27-29 qazan kúnderi Astanada qazaq kúresinen álem chempıonaty ótedi
Atap aıtsaq, qazaq kúresinen álem chempıonatynyń úsh dúrkin júldegeri, Sambodan álem kýbogynyń birneshe márte jeńimpazy, Reseı quramasynyń kapıtany - Maksım Shıraev, sambodan Eýroodaq elderi chempıonatynyń júldegeri, moldovalyq - Evgenıı Shershnev, dzıýdodan 18 jasqa deıingi balýandar arasyndaǵy Eýropa kýbogynyń ıegeri (2013j), ýkraınalyq - Artem Plıev jáne Ýkraına chempıonatynyń 2 oryn ıegeri (2015 j.) Dmıtrıı Borodın bar. Armenııa elinen Kadetter arasyndaǵy Eýropa chempıonatynyń júldegerleri - Badalıan Pogos, Hıtarıan Gevorg, Nalbandıan Davıd qatysady.
Sonymen qatar, dzıýdodan jasóspirimder arasynda álem chempıony jáne úsh dúrkin Eýropa chempıony, grekııalyq Ntanatsıdıs Aleksıos, jasóspirimder arasynda álem jáne Eýropa chempıonatynyń júldegerleri Masmanıdıs Tentore, Tsoýmıtas Dımıtrıos, dzıýdodan Eýropa chempıonatynyń jeńimpazy, grýzııalyq Gýram Týshıshvılı men qazaq kúresinen álem chempıonatynyń jeńimpazy Levan Matıashvılı keledi dep kútilýde.
Al, elimizdiń namysyn jastar arasyndaǵy álem chempıony, eresekter arasynda eki dúrkin Azııa chempıony Ádiljan Ystybaev, «Eýrazııa barysy» Marat Nıgmatýllaev bastaǵan sportshylar qorǵaıdy.
Eske salaıyq, chempıonat 8 salmaq dárejesi jáne absolıýttik dárejede ótedi.