27-28 maýsymda Nur-Sultanda azyq-túlik dúkenderi ǵana jumys isteıdi
NUR-SULTAN. QazAqparat - 27-28 maýsymda Nur-Sultanda azyq-túlik dúkenderi ǵana jumys isteıdi. Bul týraly Nur-Sultan qalasy ákimdiginen málim etti, dep habarlaıdy QazAqparat tilshisi.
27-28 maýsym kúnderi elordada tek azyq-túlik dúkenderi jumys isteıdi. Jumys kestesi saǵat 10-nan 17-ge deıin. Demalys kúnderi barlyq saýda ortalyqtary, saýda úıler, azyq-túlik jáne ózge de taýarlar satatyn bazarlar, dúkender jumys istemeıdi.
«Ótken «karantındik demalys» syrqattaný deńgeıin tómendetýdiń oń dınamıkasyn kórsetti. Osy demalys kúnderi – 27 jáne 28 maýsymda biz «úıdegi demalys» kúnin engizemiz. Qazirgi ýaqytta qalada aýrýdyń negizgi eki oshaǵy otbasylyq jáne ujymdyq bolyp otyr. Demalys kúnderi turǵyndarǵa jaqyn mańdaǵy azyq-túlik dúkenine, dárihanaǵa barýdy, medıtsınalyq qyzmet alýdy nemese ruqsat etilgen jumysqa barýdy qospaǵanda, úılerinen shyǵýǵa tyıym salynady. Qalanyń tynys-tirshiligin qamtamasyz etetin kásiporyndar men úı mańyndaǵy azyq-túlik dúkenderi ǵana jumys isteıdi. Bazarlar da jabylady. Azamattar senbige deıin qajetti ónimderin satyp alýy kerek. Úı mańyndaǵy azyq-túlik dúkenderinde qajettiniń bári bar», – dedi qalanyń bas sanıtarlyq dárigeri Janna Pirálıeva.
Sonymen qatar 27-28 maýsymda dárihanalardyń, kóshe formatyndaǵy (jazdyq) qoǵamdyq tamaqtaný oryndarynyń jumysyna ruqsat etiledi. Bul rette atalǵan nysandar qatań sanıtarııalyq normalaryn saqtaýy kerek.
