26.06.2026: Erekshe kúnde otaý qurǵysy keletinder sany artty
ASTANA. KAZINFORM — Erekshe tsıfrlar úılesimimen erekshelenetin 2026 jylǵy 26 maýsym kúni nekesin qııýǵa nıetti qazaqstandyqtar sany kóbeıgen.
Azamattyq hal aktilerin tirkeý organdarynyń málimetinshe, 26 maýsymǵa neke qııýdy memlekettik tirkeýge ótinish qabyldaý 11 maýsymda aıaqtaldy.
Eń kóp ótinish Almaty qalasynda tirkelgen. Megapolıste 830 jup dál osy kúni nekesin qııýǵa nıet bildirgen. Astanada 740 ótinish qabyldansa, Shymkentte 141 jup ótinish bergen.
Mamandardyń aıtýynsha, sandardyń erekshe úılesimi bar kúnder bolashaq jubaılar arasynda dástúrli túrde joǵary suranysqa ıe. Kópshilik mundaı kúnderdi este saqtaýǵa ońaı ári otbasy ómiriniń sımvoldyq bastaýy retinde tańdaıdy.
Osylaısha, 26.06.2026 kúni elimizdiń neke qııý organdarynda jubaı atanatyndardyń sany ádettegi kúndermen salystyrǵanda aıtarlyqtaı kóp bolýy múmkin.
Buǵan deıin Shymkentte jyl basynan beri sheteldiktermen neshe azamat neke qıdyrǵanyn jazdyq.
Sonymen qosa, Qazaqstanda keıingi 10 jylda neke sany 22%-ǵa azaıǵany belgili boldy.
