267 qazaqstandyq júrgizýshi kýáliginen aıyrylsa da, kólik aıdap júrgen
ASTANA. KAZINFORM – «Quqyqtyq tártip» atty 10 kúndik jedel-profılaktıkalyq is-sharanyń kezinde mas bolyp kólik aıdaýǵa qatysty 4 378 fakti tirkelgen. Bul týraly Іshki ister mınıstrliginiń resmı ókili Shyńǵys Alekeshev vedomstvonyń onlaın brıfıngisinde aıtty.
«Jol qozǵalysyn qadaǵalaý kezinde jyldamdyq rejımin saqtamaýdyń 22 myń faktisi, qarsy jolaqqa shyǵýdyń 337 faktisi tirkeldi. Avtokólikti mas kúıde basqarǵan 437 júrgizýshi ustaldy. Onyń 16-y esirtkilik masań kúıde bolǵan. Júrgizýshi kýáliginen aıyrylsa da, kólik tizgindegen 267 adam anyqtaldy», - dedi ol.
Resmı ókil beınebaqylaý kameralarynyń kómegimen 125 qylmystyń joly kesilgenin atap ótti.
«Mysaly, Kókshetaý qalasynyń bazarlarynyń birinde belgisiz adam kólik terezesin syndyryp, sómke urlap ketken. Polıtseıler kúdiktini tez arada ustady. Astanada skýterdi jasyryn túrde urlap áketken kúdikti anyqtaldy. Shyǵyn – 400 myń teńge. Bul faktiler boıynsha sotqa deıingi tergeý júrgizilip jatyr», - dedi Shyńǵys Alekeshev.
