264 temirjolshy jańa qonysqa kóshti

ASTANA. 24 jeltoqsan. QazAqparat - Keshe «Qazaqstan temir joly» UK» AQ ortalyq ǵımaratynda 264 temirjolshyǵa saltanatty túrde páter kilti tabys etildi. Jańa qonys toı ıelerin kompanııa prezıdenti Asqar Mamın quttyqtady. Bul týraly QTJ baspasóz qyzmetinen habarlady.

Bıylǵy jyldyń ózinde QTJ eńbekkerleriniń ishinde 806 adam elordada páter kiltine ıe boldy. Bul aktsııa óz retinde Astanada páter alý kezeginde turǵan jandardy úshten birge azaıtty.

Bárinen buryn, Kompanııanyń tıisti normatıvtik qujattaryna sáıkes osy páterlerdiń kiltine ıe bolǵandardyń tórtten birin ıaǵnı 244 páter ıelerin 30 jasqa deıingi jastar men jas otbasylary quraıdy. Jańa páter ıeleriniń 89 paıyzy - óndiriste eńbek etetin mamandar.

Kompanııanyń Turǵyn úı saıasaty baǵdarlamasy kelesi jyly da jalǵasyn tabady. 2014 jyldyń alǵashqy toqsanynda Astanadaǵy jańa turǵyn úı kesheniniń úshinshi kezegin tapsyrý josparlanyp otyr.

2008 jyly bastalǵan QTJ turǵyn úı baǵdarlamasy aıasynda búginge deıin respýblıka ortalyǵy men aımaqtarda 3300 temirjolshy turǵyn úı jaǵdaıyn jaqsartty.