taza teriden jasalǵan.

603 jyl buryn (1411) Shotlandııanyń Sent-Endrıýs qalasynda Ulybrıtanııadaǵy Oksford pen Kembrıdjden keıingi kóne ýnıversıtetterdiń biri ashyldy.

289 jyl buryn (1825) A.S.Pýshkınniń «Evgenıı Onegın» romanynyń birinshi bólimi jarııalandy.

132 jyl buryn (1882) Reseıde jeke tulǵalarǵa telefondy paıdalanýǵa ruqsat etildi.

131 jyl buryn (1883) sıgarany oraıtyn avtomatqa patent alyndy.

117 jyl buryn (1897) jasandy dámdegish saharın alyndy. Ol az kalorııalyq qanttan 400 ese tátti zat.

114 jyl buryn (1900) Mıýnhende «Bavarııa» fýtbol klýby quryldy.

82 jyl buryn (1932) Djeıms Chedvık neıtrondy ashty.

72 jyl buryn (1942) Djeıms Heı kún sáýlesiniń radıosáýlelenýin tirkedi.

50 jyl buryn (1964) alǵash ret týrısterge arnalǵan «Ogıýst Pıkar» sý asty kemesi sýǵa jiberildi.

49 jyl buryn (1965) «Anteı» An-22 keńestik aýyr týrbovınttik tasymal ushaǵy alǵash ret ushyryldy.

17 jyl buryn (1997) AQSh-ta Dollı ataýly qoıǵa klon jasaldy. Gendik ınjenerııanyń kómegimen týǵan qozyǵa Dollı degen ataý berilgen bolatyn.

ESІMDER

63 jyl buryn (1951) Shymkent áleýmettik - pedagogıkalyq ýnıversıtetiniń rektory, pedagogıka ǵylymdarynyń doktory, professor QOZYBAQOV Mombek Jamalbekuly dúnıege keldi.

Ońtústik Qazaqstan oblysy Túlkibas aýdanynda týǵan. Qazaq hımııa-tehnologııalyq ınstıtýtyn, S.M.Kırov atyndaǵy Qazaq memlekettik ýnıversıtetiniń (ál-Farabı atyndaǵy Qazaq ulttyq ýnıversıteti) aspırantýrasyn bitirgen. Eńbek jolyn 1973 jyly Shardara aýdanynda ınjener bolyp bastaǵan. 1975 jyldan bastap ǵylymı jáne ǵylymı-pedagogtik qyzmetter atqaryp keledi. 1975-1977 jyldary - Qazaq hımııa-tehnologııalyq ınstıtýty mashına jabdyqtary kafedrasynyń kishi ǵylymı qyzmetkeri, S.M.Kırov atyndaǵy Qazaq memlekettik ýnıversıteti «Qoldanbaly mehanıka» kafedrasynyń ınjeneri. 1977-1980 jyldary - S.M.Kırov atyndaǵy Qazaq memlekettik ýnıversıtetiniń aspıranty. 1981-1984jyldary - S.M.Kırov atyndaǵy Qazaq memlekettik ýnıversıtetiniń mashınalar mehanıkasy ǵylymı-zertteý zerthanasynyń aǵa ınjeneri, Shymkent pedagogıkalyq ınstıtýtynyń Jalpy tehnıkalyq pánder kafedrasynyń aǵa oqytýshysy. 1984-1993 jyldary - Shymkent pedagogıkalyq ınstıtýtynyń aǵa oqytýshysy. 1993-2000 jyldary - Shymkent pedagogıkalyq ınstıtýtynyń eńbek jáne óner mamandyǵy boıynsha oqý-ǵylymı kesheniniń jetekshisi - prorektory, eńbek jáne óner mamandyqtary boıynsha oqý-óndiristik kesheniniń dırektory, Muhtar Áýezov atyndaǵy Ońtústik Qazaqstan gýmanıtarlyq ýnıversıtetiniń prorektory, óndiris jáne tehnıkalyq jabdyqtar negizderi kafedrasynyń dotsenti, kásiptik oqý teorııasy jáne ádistemesi kafedrasynyń professory mindetin atqarýshy. 1999-2001 jyldary - «Áýlıe-ata» ýnıversıteti Shymkent fılıalynyń dırektory qyzmetterin atqarǵan. 2001 jyldyń sáýirinen Shymkent áleýmettik - pedagogıkalyq ýnıversıtetiniń rektory qyzmetin atqarady.

2007 jyly Túrkııa Respýblıkasynyń Ankara qalasynda Túrki áleminiń jazýshylary men óner qaıratkerlerine tabys etiletin «Túrki álemine qyzmet etkendigi úshin» marapatyna ıe boldy. 2007 jyly Anglııada Oksford ýnıversıtetinde Evropalyq bıznes assambleıasynyń halyqaralyq qoǵamdyq seriktestik korporatsııasynyń halyqaralyq «Sokrat» marapaty tabys etildi. 2008 jyly elimizdiń «Mekke-Medıne» dinı birlestiginiń tóralqasy men D.A.Qonaev meshitiniń Muhammed (s.a.ý) Paıǵambarymyzdyń atyndaǵy izgi qurmet dıplomyna ıe boldy. 2009 jyly Reseı Federatsııasynyń Máskeý qalasynda «HHI ǵasyrdyń kósh basshylary» baǵdarlama aıasyndaǵy Halyqaralyq marapatyn ıelendi. Pedagogıka tarıhynyń keleli máseleleri boıynsha Respýblıkalyq jáne Halyqaralyq konferentsııalarda kóptegen baıandamalar jasaǵan. 1-monografııa, 14 oqý-ádistemelik qural, 10 oqý-ádistemelik nusqaý, 70-ten astam ǵylymı maqalalardyń avtory, 6 patent ıegeri. Ǵalymnyń jetekshiligimen 4 kandıdattyq, 8 magıstrlik dıssertatsııalar qorǵalǵan.

5 8 jyl buryn (1956) Qyzylorda oblysyndaǵy Jańaqorǵan aýdanynyń ákimi TÁÝІPBAEV Sultanbek dúnıege keldi.

Qyzylorda oblysy Jalaǵash aýdany Myrzabaı aýylynda dúnıege kelgen. Jambyl gıdromelıoratıvti-qurylys ınstıtýtyn ınjener-gıdrotehnık mamandyǵy boıynsha bitirgen. Eńbek jolyn 1973 jyly Jalaǵash aýdanyndaǵy «Myrzabaı» ujymsharynda jumysshy retinde bastaǵan. Jambyl gıdromelıoratıvti-qurylys ınstıtýtyn bitirgen soń, Qazaqstandaǵy jáne Reseıdegi oqý oryndarynda oqytýshylyq jáne ǵylymı qyzmetpen aınalysqan. Tehnıka ǵylymdarynyń doktory, 1 monografııa jáne 50-den astam ǵylymı eńbekteriniń avtory. 2005-2007 jyldary Qyzylorda oblystyq máslıhatynyń depýtaty bolyp saılanǵan. 2003-2008 jyldary «Qyzylordasýsharýashylyǵy» memlekettik kommýnaldyq kásipornynyń dırektory. 2008 jyldan 2012 jylǵa deıin Qyzylorda oblysynyń Syrdarııa aýdanynyń ákimi laýazymyn atqarǵan. 2012 jyldyń aqpan aıynyń 3 juldyzynan bastap Jańaqorǵan aýdanynyń ákimi qyzmetinde. «Qurmet» ordenimen marapattalǵan.

67 jyl buryn (1947) medıtsına ǵylymdarynyń doktory, akademık, «Ulttyq ǵylymı medıtsına ortalyǵy» AQ dırektory BAIGENJIN Abaı Qabataıuly dúnıege keldi.

Ortalyq Azııa pýlmanologtary qaýymdastyǵynyń, Eýrazııalyq respıratorlar qoǵamynyń prezıdenti, Eýropalyq Jaratylystaný ǵylymdary akademııasynyń tolyq múshesi, Dúnıejúzilik densaýlyq saqtaý uıymy komıteti tóraǵalqasynyń múshesi. Soltústik Qazaqstan oblysynda týǵan. Almaty memlekettik medıtsına ınstıýtyn bitirgennen keıin densaýlyq saqtaý salasynda ártúrli qyzmetterde bolyd. 1978-1983 jyldary - Almaty qalalyq klınıkalyq aýrýhanasy bas dárigeriniń ornbasary, 1983-1988 jyldary - Qazaq KSR Denaýlyq saqtaý mınıstrliginiń 4-bas basqarmasynyń «alataý» ıpajaıynyń bas dárigeri. 1988-1993 jyldary - Almaty aıtsmaqtyq dıagnostıkalyq ortalyǵynyń dırektory. 1993-1997 jyldary - memlekettik aeroǵarysh kompanııasynyń vıtse-prezıdenti. 1997-1998 jyldary QR Úkimeti jvanyndaǵy Medıtsınalyq saqtandyrý qory bas dırektorynyń orynbasary. 1999-2003 jyldary - Astanadaǵy respýblıkalq klınıkalyq aýrýhananyń dırektory. Qazirgi qyzmetinde - 2004 jylǵy qańtardan beri. Qazaqstan Respýblıkasynyń eńbek sińirgen qaıratkeri, QR Prezıdentiniń Qurmet gramotasymen marapattalǵan, Qazaqstan Respýblıkasy Ulttyq keńesiniń múshesi, «Nur Otan» HDP Saıası Keńesiniń múshesi. «Parasat» ordeniniń, brıtandyq Vıktorııa patshaıym ordeniniń ıegeri, Robert Koh medalimen marapattalǵan.

52 jyl buryn (1962) «Samuryq-Qazyna» aktsıonerlik qoǵamynyń basqarma tóraǵasynyń orynbasary BAHMÝTOVA Elena Leonıdovna dúnıege keldi.

1962 jyly 27 aqpanda RKFSR Rostov oblysy Elızavetovka aýylynda týǵan. Almaty halyq sharýashylyǵy ınstıtýtynyń ekonomıkalyq josparlaý fakýltetin bitirgen (1983), ekonomıst. 1983 jyldan - «Almaty aýyl qurylys-7» tresiniń OAKK aǵa ınjeneri. 1984 jyldan - QazKSR Memlekettik josparlaý komıteti janyndaǵy ǴZEI EjN ekonomısi. 1989 jyldan - QazKSR Áleýmettik qamsyzdandyrý mınıstrliginiń aǵa ekonomısi. 1991 jyldan - «Elim-Aı» kınosharýashylyq birlestiginiń ekonomısi. 1992 jyldan - jetekshi, bas ekonomıst, bólim bastyǵy, basqarma bastyǵy - áleýmettik sala departamenti bastyǵynyń orynbasary; 1996 jyldan - dırektordyń orynbasary; 1998 jyldan - QR Qarjy mınıstrliginiń bıýdjettik departamentiniń dırektory. 2001 jyldan - QR Eńbek jáne halyqty áleýmettik qorǵaý vıtse-mınıstri . 2002 jyldyń tamyzynan - QR Ulttyq banki jınaqtaýshy zeınetaqy qorlarynyń qyzmetin retteý departamentiniń dırektory. 2002 jyldyń qyrkúıeginen-QR Ulttyq banki qarjylyq baqylaý departamentiniń dırektory. 2004 jyldan - QR Qarjy naryǵyn jáne qarjynyq uıymdardy retteý jáne baqylaý agenttigi tóraǵasysynyń orynbasary. 2008- 2011 jyldary - QR Qarjy naryǵyn jáne qarjylyq uıymdardy retteý jáne baqylaý agenttiginiń tóraǵasy. Qazirgi qyzmetinde - 2012 jlǵy qańtardan beri. «Qazaqstan Konstıtýtsııasyna 10 jyl» merekelik medalimen, «Qurmet» ordenimen marapattalǵan.

4 9 jyl buryn (1965) QR Ekonomıka jáne bıýdjettik josparlaý vıtse-mınıstri QUSAIYNOV Marat Ápsemetuly dúnıege keldi.

Shymkent oblysynyń Túrkistan qalasynda týǵan. 1988 jyly Almaty halyq sharýashylyǵy ınstıtýtyn «Ónerkásipti josparlaý» mamandyǵy boıynsha, 1997 jyly - Qazaqstan Respýblıkasy Prezıdentiniń janyndaǵy Memlekettik basqarý Ulttyq Joǵary Mektebin «Memlekettik basqarý» mamandyǵy boıynsha oqyp bitirdi. Eńbek jolyn 1988 jyly Qyzylorda qalalyq atqarý komıtetiniń apparatynda bólim nusqaýshysy bolyp bastady. 1997 jylǵy shildeden bastap Qazaqstan Respýblıkasy Premer-Mınıstri Keńsesinde aqparattandyrý bóliminde makroekonomıkalyq taldaý jáne aqparat sektorynyń konsýltanty, odan keıin jınaqtaý taldamalyq bóliminiń konsýltanty boldy. 2000 jyldyń tamyzynan bastap Qazaqstan Respýblıkasy Strategııalyq josparlaý agenttiginiń Áleýmettik-ekonomıkalyq taldaý departamenti dırektorynyń orynbasary, dırektory laýazymdaryn atqardy. Qazaqstan Respýblıkasy Ekonomıka jáne bıýdjettik josparlaý mınıstrliginiń apparatynda 2002 jyldyń jeltoqsanynan bastap Departament dırektory laýazymynda qyzmet isteı bastady. 2006 jyldyń aqpanynda Qazaqstan Respýblıkasy Ekonomıka jáne bıýdjettik josparlaý vıtse-mınıstri bolyp taǵaıyndaldy. 2010 jyldyń naýryzynda Qazaqstan Respýblıkasy Ekonomıkalyq damý jáne saýda vıtse-mınıstri bolyp taǵaıyndaldy. Qazaqstan Respýblıkasy Úkimetiniń 2013 jylǵy 6 aqpandaǵy № 91 qaýlysymen Ekonomıka jáne bıýdjettik josparlaý vıtse-mınıstri bolyp qaıta taǵaıyndaldy. «Eren eńbegi úshin» medalimen, «Qazaqstan Respýblıkasynyń Konstıtýtsııasyna 10 jyl» merekelik medalimen, Qazaqstan Respýblıkasy Premer-Mınıstriniń Alǵys hatymen marapattalǵan.

4 8 jyl buryn(1966) Astana qalasy ádilet departamentiniń bastyǵy MÝSIN Qanat Sergeıuly dúnıege keldi.

Evneı Bóketov atyndaǵy Qaraǵandy memleketik ýnıversıtetin bitirgen. Eńbek jolyn 1989 jyldan Tselınograd qalasy prokýratýrasynda bastap, tergeý bóliminiń aǵa tergeýshisi, arnaıy ister jónindegi tergeýshisi, Aqmola oblysy Tselınograd qalasy prokýrotýrasynyń krımınaldyq prokýrory boldy. Keıinnen Jambyl oblysynyń, Aqmola, Astana qalalary prokýrorynyń orynbasary, birinshi orynbasary qyzmetterin atqardy. Bes jyldan astam Qarjy polıtsııasynda qylmystardy izdestrý jumystarymen aınalysyp, ár túrli laýazymdy qyzmetterdi atqaryp, Almaty qalasy boıynsha ekonomıkalyq jáne jemqorlyqpen kúres departamenti bastyǵynyń orynbasary boldy. Sońǵy jyldary Qazaqstan Respýblıkasy Qaýipsizdik Keńesi hatshylyǵy meńgerýshisiniń orynbasary, bas sarapshy qyzmetterin atqarǵan. 2010-2012 jyldary Soltústik Qazaqstan oblysy prokýrorynyń birinshi orynbasary boldy. 2012 jylǵy aqpannan - qazirgi qyzmetinde. Medaldarmen, vedomstvolq marapattarmen marapattalǵan.

51 jyl buryn (1963) Astana qalasynyń Іshki ister departamentiniń bastyǵy, polıtsııa general-maıory ÁÝBÁKІROV Amantaı Akramuly dúnıege kelgen.

KSRO ІІM Qaraǵandy joǵarǵy mektebin támamdady. Mamandyǵy: zańger. 1984 jyldyń tamyzy - Alma-Ata qalalyq atqarý komıteti Іshki ister basqarmasy qylmystyq izdestirý basqarmasynyń jedel ýákili, aǵa jedel ýákili, asa mańyzdy ister jónindegi aǵa jedel ýákili. 1991 jyldyń tamyzy men 1995 jyldyń qańtary - Almaty q. Alataý AІІB krımınaldyq mılıtsııa bólimshesiniń bastyǵy, bólim bastyǵynyń orynbasary, bólim bastyǵy. 1995 jyldyń qańtary men 1995 jyldyń jeltoqsany - Almaty q. Alataý AІІB bastyǵynyń birinshi orynbasary. 1995 jyldyń jeltoqsany men 1997 jyldyń mamyry - Almaty q. MTK Bas basqarmasy Medeý aýdany boıynsha BTK Bas basqarmasynyń bastyǵy. 1997 jyldyń mamyry men 2000 jyldyń aqpany - Almaty q. Bostandyq AІІB bastyǵy. 2000 jyldyń aqpany men 2001 jyldyń qazany - Almaty q. Medeý AІІB bastyǵy. 2001 jyldyń qazany men 2003 jyldyń maýsymy - Almaty q. Іshki ister bas basqarmasy Krımınaldyq polıtsııa basqarmasy bastyǵynyń orynbasary. 2003 jyldyń maýsymy men 2007 jyldyń tamyzy - Almaty q. Іshki ister departamenti Krımınaldyq polıtsııa basqarmasynyń bastyǵy. 2007 jyldyń tamyzy men 2009 jyldyń qyrkúıegi - Almaty q. ІІD bastyǵynyń birinshi orynbasary. 2009 jyldyń qyrkúıegi men 2011 jyldyń shildesi - Qazaqstan Respýblıkasy ishki ister mınıstriniń orynbasary, 1-shi orynbasary. 2011 jyldyń shildesi men qazirgi ýaqytta - Astana q. Іshki ister departamentiniń bastyǵy. «Erligi úshin» medali, ІІ-dárejeli «Aıbyn» ordeni, 2013 jyly ІІ-dárejeli «Dańq» ordenimen marapattalǵan.

141 jyl buryn (1873-1921) kórnekti ıtalıan tenory KARÝZO Enrıko dúnıege keldi.

115 jyl buryn (1899-1978) taza ınsýlındi oılap tapqan kanadalyq fızıolog BEST Charlz dúnıege keldi.